રોહીણી નક્ષત્ર:
રોહીણી ચંદ્ર નું નક્ષત્ર છે. વૃષભ રાશિ નાં ૧૦° થી૨૩°૨૦’ નો વિસ્તાર રોહીણી નક્ષત્ર નો છે.
રોહીણી શબ્દ સંસ્કૃત રુહ્ ધાતુ પરથી બન્યો છે.રુહ્ એટલે વધવું, વિકસવું, ચડવું. એમાંથી આરોહણ શબ્દ બન્યાં.
રોહીણી એટલે આરોહણ કરવું . સતત આગળ વધવાની વૃત્તિ. પોતાની અંદર રહેલી ક્રિએટિવીટીને જાણી તેની સાથે કામ કરવું .
આકાશ માં ચમકીલો તારો હોય છે. લાલ ગુલાબી રંગ નો હોય છે. લાલ રંગ શુભ માનવામાં આવે છે.સમૃધ્ધતાનો કારક ગણાય છે.
આકૃતિ બળદ ગાડું . બે બળદ જોડેલું ગાડું. બળદ વૃષભ રાશિ નું પણ સિમ્બોલ છે (બળદ ઓર આખલો) . આખલો લઈએ તો ફર્ટીલીટી નું પ્રતિક. ગાડું સામાનની હેરફેર માટે વપરાય. ખાસ કરીને ઉગેલા અનાજની હેરફેર. ભૌતિકતા નું પ્રતિક કહી શકાય. અત્યારનાં જમાનામાં વ્યપાર વાણિજ્ય સાથે પૈસા સાથે જોડી શકાય.
વૃષભ પૃથ્વી તત્વ ની રાશિ. એમાં ચર આકૃતિ . આગળ વધવાનું પ્રતિક. શુક્ર – વૃષભ રાશિ નો સ્વામી. માટે ભૌતિક સુખ સુવિધાઓ માટે આગળ વધે. ચંદ્ર નક્ષત્ર સ્વામી માટે ક્રિએટિવ હોય. સ્વ ક્રિએટિવીટી હોય.
દેવ: બ્રહ્મા .ક્રિએટર, સર્જક. આ એકજ એવું નક્ષત્ર છે જેમાં સ્વયં ત્રિદેવ માંથી એક દેવ નું આધિપત્ય છે. બ્રહ્મા દેવ છે જે ક્રિએટર છે તેથી આ જાતકો મા ભરપૂર ક્રિએટિવીટી હોય. ભૌતિકતા હોય.
આંખો સુંદર મોટી અને એક્સપ્રેસીવ હોય. પૃથ્વી તત્વ ની રાશિ છે માટે સ્થિરતા ના ગુણ હોય. અવાજ પણ એવો લોકો ને ખેંચી શકે તેવો હોય.
સમાજમાં જાણીતા હોય.
ચંદ્ર અને શુક્ર નું આધિપત્ય મુડી બનાવે. આમે ક્રિએટિવ વ્યક્તિ મુડી હોય. રોમેન્ટીક હોય.
બીજી રાશિ કુટુંબ ભાવની હોવાથી ચંદ્ર સ્વામી હોવાથી કુટુંબ ભાવના ઉત્તમ હોય.
કાસ્ટ શુદ્ર. કેમ? તો જાતક પૃથ્વી સાથે જોડાયેલાં હોય જેમકે ખેડૂત. જે વેદિક જમાનામાં સેવા કરનાર માં આવતાં હોઈ શુદ્ર.
સ્ત્રી નક્ષત્ર
દિશા: દક્ષિણ.વાયવ્ય
કૃતિકા નક્ષત્ર
નક્ષત્ર ત્રણ કૃતિકા:
૨૭ નક્ષત્ર નું ત્રીજુ , સૂર્ય નું નક્ષત્ર. સાત તારાનું બનેલું છે. આ તારા રાત્રે સરળતાથી જોઈ શકાય છે.
જન્મ થયા પછી નાળ કપાય. ભરણી ડિપેડન્સી છે માતાનાં ગર્ભમાં છે. કાપવાની પ્રક્રિયા થઈ. નાઈફ આવી . હવે ઈન્ડીવ્યુજ્યાલીટી મળી. પછી
જે શિખવાની પ્રક્રિયા ચાલુ થાય એ કૃતિકા નક્ષત્ર છે. ચાલવુ,બેસવુ વગેરે. ૪-૫ વર્ષોની ઉંમર. શિસ્ત નું ભાન થવા લાગે છે.
કૃતિકા : કાપી નાખનાર. જેની પાસે કાપી શકાય તેવા હથિયાર છે (કટર)જેની મદદથી કટ કરવું કાપવું કામ કરે.
કૃતિકા ની વાત કરો તો કાર્તિકેય યાદ આવે. કાર્તિકેય ને ઉછેર કરનાર સાત ઋષિ પત્ની ઓ.
આ જાતકો પોતાની માતા કરતા બીજી માતાઓ જેમ કે દાદી નાની મામી વગેરે પાસે રહી મોટાં થાય.
સિમ્બોલ: હાથમાં ધારદાર કુહાડી, તલવાર જેવાં હથિયાર છે.જે કાપવા કે નાશ કરવા માટે તૈયાર હોય છે. ગુસ્સા માં આઘાત કરે.નુકશાન પહોંચાડે. આ જ હથિયાર લોક કલ્યાણ પણ કરે. ઉદાહરણ તરીકે ડોક્ટર ના હાથમાં કટર.
મોર પણ ચિત્ર માં છે. પીંછા વાળો મોર માપે પુરુષ જાતી સાથે સંકળાયેલા છે.
કાર્તિકેય નું વાહન મોર છે. કૃષ્ણ મોર પીંછા લગાવતાં હતા.
પ્રજ્વલિત અગ્નિ પણ છે. અગ્નિ તત્વનું નક્ષત્ર.
અગ્નિ જુદાં જુદાં પ્રકારનાં હોય. શારીરીક ધોરણે પાચનાગ્નિ, જે ખોરાક પચાવે શરીરને શક્તિ આપે.
માનસિક ધોરણે એ જ અગ્નિ નવી જાણકારી, જ્ઞાન પ્રાપ્ત કરવા માટે ની શક્તિ આપે છે. અને નવું જાણવા શિખવા માટે ની તત્પરતા બતાવે છે.
અને આત્મિક ધોરણે , એ અગ્નિ પાસ્ટ કર્મોનું ને બાળી શુધ્ધતા તરફ લઈ જાય છે.
અગ્નિ રસોઈ ના કામમાં આવે. કૃતિકા અગ્નિ શુધ્ધ કરે, ઓગાળી દે, અને મોલ્ડિંગ કરે. આ બધું ફિઝીકલી અને આત્મિક લેવલ પર કરી શકે. આ જ અગ્નિને કારણે કૃતિકા માં હોય જાતક ક્રિએટિવ હોય.
દેવ: કાર્તિકેય , દેવોના દળો ના સેનાપતિ. શિવજીનાં પૂત્ર. કાર્તિકેય નો જ્ન્મ જ દાનવોનાં નાશ માટે થયો હતો. દાનવોથી છુપાવી ને ઉછેર થયો હતો. માટે એ વાર્તા પરથી સમજી શકાય કે કૃતિકા ના જાતકો આવનાર ઈમરજન્સી ને મુશ્કેલ સમયને ઓળખી શકે તેમ હોય છે. છુપું રાખવાનો સ્વભાવ હોય છે.
તરત જ એટેક કરે છે. બ્લાસ્ટ કરે તેવા હોય છે. બોલવામાં પણ કટર જેવી જીભ હોય. અહીં સૂર્ય કરતાં મંગળ જેવો લડાયક ક્રોધ દેખાય છે. સૂર્ય નો ક્રોધ લાંબો ના હોય. રાજા યુધ્ધ કરવા ની આજ્ઞા આપવા પૂરતો ક્રોધિત થાય. પણ સૈનિકોએ યુધ્ધ લાંબો સમય કરવાનું હોય માટે જોમ જુસ્સો રાખવો પડે. આમ આ જાતકો જુસ્સાવાળા હોય છે.
બીજાની સંભાળ લેવાવાળા, પોષણ કરનારાં, (સૂર્ય ની ક્વોલિટી) આત્મબળ ધરાવતાં હોય છે.
એક્ટિવ નક્ષત્ર છે. જાતક રેસ્ટલેસ નેચરનાં હોય. સારા સેલ્સપર્સન હોય. લિડરશીપ નો ગુણ હોય. વ્યક્તિગત સ્વાતંત્ર્ય હોય. મોટીવેશનલ હોય.
જાતી બ્રાહ્મણ. નોલેજ લેવાની વૃત્તિ હોય. ફિલોસોફિકલ હોય.
ક્ષત્રિય પણ ગણાય લડાયક હોય.
સ્ત્રી નક્ષત્ર છે. કારણ કે સાત કૃતિકા જે ઋષિ પત્ની છે.
અંગ: માથું, સાથળ.
કફજ નક્ષત્ર ગણાય છે.
દિશા: પૂર્વ દક્ષિણ, થી નૈઋત્ય
રાજસિક નક્ષત્ર .
રાક્ષસ ગણ. ઠંડી ક્રુરતા આચરે.
અધોમુખી નક્ષત્ર. કૃતિકા નક્ષત્ર ને સરફેસની નીચે શું છે એમાં રસ છે. પોતાની અંદર શું છે એ જાણવાં માં રસ હોય છે. છુપાયેલું રાખે છે. આંતરિક અગ્નિ છે.
સૂર્ય નક્ષત્ર સ્વામી છે.જે આત્મબળ આપે છે. જાતક જબરજસ્ત કોન્ફિડન્સ ધરાવતા હોય છે.
ભરણી નક્ષત્ર
નક્ષત્ર ૨ ભરણી
મેષ રાશિના ૧૩°૨૦’થી ૨૬°૪૦’ સુધી ભરણી નક્ષત્ર આવે છે. ત્રણ તારાનું બનેલું ત્રિકોણ બનાવે છે. વેદિક પ્રમાણે સ્ત્રી નું ગર્ભાશય જેવી આકૃતિ હોય છે.
ભરણી શબ્દનો અર્થ જોઈએ તો જે ભરણ કરે છે તે. પોષણ કરે છે એ.
ભરણી શબ્દને સમજીએ તો જેણે ધારણ કર્યું છે એ એનું પોષણ કરે છે. ખાસ કરીને અહીં સ્ત્રીના ગર્ભાશય માં રહેલાં ગર્ભની વાત છે. કેટલાક સિમ્બોલ તરીકે સ્ત્રી ના શરીરમાં રહેલ ગર્ભ ને બતાવે છે.
પરંતુ મેઈન સિમ્બોલ સ્ત્રી યોની છે.ફિમેલ રિપ્રોડક્ટિવ અંગ છે.
અશ્વિની પાસ્ટ કર્મ થકી સર્જન તરફ આવવું. ભરણી કુદરતનો ક્રિએટિવટી નો વિસ્તાર કહો કે દુનિયામાં જ્ન્મ લેવાનો દરવાજો કહો.
આખુંય ભૌતિક જગત આ ફિમેલ અંગ થકી જ છે એમ કહેવાય. મેષ રાશિમાં આવતું આ નક્ષત્ર શુક્રનું છે.
મંગળ રાશ્યાધિપતિ શુક્ર નક્ષત્ર અધિપતિ. મંગળ અને શુક્ર નું કોમ્બિનેશન એટલે શિવ અને શક્તિ. મંગળ એટલે શિવ અને શક્તિ નું મિલન એટલે જાણે કે જીવનની શરૂઆત . મેષ રાશિમાં હોવાથી અગ્નિ તત્વનું નક્ષત્ર છે.
સૃજન સાથે જોડાયેલું હોય છે માટે રાજસિક નક્ષત્ર છે . પરંતુ પૃથ્વી તત્વ સાથે પણ જોડાયેલું છે. કારણ કે તેમાં ધારણ શક્તિ છે.
એક સિમ્બોલ બોટ નું પણ ગણવામાં આવે છે. જે ટ્રાન્સપોર્ટેશન નું છે. જાણે કે,એક જન્મથી બીજા જન્મ નું . વૈતરણી પાર કરી યમ દ્વારે જવા માટે હોડીનો ઉપયોગ થાય . માટે સિમ્બોલ હોડી છે. યમ દ્વારેથી કર્મને આધીન જીવન તરફ પાછા ફરવું . આ રીતે વિચારીએ તો ટ્રાન્સફરમેશનનુ નક્ષત્ર પણ કહેવાય. નવો જન્મ લેવો એ પણ એક મહત્વનું ટ્રાસ્ફરમેશન કહેવાય.માટે ભરણી ડાયરેક્લી જન્મ સાથે જોડાયેલું નક્ષત્ર છે.
દેવ: યમ છે.જે મૃત્યુ નો દેવ છે.જેને ધર્મોનો દેવ કહે છે. જે કર્મ અને ધર્મના કાયદા ને અનુસરે છે. યમ એને જ ડરાવે છે કે જેના કર્મ ખરાબ હોય છે.
ભરણી નક્ષત્રનાં દેવતા યમ છે જે મૃત્યુ સાથે સંકળાયેલા છે એથી આ નક્ષત્ર સારા કાર્યો માટે યોગ્ય ગણાતું નથી.
ભરણી એટલે ૧૬ વર્ષની સ્ત્રી જેના ગર્ભમાં બાળક છે.
માટે સ્વભાવ એ રીતે હોય.
આવા જાતકો બાળ સહજ વૃત્તિ ધરાવે છે. ઈનોસન્ટ હોય. શરુઆતનુ નક્ષત્ર માટે દુનિયા દારી નો અનુભવ નથી. માટે હંમેશા ડાયલેમા અનુભવે. શું કરવું ના કરવું એવો સવાલ હોય છે. બીજું કારણ નક્ષત્ર દેવતા યમ દેવ છે શિસ્ત ના આગ્રહી હોય . ખોટું કરવા માંગે નહીં.
કેટલીક વાર વગર વિચાર્યે કુદી પડવાની વૃત્તિ ધરાવે છે.
કેરેક્ટર ઉંચું હોય. જેને કારણે ઘણી મુશ્કેલી નો સામનો કરવો પડે. નાના બાળક ની જેમ રડે.પણ લાંબુ ચલાવે નહીં. જગતની દરેક વસ્તુનો અનુભવ કરવાની ઈચ્છા હોય. ક્રિએટિવ હોય. મોસ્ટ સેક્સ્યુઅલ નક્ષત્ર ગણાય છે કારણ જીવનના દરેક ફોર્સ ને જાણવા ઈચ્છે છે.
આ જાતકો ની આંખો મોટી એટ્રેક્ટિવ હોય છે. સુંદર હાસ્ય હોય.
યમના હાથમાં હથિયાર હોય છે. જાતકો ક્રુર હોય છે. બાળક જેવા હોઈ ખબર નથી હોતી કેવું વર્તન કરવું. એટલે જ્યાં પોતાને યોગ્ય ના લાગે તેવી વાત માટે દંડ આપવાની વૃત્તિ રાખે છે. જાતકો નૈતિકતાને અનુસરનાર હોય છે. અનૈતિક વાતમાં સ્પષ્ટ ના કહી દેતા અચકાતા નથી. એનર્જેટિક અને એન્થ્યુજાઈટીક હોય છે.
જન્મ અને મૃત્યુ નું બેલેન્સ યમ રાખે માટે આ જાતકો બેલેન્સ સ્વભાવ ધરાવે છે. ભરણી નક્ષત્રમાં ૨૦°
શનિ પરમ નીચનો થાય છે. ભરણી હુફાળી જગ્યા છે શનિ ઠંડો ગ્રહ છે માટે પરમ નીચ નો થાય એવું મનાય.
જાતી: શુદ્ર .
આ જાતકો સોશ્યલ નિયમોને તોડવામાં માને.. બીજા નંબરનું બેકી રાશિ નું છે માટે સ્ત્રી સ્વભાવ નું નક્ષત્ર છે. આ નક્ષત્ર ને માયા સાથે જોડવામાં આવે છે.
શરીરનાં આંખોમાં માથાનો ભાગ પર અમલ ધરાવે છે. પગનો તળીયાનો ભાગ પર અમલ ધરાવે છે.
પિત પ્રકૃતિ નું નક્ષત્ર છે કારણ મંગળની મેષ રાશિમાં આવેલું છે.
દિશા: દક્ષિણ ,નૈરૂત્ય
શુક્ર આ નક્ષત્ર નો સ્વામી છે. શુક્ર ભૌતિકતા, સેક્સ, મૃતસંજીવની વિદ્યા નો કારક ગણાય છે. આમ શુક્ર મૃત્યુ અને પુનર્જન્મ માટે કારણભૂત મનાય છે. નૈસર્ગિક કુંડળી માં બીજુ અને સાતમુ સ્થાન શુક્ર નું છે. જેને મારક સ્થાન કહ્યાં છે.જાતકો બાળક જેવા હોય.
જાતકો મોટે ભાગે બાળકો ની સંભાળ લેવી, ટીચીંગ, નર્સ, આરોગ્ય ક્ષેત્રે, ગાયનેકોલોજીસ્ટ મીડવાઈફ, રમકડાં ના ક્ષેત્રે હોય છે.ક્રિએટિવ ક્ષેત્રે, રસોઈ કળા જેવા કાર્યક્ષેત્રે હોઈ શકે.
રોગ ની વાત કરીએ તો ભરણી નક્ષત્ર જાતકને માથામાં વાગવું, , બ્રેઈન સ્ટ્રોક, ગર્ભાશય ના રોગો, રિપ્રોડક્ટિવ સીસ્ટમ સાથે સંકળાયેલા રોગો, સેકસુઅલ ટ્રાન્સમીટેડ રોગો એટલે કે સામાન્ય સમજ પ્રમાણે ગુપ્ત રોગો થતા જોવા મળે છે.
ગણ: મનુષ્ય.
અર્થ ની ઈચ્છા રાખનાર.
અધોમુખી.
ભરણી નક્ષત્ર સાથે હાથી ને સાંકળવામાં આવે છે.
નક્ષત્ર ફળ છે આમળા .
ભરણી નક્ષત્ર નો બીજ મંત્ર છે ૐ ઈમ્
ઉગ્ર નક્ષત્ર છે.
નક્ષત્ર શક્તિ માતા પાર્વતી નું ઉગ્ર રૂપ છે જે મા કાલી ,મા દુર્ગા ગણાય છે.
ભરણી નક્ષત્રનું પ્રથમ પદ સિંહ નવમાંશ માં આવે છે. અહીં મંગળ, શુક્ર અને સૂર્ય વચ્ચે સંબંધ સ્થપાતો હોઈ જાતક ક્રીએટીવ હોય . નૃત્ય, નૃત્ય શિક્ષક, રમતગમત સાથે જોડાયેલા હોઈ શકે છે. પોતાની કારકિર્દી મા સફળતા મેળવે છે. આત્મબળ સારું હોવાથી ધ્યેય સુધી પહોચે છે.
ભરણી નક્ષત્ર નું બીજુ પદ કન્યા નવમાંશ માં આવે છે. અહીં મંગળ શુક્ર અને બુધનો સમન્વય થાય છે. બુધને કારણે જાતક સારા પ્લાનર હોય છે. ક્રીએટીવ અને પરફેક્શનના આગ્રહી હોય છે. સારા વકીલ થવાનાં ગુણો હોય છે.
ભરણી પદ ત્રણ તુલા નવમાંશ માં આવે . આ નવમાંશ પુષ્કર નવમાંશ માં આવતું હોવાથી અહીં રહેલો ગ્રહ ઉત્તમ ફળ આપે છે. અહી મંગળ સાથે શુક્ર નું રિલેશન થાય છે. આ જાતકો પ્રેમ સંબંધોને મહત્વ આપે છે. લાઈફ પાર્ટનર સાથે પ્રેમાળ અને સમર્પિત રહે છે. ફેશન ઇન્ડસ્ટ્રીમાં આવા જાતકો જોવા મળે છે.
ભરણી નક્ષત્ર નું ચોથું પદ વૃશ્ચિક નવમાંશ માં આવે અહીં મંગળ નું વર્ચસ્વ જોવા મળે છે. જાતકો હિંમત વાળા અને મારામારી કરી શકે એવા હોય છે. પોલીસ, સીક્યોરીટી જાસુસીમાં આવા જાતકો હોય છે. નેગેટિવ કાર્યો કરી શકે એવા હોય છે.
આશા રાખું છું કે આપને આ માહિતી ગમી હશે. ધન્યવાદ
નક્ષત્ર:
વેદિક જ્યોતિષમાં ૨૭ નક્ષત્ર પર બેઝીકલી રચાયેલું છે. નક્ષત્ર એટલે નક્સ = આકાશ. ક્ષેત્ર= જગ્યા . નક્ષત્ર એ તારાઓની આકાશમાં ઉપસ્થિતીનો નક્શો છે. વેદિક જ્યોતિષ ૨૭ નક્ષત્ર ને આધીન રચાયેલું છે નહીં કે, રાશિને.
૨૭ નક્ષત્ર, જીવનની ઉત્પત્તિ થી મૃત્યુ સુધીની જર્નીનું દર્શન છે. માનવ ઉત્પતિ નો મૂળભૂત પથ દર્શાવે છે.
નક્ષત્ર અશ્વિની , જીવનનું પ્રથમ સ્ટેજ છે જેમાં જીવન સંપૂર્ણપણે બહારની પરિસ્થિતિ પર આધારિત હોય છે.
પહેલું નક્ષત્ર ગણાય છે. પહેલું એટલે સ્ટાર્ટ કરવું. શરૂઆત કરવી. મેષ રાશિના ૦૦°૦૦’ થી ૧૩°.૨૦’ ના ભાગઅશ્વિની નક્ષત્ર મા આવે છે.
મેષ રાશિના ત્રણ નક્ષત્ર આવે જેમાંનું પહેલું નક્ષત્ર.
અશ્વિની નક્ષત્ર નો સ્વામી કેતુ છે.
આકૃતિ કે સિમ્બોલ જોઈએ તો ઘોડાનું માથું છે. સ્ત્રી ઘોડો છે.
વૈશ્ય વણિક કાસ્ટ છે.
પહેલું નક્ષત્ર માટે ૧ નંબર માટે પુરુષ જાતી
દિશા: સેન્ટર , પૂર્વ , દક્ષિણ, નૈરૂત્ય
ગુણ સાત્વિક
દેવ નક્ષત્ર
આપણે જાણીએ છીએ કે ઘોડો કદી બેસતો નથી. કાયમ જર્ની માટે તૈયાર હોય છે.એલર્ટ હોય છે.
અહીં માથું સિમ્બોલ ગણીએ તો શરીરનાં માથાં ના અંગને દર્શાવે છે. માથું જેમ આખાય શરીરનાં કાર્ય માં કંટ્રોલીંગ કરે છે .
ચંદ્ર એટલે મન, મનનાં ગુણો અવગુણો, માનસિકતા.
માટે અશ્વિની નો ચંદ્ર ઓટોમેટિકલી જાતકને ઉપર મુજબની માનસિકતા આપે છે. આ જાતકો લીડરશીપ ગુણ ધરાવે છે. આ જાતકો સતત કાર્યરત રહે. બેચેન રહે . સંઘર્ષ કરતાં જોવા મળે. સાદા શબ્દોમાં કહીએ તો પગ વાળીને બેસે નહીં. લીડરશીપના લેવાની ટેવને કારણે લોકો સાથે સંઘર્ષ થાય.
અશ્વીની કુમારો આ નક્ષત્ર ના દેવ છે. જે દેવોના વૈદ્ય ગણાય છે. સદાય બીજાની સેવા હેલ્પ કરવા તત્પર રહે છે. બે અશ્વિની કુમારો છે.આથી આ નક્ષત્ર હિલિંગ કાર્યો સાથે જોડવામાં આવે છે.
ચંદ્ર આ નક્ષત્ર માં ધરાવતા જાતકો પણ હિલીંગ જેવી લાઈનમાં, ડોક્ટર નર્સ વૈદ વગેરે માં જોવા મળે છે.
આ જાતકો ત્વરીત કાર્ય કરતા જોવાં મળે છે. ડાયરેક્ટ પોઇન્ટ પર આવી ને સમય વેડફ્યા વગર કામ કરતાં જોવાં મળે છે. જે વિચાર આવે એનો તાત્કાલિક અમલ કરવુ એમનો મોટો અવગુણ છે. જેને કારણે એમને પસ્તાવું પડે છે.
હિંમતવાન, મજબૂત આત્મબળ ધરાવતાં હોય છે. સ્વતંત્ર વિચારસરણી હોય. કોઈ ની સલાહ જલ્દી ગળે ઊતરતી નથી. ( ઘોડો છે કેળવણી ના હોય તો જંગલી પણ હોય)
નક્ષત્ર સ્વામી કેતુ : શરૂઆત માટે જાણીતું છે. માટે ઉતાવળ કરતા અધીરાઈ હોય છે. જાતક પણ આવો સ્વભાવ ધરાવે.હિલીંગ માટે કેતુ ગણાય છે ભૂતકાળ સાથે સંકળાયેલ ગણાય. જે વ્યક્તિ ને વર્તમાન માં સાજુ કરે. જાદુ ચમત્કાર માં માને.
મંગળ રાશિ અધિપતિ : શક્તિ નો કારક. એનર્જી એ આગળ વહેવા હંમેશા તૈયાર હોય એમ આ જાતક એનર્જી થી ભરપૂર હોય અધીરા હોય. ત્વરિત ગુસ્સો આવે. શાંત પણ જલ્દી થાય. બહું વાર એકના એક કામને વળગી ના રહે. ગુસ્સા વાળા પણ સેવાભાવી હોવાથી બીજાની ખરાબ કામને ભૂલી જાય ને મદદ કરે માટે ભોળા પણ હોય.
જુદી જુદી બુક્સનાં અભ્યાસ પછી લખ્યું છે.
કેતકી મુનશી
૨૨/૪/૨૦૨૦
મેડિકલ એસ્ટ્રોલોજી: આંખનો અસામાન્ય રોગ- માએસ્થેસિયા ગ્રેવીસ ઈન આઈ – Myasthenia Gravis in Eyes
આ લેખ વાંચતા પહેલાં મેડિકલ એસ્ટ્રોલોજી આંખ ભાગ એક અને બે જરૂરથી વાંચજો.
કેટલાંક રોગો ઘણીવાર ન સાંભળ્યાં હોય એવાં હોય છે. મારી કોશિશ હંમેશા એવી રહે છે કે, એવાં રોગની કુંડળી મળે તો તેનાં પર જ્યોતિષીય આયામથી વિચાર કરવો .
કેટલાંક કારણોસર બર્થ ડિટેલ મુકવી યોગ્ય નથી, માટે કુંડળી મુકેલી છે.
આંખોનાં રોગ માટે આગાઉ જોયું છે તેમ બીજો , બારમો ભાવ ચંદ્ર અને સૂર્ય અનુક્રમે જમણી ડાબી આંખ માટે જોવાય. જ્યારે શુક્ર દ્રષ્ટિનો કારક હોઈ એના પર પણ વિચાર કરવો જોઈએ.
સાથે સાથે કાળપુરુષની કુંડળી મુજબ બીજા ભાવે આવતી વૃષભ રાશિ, બારમા ભાવે આવતી મીન રાશિ તથા આઠમા અને છઠા ભાવને પણ ધ્યાનમાં રાખીને આગળ વધવું જોઈએ.
આજની આ કુંડળી માયસ્થેસીયા ગ્રેવીસની છે. જેને આપણે ‘અમિતાભ બચ્ચનનાં ‘ રોગથી ઓળખીએ છીએ. આ એક ઓટો ઈમ્યૂન રોગ છે.
આ કુંડળીમાં આ રોગ ફક્ત આંખો સુધી સિમિત થઈને રહ્યો છે, માટે માયસ્થેસીયા ગ્રેવીસ ઈન આઈ કહીશું. આ રોગમાં આપણી ઈમ્યૂન સિસ્ટમ એન્ટીબોડી બનાવે એ એન્ટીબોડી નર્વસ સિસ્ટમ પર અસર કરી નર્વસ સિગ્નલને અવરોધે જેને કારણે મસલ્સ નબળા પડે.
આંખ પુરતાં આ સિમિત રહે ત્યારે આંખનાં મસલ્સ નબળાં પડતાં ડબલ દેખાવું, આંખની પાંપણ બંધ થઈ જવી. પછી ખુલતાં તકલીફ પડવી. જેને ઓકુલર માયસ્થેસીઆ ગ્રેવીસ કહે છે.
આવો કુંડળી જોઈશું.
ઉપર મુકેલી કુંડળી સિંહ લગ્ન ઉદિત થયેલું છે . લગ્ન મઘા ગંડાતનું છે.
બીજા ભાવે કન્યા રાશિ અને બારમાં ભાવે કર્ક રાશિ છે.
બીજા ભાવે આવેલી કન્યા રાશિનો સ્વામી બુધ આઠમાં ભાવમાં પોતાની નીચની રાશિમાં છે. બુધ શરીરમાં નર્વસ સિસ્ટમનો કારક છે.
પરંતુ શુક્ર આઠમે આવેલી મીન રાશિમાં ઉચ્ચનો થયો હોઈ નીચભંગ યોગ ગણાય. સિંહ લગ્નની કુંડળીમાં શુક્રની મૂળત્રિકોણ રાશિ તુલા ત્રીજા ભાવે એટલે કે ત્રિષડાયભાવે છે. જે શુક્ર ઉચ્ચનો, વક્રી અને મજબૂત બની આઠમાં ભાવે રહેલો છે. શુક્ર અહીં દ્વીતિયેશ મારકેશ બુધ અને સૂર્ય ની વચ્ચે પાપકર્તરી નો થયો છે. આમ ડબલ વિઝનનું કારણ શુક્ર બન્યો છે.
બારમાં ભાવે કર્ક રાશિ છે. જેનો અધિપતિ ચંદ્ર દસમાં ભાવે વૃષભ રાશિમાં , મંગળ સાથે સ્થિત છે. મંગળ મસલ્સનો કારક થયો. મંગળ સિંહ લગ્નની કુંડળીમાં યોગ કારક થાય. પરંતુ બારમા ભાવનાં અધિપતિ સાથે છે. મંગળ વૃષભ રાશિમાં કૃતિકા નક્ષત્રનો છે. મંગળ પર ષષ્ઠેશ વક્રી શનિની અંશાત્મક દ્રષ્ટિ છે. શનિ ઓબ્સ્ટ્રકશન આપે. શનિ લાંબા ગાળાનાં રોગનો કારક છે. આમ શનિને કારણે વૃષભ રાશિ જે દ્રષ્ટિની કારક હોવાથી જાતકને મસલ્સના રોગ થકી અવરોધ કરે છે. આ રોગ લાંબા ગાળાનો એટલે કે લાઈફ ટાઈમ માટે જોવા મળતો રોગ છે.
આમ મંગળ શનિને કારણે મસલ્સ નબળા પડે અને પાંપણનાં મસલ્સ પર કંટ્રોલ ના રહેતાં નીચે પડી જાય.
૨) આંખ માટે ચંદ્ર સાથે સૂર્ય પણ જોવો પડે. સૂર્યને ડાબી આંખનો કારક પણ કહ્યો છે.
આ કુંડળીમાં સૂર્ય લગ્નેશ થઈ નવમા ત્રિકોણ ભાવે આવેલી મેષ રાશિમાં પોતાની ઉચ્ચ રાશિમાં છે. સૂર્ય અહીં દસ અંશનો પ્રબળ ઉચ્ચનો છે. કેતુનાં અશ્વીની નક્ષત્રનો છે. સાથે રાહુ કેતુની એક્સિસથી ગ્રસ્ત છે. રાહુને કારણે જલ્દીથી ઓળખી ન શકાય એવો રોગ થયો છે.
આ ઉપરાંત ષષ્ઠેશ શનિ વક્રી થયેલો છે જે ત્રીજા ભાવથી સૂર્ય પર વક્રી દ્રષ્ટિ કરે છે અને અવરોધ ઉભો થયો છે.
નવમા ભાવનાં સર્વાષ્ટક વર્ગ નાં શુભ બિંદુ જોઈએ તો ફક્ત ૧૭ જ છે. જેમાં સૂર્ય એ ફક્ત ૧ બિંદુ જ આપેલું છે. આમ મેષ રાશિ અને નવમો ભાવ અષ્ટકવર્ગ ની દ્રષ્ટિ એ નબળો થયો છે.
૩) છઠો ભાવ – છઠે ભાવે મકર રાશિ છે. જેનો અધિપતિ શનિ વક્રી થઈને વૃશ્ચિક રાશિમાં એટલે કે, કાળપુરુષની કુંડળી ની આઠમી રાશિમાં છે.
છઠે આઠમાં ભાવે આવેલી મીન રાશિનો સ્વામી ગુરુ છે જે પોતાની નીચની રાશિમાં છે. આમ અષ્ઠમેશ છઠે જતા વિપરીત રાજ યોગ થયો . પરંતુ નીચની રાશિમાં જતાં હેલ્થનાં પ્રશ્નો પ્રબળ બનાવ્યાં. આમ ગુરુની દશા દરમ્યાન જાતકને આવો રેર રોગ થયો.
કેતકી મુનશી
સોરિયાસીસ : મેડિકલ એસ્ટ્રોલોજીની દ્રષ્ટિએ: Psoriasis in Medical Astrology:
સોરિયાસીસ એ ચામડીનો રોગ છે. જેમાં ચામડી લાલ થઈ જાય, પેચીસ પડે .આ પેચીસ એકથી અડધા ઈંચ જેટલા હોય. સીલ્વર કલરનાં દેખાય. એટલે કે ચામડી શુષ્ક થાય એટલે ઉપરનો રંગ બદલાઈ જાય. ચામડી પર બળતરા થાય જ્યાં થયું હોય ત્યાં સોજો આવે. . ચામડી એકદમ સુકી થઈ જાય. આ રોગનું ઇન્ફેક્શન બીજાને લગભગ લાગતું નથી.
સોરિયાસીસ ઓટો ઇમ્યુન ડિસિસ છે. જેમાં રોગનું કારણ જાણવા મળતું નથી. ખુબ જ લાંબો ચાલતો રોગ છે. ખાસ કરીને ચયાપચયની પ્રક્રિયામાં એમિનો એસિડમાં એબનોર્માલીટીથી ઉત્તપન્ન થતો રોગ છે. આપણાં શરીરમાં લોહીમાં રહેલાં સફેદ કણો શરીરને બેક્ટેરિયા, વાયરસ જેવી બહારની ચીજોથી રક્ષણ કરે છે. બહારની ચીજો સામે લડાઈ કરી શરીરને બચાવે છે. પરંતુ આ જ સફેદ કણો જ્યારે શરીરનાં ભાગને ઓળખવામાં ભૂલ કરે અને એનાં પર જ એટેક કરે ત્યારે ઓટોઈમ્યુન ડિસિસ થાય છે.
સોરિયાસીસ માં પણ લોહીનાં સફેદ કણ ચામડીનાં કોષો પર એટેક કરે છે. ચામડીનાં નવા ઉત્પન્ન થતા કોષો ઉપરની સરફેસ તરફ ધકેલાતા જાય છે. અને આ કંડિશનને સોરિયાસીસ કહે છે.
સોરિયાસીસ ગ્રીક શબ્દ છે , અર્થ થાય છે ‘ખણવું’ .
મોટે ભાગે કોણી અને ઘૂંટણ પર જોવા મળે છે. આ જોઈન્ટસનાં બહારનાં ભાગે જોવા મળે છે. ઘણી વખત માથામાં કે શરીરનાં બીજા અંગો પર પણ હોય છે. જેમ જેમ રોગ જુનો થાય એમ શરીરનાં ઘણાં ભાગે થવા લાગે છે.
એસ્ટ્રોલોજી અને સોરીયાસીસ :
ગ્રહ :
ચંદ્ર – લોહીમાં રહેલા પ્રવાહી પદાર્થ નો કારક ચંદ્ર છે. માટે લોહીમાં રહેલાં ખરાબ ઈમ્પ્યોરીટીને કારણે ત્વચાનાં રોગ માટે ચંદ્ર જોવો જરૂરી બને.
બુધ : ત્વચા નો કારક .
શનિ : ઠંડો, શુષ્ક ગ્રહ છે. ડીજનરેશનનો કારક છે. રીસ્ટ્રીકશન, ઓબ્સ્ટ્રકશન માટે જવાબદાર છે. લાંબા સમયનાં રોગ માટે જવાબદાર ગ્રહ છે.
શુક્ર : સુંદરતા માટે નો ગ્રહ છે. ખાસ કરીને ત્વચાનાં રોગ અન્વયે વિચારીએ ત્યારે શુક્ર પણ જવાબદાર બને.
મંગળ : સોજા , ગડગુમડ, રેસીસ, એનર્જી વગેરે માટે જવાબદાર ગ્રહ છે.
કેતુ : શુષ્કતા માટે જવાબદાર ગ્રહ છે.
નેપ્ચ્યુન : ઓટોઈમ્યુન ડિસિસનો કારક છે.
ગુરુ : એક્સપાનશન .
રાશિ : મકર રાશિ ત્વચાની કારક રાશિ.
ભાવ :
છઠો ભાવ – રોગનો ભાવ.
આઠમો ભાવ- ક્રોનિક રોગ
૧૧ મો ભાવ – મલ્ટીપીસીટી માટેનો ભાવ.
નક્ષત્ર :
ઉતરાષાઢા ( મકર રાશિમાં આવતા પદ)- ખાસ કરીને એક્ઝીમા જેવા ત્વચાનાં રોગ , લેપ્રસી વગેરે.
શ્રવણ – એક્ઝમા જેવા રોગ, ફાઈલેરીયા ( હાથીપગો)
પુષ્ય, સ્વાતી, અનુરાધા, શતભિષા.
સોરીયાસીસ માટે મોટે ભાગે કુંડળીમાં નીચેનાં કોમ્બિનેશન જોવા મળે છે.
મંગળ મકરમાં ,
શુક્ર નેપ્ચ્યુન અશુભ ગ્રહથી દ્રષ્ટ,
બુધ- રાહુ આઠમે હોવું કે બુધનું અશુભ ગ્રહોની દ્રષ્ટિ કે યુતિમાં હોવું.
રાહુ ઇમ્યુન સિસ્ટમને ધીમી કરી દે એટલે રોગ ઝડપ પકડે. અહીં ચામડીનાં કોષોમાં વધારો થાય છે , જેના માટે ગુરુ ગ્રહ જવાબદાર છે. એક્સપાન્શન માટે ગુરુ કે ૧૧ ભાવ /૧૧ માં ભાવનો અધિપતિ જવાબદાર બને છે. ૧૧ના અધિપતિ કે ૧૧ માં ભાવ સાથે ગુરુનો સંબંધ થતો હોય ત્યારે સોરિયાસીસ થતો જોવા મળે છે.
સિંહ લગ્ન, વૃશ્ચિક લગ્નમાં અને કુંભ લગ્ન ધરાવતા જાતકોમાં વધુ જોવા મળે છે.
સિહ લગ્નમાં ૧૧મા ભાવનો અધિપતિ બુધ ગ્રહ છે. ગુરુ આઠમાં ભાવનો અધિપતિ ગ્રહ છે. આ બંનેનાં ઈન્વોલમેન્ટ થી આ રોગ થતો હોય છે.
વૃશ્ચિક લગ્નમાં બુધ આઠમા અને અગિયારમાં ભાવનો અધિપતિ છે. ક્રોનિક કંડિશન અને મલ્ટીપીસીટી ફેક્ટર માટે ગુરુ ને જોવો પડશે.
કુંભ લગ્નની કુંડળીમાં ગુરુ ૧૧મા ભાવનો અધિપતિ થાય અને બુધ આઠમા . આ બંનેની યુતિ આ રોગ તરફ લઈ જાય.
પરંતુ એનો અર્થ એમ નથી કે બીજા લગ્નો ધરાવતી કુંડળીમાં સોરિયાસીસ ન થાય. ગુરુ બુધ આઠમા અગિયારમાં ભાવના અધિપતિ ન હોય તો પણ આ બંને ગ્રહો આ ભાવ સાથે કે તેનાં અધિપતિ સાથે સંબંધ ધરાવતા હોય તો પણ આ રોગ હોઈ શકે.
ઉદાહરણ કુંડળી:
કુંડળી-૧
૧) સિંહ લગ્નની કુંડળીમાં પ્રથમ ભાવમાં શનિ રાહુ ની અંશાત્મક છે. બંને વચ્ચે આશરે છ અંશનો ફેર છે. શનિ ષષ્ઠેશ છે. જેની સાથે રાહુ છે. શનિ ષષ્ઠેશ થઈ ને પ્રથમ ભાવમાં હેલ્થ ઈસ્યુ આપે. શનિ છે માટે લાંબા સમય સુધી ચાલે એવા રોગ પણ હોઈ શકે.
સિંહ રાશિ અગ્નિ તત્વની રાશિમાં વાયુ તત્વનો શનિ રાહુ રહેલા હોઈ આમવાત આપી શકે. જેથી જાતકને સોરયાસીસ માંથી આગળ વધી ને સોરીયોટીક આર્થરાઈટીસની સંભાવના હોવાની પૂર્ણ શક્યતા જણાય છે.
૨) ઉપર જણાવ્યા મુજબ સિંહ લગ્નની કુંડળીમાં અગિયારમાં ભાવે બુધની મિથુન રાશિ આવે . આઠમો ભાવે ગુરુની મીન રાશિ આવે છે.
ઉદાહરણ કુંડળી માં ગુરુ કર્ક રાશિમાં ઉચ્ચનો થઈને બારમે ભાવે વક્રી થયેલો છે. આ વક્રી ગુરુ અગિયારમાં ભાવ સાથે સંબંધિત થાય છે. સાથે સાથે પાંચમા ભાવે રહેલ બુધ સાથે સમસપ્તક દ્રષ્ટિ માં પણ આવે છે.
આ કારણ સોરિયાસીસનું મેજર કારણ બની ગયું છે.
ગુરુ શનિનાં પુષ્ય નક્ષત્રમાં છે.
૩) શુક્ર સાથે નેપ્ચ્યુનની યુતિ છે. શુક્ર અનુરાધા નક્ષત્રમાં છે.
નેપ્ચ્યુન શનિ સાથે ૯૦° એ રહેલો છે.
૪) ત્વચાનો કારક બુધ મૂળ ગંડાતમાં હોઈ રોગની ઈન્ટેનસીટી વધારવાનું કાર્ય કર્યું છે. બુધ કેતુનાં નક્ષત્ર નો હોઈ ત્વચા પર શુષ્કતાની અસર થઈ છે.
બુધ પર રાહુની શનિની એનર્જી યુક્ત પાંચમી દ્રષ્ટિ છે.
૫) ચંદ્ર મેષ રાશિમાં અશ્વિની નક્ષત્રનો છે. જે પણ કેતુનાં નક્ષત્ર નો છે. ચંદ્ર કેમદ્રુમ યોગમાં છે. જેથી જાતક આ રોગને કારણે એકલતાનો અનુભવ કરે છે.
૬) ધન રાશિમાં બે અગ્નિ તત્વના ગ્રહો છે . ધન રાશિ પાંચમે રહેલી છે. અગ્નિ તત્વની ધન રાશિમાં બે અગ્નિ તત્વના ગ્રહની સાથે વાયુ તત્વનો બુધ હોઈ અહીં વાયુ તત્વ અસંતુલિત થયો છે. એજ રીતે અગ્નિ તત્વની સિંહ રાશિમાં બે વાયુ તત્વના ગ્રહ છે.
ગુરુ કર્ક રાશિમાં પ્રબળ કફ પ્રકૃતિ પણ બને છે.
આમ કફ અને વાત બંને અસંતુલિત બનતાં આ રોગ જાતકમાં વધુ પ્રમાણમાં હોય તેમ જણાય છે.
ષડબળ જોતાં બુધનું ષડબળ સૌથી ઓછું છે. સાથે સાથે ૧૧ ભાવનું ભાવબળ પણ ઓછું છે.
સૂર્ય નું ષડબળ પણ ઓછું છે. સાથે સાથે પ્રથમ ભાવનું ભાવબળ સૌથી ઓછું છે.
સર્વાષ્ટક વર્ગનાં શુભ બિંદુ પ્રથમ ભાવમાં ૨૬ છે જે મીનીમમ કરતાં ઓછાં છે.
કેતકી મુનશી
પ્રશ્ન કુંડળીથી રોગનો પ્રશ્ન:
પ્રશ્ન જ્યોતિષ માટે જુદી જુદી પદ્ધતિઓનો ઉપયોગ કરાય છે. એમાં થોડા ઘણાં ચેન્જ સાથે પોતાની એક પદ્ધતિ વિકસાવીને સાચા જવાબ તરફ આગળ વધાય છે. સાચા હ્રદયથી ઈશ્વરને પ્રાર્થના કરી પ્રશ્ન કુંડળી મુકો તો ઈશ્વર જરૂર સહાય કરે છે.
પ્રશ્ન : વોટ્સઅપ મેસેજ હતો.
તારીખ : ૨૩/૧૦/૨૦૧૭
સમય : ૨૦-૫૬
અમદાવાદ
પ્રશ્ન હતો : કીડનીમાં સ્ટોન હતો . અને ગાંઠ નીકળી છે. શું નીકળશે ? કેન્સર નીકળશે?
પ્રશ્ન સમયે ચોઘડિયું જોતાં ‘રોગ’ હતું. જે સાચું હતું. પ્રશ્ન રોગનો હતો.
પ્રશ્ન સમયની હોરા : ચંદ્રની હતી. પ્રશ્ન કુંડળીમાં ચંદ્રની મુલવણી કરવી પડે.
વૃષભ લગ્નની કુંડળી આવી હતી. મૃગશીર્ષ નક્ષત્ર હતું.
લગ્ન ૨૬° ૩૫’ નું હતું. ત્રીજા દ્રેષકોણનું હતું. વૃષભ રાશિમાં ત્રીજુ દ્રેષકોણ જમણાં જનનાંગો તથા ગુદાનાં રોગ નિર્દેશ કરે છે.
લગ્નેશ શુક્ર પાંચમા ભાવે , કન્યા રાશિમાં મંગળ સાથે રહેલો છે.
જ્યારે પણ રોગનો પ્રશ્ન આવે ત્યારે ; કન્યા રાશિ , વૃશ્ચિક રાશિ તથા કુંડળીમાં છઠે અને આઠમે રહેલી રાશિ તેનાં અધિપતિ તથા તે ભાવે રહેલા ગ્રહોને મુલવવા જરૂરી બને છે.
૧) આ કુંડળીમાં કન્યા રાશિમાં લગ્નેશ શુક્ર નીચનો થયો છે. સાથે મંગળ છે. મંગળ બારમા તથા સાતમા ભાવનો અધિપતિ છે. શુક્ર થી ત્રિકોણમાં કેતુ રહેલો છે. માટે ક્યાંક ને ક્યાંક ઓપરેટીવ વર્ક , હોસ્પિટલાઈઝેશન થાય એવું લાગે છે.
શુક્ર લગ્નેશ સાથે છઠા ભાવનો રોગ શત્રુ ભાવનો અધિપતિ પણ છે. પરંતુ છઠાથી બારમે મંગળ સાથે રહેલો હોઈ ઓપરેશન પછી જાતક સાજા થશે એમ પણ નિર્દેશ થાય છે.
૨) પ્રશ્ન કુંડળીનાં છઠા ભાવે તુલા રાશિ છે. તુલા રાશિ કીડની, લંબર રીજીયન, વરટીબ્રી, આંતરિક જનનાંગો, ( રીપ્રોડક્ટીવ સીસ્ટમ) પ્રોસ્ટેટ, ફિમેલમાં યુટ્રસ અને પિનલ ગ્લેન્ડ પર પ્રભુત્વ ધરાવતી રાશિ છે.
તુલા રાશિમાં છઠે ભાવે સૂર્ય, ગુરુ અસ્તનો, તથા અસ્તનો બુધ રહેલો છે. સૂર્ય તુલા રાશિમાં નીચનો થઈને રહેલો છે. સૌથી ઓછા અંશનો છે. માટે શુક્ર અહીં મંગળ અને સૂર્ય જેવા બે ક્રુર ગ્રહો વચ્ચે પાપકર્તરીમાં ફસાયેલો છે.
શુક્ર : કીડની , જનનાંગો પર પ્રભુત્વ ધરાવે છે. આ ઉપરાંત શુક્ર પુરુષ કુંડળીમાં વિર્યનો કારક છે. કફ પ્રકૃતિનો છે. શુક્રનું શનિ સાથેનું કનેક્શન દ્રષ્ટિ કે યુતિ કે પરિવર્તન સંબંધથી દેખાતું નથી.
તુલા રાશિમાં સૂર્ય કીડનીમાં સ્ટોન હોઈ શકે. પરંતુ સૂર્ય સાથે ગુરુ અને બુધ છે.
ગુરુ એક્સપાન્સનનો કારક થયો. ગુરુ આ કુંડળીમાં અષ્ઠમેશ થઈને છઠે રહેલો છે . આઠમા ભાવે આવતા અંગનાં કોષોમાં વધારો કરી ગાંઠ બનાવી હોય એવું લાગે છે. ગુરુ અને બુધ બંને રાહુનાં નક્ષત્રમાં છે. માટે કેન્સરની શક્યતા હોય.
૩) પ્રશ્ન કુંડળીનો ચંદ્ર વૃશ્ચિક રાશિમાં છે. ચંદ્ર જોડે શનિ છે. અંશાત્મક યુતિ બનેલી છે. વૃશ્ચિક રાશિ ગુપ્તભાગ, જનનાંગો બતાવે. ચંદ્ર સાથે શનિ હોવાથી પેશાબ રોકાઈ ગયો હોય. ઓબ્સ્ટ્રકશન હોય. જે છે જ કે ગાંઠ છે. પણ વૃશ્ચિક રાશિ હોવાથી પ્રોસ્ટેટની ગાંઠની શક્યતા વધુ જણાઈ. ચંદ્ર શનિની યુતિ શંકા કુશંકા દર્શાવે છે.
જેનો મેસેજ હતો એ બહેનને ફોન કરી પુછતાં કન્ફર્મ થયું કે, પ્રોસ્ટેટ એનલાર્જ થયું હતું. (બહેન પ્રોસ્ટેટ શું હોય એ તરફથી અજ્ઞાત હતા.)
એ પછી પેશન્ટની કુંડળી મળી. પ્રશ્ન કુંડળીને ગોચર બનાવીને લગ્ન કુંડળી સાથે જોઈ.
જન્મ તારીખ: ૧૯/૧૦/૧૯૫૭
જન્મ સમય ૨૩-૧૫
અમદાવાદ
ચાલતી દશા ગુરુની મહાદશા માં ગુરુનું અંતર ચાલતું હતુ. ગુરૂ સાતમા તથા દસમા ભાવનો અધિપતિ છે. સાતમા મારકનો અધિપતિ હોવા છતાં ગુરુની મહાદશામાં અંતરદશા પણ ગુરુની જ છે. પરંતુ એ મારક તરીકે ન વર્તે. એ માટે પ્રત્યંતર દશા જોવી જરૂરી છે. પ્રત્યંતર દશા શુક્રની હતી. શુક્ર પાંચમા અને બારમાં ભાવનો અધિપતિ છે. અને જન્મ લગ્ન કુંડળીમાં શુક્ર છઠા ભાવે આવતી વૃશ્ચિક રાશિમાં શનિ સાથે સ્થિત છે. બંને ક્લોઝ કંજક્શનમાં છે. ગોચરનો ચંદ્ર અંશાત્મક થઈને શુક્ર શનિ પરથી પસાર થાય છે. જે કન્ફર્મેશન આપે છે કે, વૃશ્ચિક રાશિનાં પ્રભુત્વ માં આવતા અંગમાં રોગ છે.
જન્મ કુંડળીમાં પાંચમા ભાવે તુલા રાશિમાં સૂર્ય અને રાહુ છે. જેનાં પરથી સૂર્ય, ગુરુ અને બુધનું ગોચર થાય છે.
ચોથે આવેલી કન્યા રાશિમાં મંગળ, બુધ અને ગુરુ છે. જેનાં પરથી ગોચરનો શુક્ર મંગળ પસાર થાય છે. શુક્ર જન્મનાં ગુરુનાં દિપ્તાંશમાથી ગોચર કરે છે. જન્મનાં મંગળ પરથી મંગળનું ગોચર ઓપરેશન નો નિર્દેશ કરે છે. ગોચર નો કેતુ આઠમાં ભાવેથી પસાર થતો હોવાથી એ ભાવમાં આવતા અંગનુ ઓપરેશન થયું એમ કહેવાય.
જાતકની કુંડળીમાં કેતુ લગ્ન ભાવથી આઠમે થી ગોચર કરે છે જે ઓપરેશનના યોગો બતાવે છે. બહેનનો બીજો પ્રશ્ન હતો કેન્સર નીકળશે?
આ પ્રશ્નનાં જવાબમાં શક્યતા જણાતી હતી. પરંતુ શનિ પરથી રાહુનું ગોચર જણાયું નહોતુ માટે ‘મોટેભાગે કેન્સર નહીં નીકળે એમ કહ્યું હતું.
કેસ સ્ટડી :
કેસ સ્ટડી: પ્રશ્ન કુંડળીનો જન્મ લગ્ન કુંડળી સાથે ગોચર તરીકે ઉપયોગ :
સામાન્ય રીતે આજનાં સોફ્ટવેરનાં જમાનામાં કુંડળી તમારા હાથમાં હોય છે.
જાતક જ્યારે જ્યોતિષ પાસે પોતાની કુંડળી લઈને આવે ત્યારે સોફ્ટવેરમાં કુંડળી દેખાતી હોય એથી જુદું જન્મ લગ્ન જાતક લઈને આવે ત્યારે રીચેક મેન્યુઅલી ગણત્રી કરીને આવડવું જ્યોતિષ માટે જરૂરી છે.
તા ૯/૭/૨૦૧૭ ના રોજ જાતકની કુંડળી વોટ્સએપ મેસેજ પર આવી હતી. કુંડળી મીન લગ્નની હતી. સોફ્ટવેર માં ડેટા એન્ટ્રી કરતા કુંડળી મેષ લગ્નની એ પણ ૧૩° આગળ વધી ગયેલી જોવા મળી. માટે મેષ લગ્નની કુંડળી હતી એ નક્કી થયું પરંતુ થોડો સમય ફાળવી મેન્યુઅલી ગણત્રી કરીને મેષ લગ્નની ખાતરી કરી લીધી.
જાતકનો પ્રશ્ન હતો:
પત્ની અઢી વર્ષ થી ઘર છોડી પિયર જતી રહી છે. શું કરવું?
જાતકની માહિતી:
જન્મ તારીખ: ૫/૧/૧૯૮૧
જ્ન્મ સમય: ૧૩-૩૫
જન્મ સ્થળ અમદાવાદ.
ચાલતી દશા:
મહાદશા ચંદ્રની ,
અંતર દશા શુક્ર ની
પ્રત્યંતર દશા રાહુની છે.
પ્રશ્ન તારીખ: ૯/૭/૨૦૧૭
પ્રશ્ન સમય ૧૯-૧૮-૧૧
પ્રશ્ન સ્થળ અમદાવાદ
૧) ગોચરનો ચંદ્ર ધન લગ્નની કુંડળીમાં લગ્નમાં રહેલો હતો. માટે જાતકનો મુક પ્રશ્ન કોર્ટ કચેરી કે, બીજા લગ્ન સંબંધી હોવો જોઈએ.
પ્રશ્ન કુંડળીમાં લગ્નનાં અંશ જોતા જણાયું કે, જાતક બે ત્રણ જ્યોતિષની સલાહ લઈને પછી આવેલું હતું.
જાતકની જન્મલગ્ન કુંડળી મેષ લગ્નની ધન રાશિની હતી.
ધન રાશિનો સ્વામી ગુરૂ કન્યા રાશિમાં ગોચર કરતો હતો જે, જન્મ લગ્ન કુંડળીમાં છઠા ભાવથી ગોચર કરતો હતો, માટે પ્રશ્ન કોર્ટમાં હોવાની સંભાવના હતી.
જન્મ લગ્ન કુંડળીમાં છઠા ભાવે કન્યા રાશિમાં ગુરુ ૧૬° નો તથા શનિ ૧૬° નો હતો.
જેનાં પરથી ૨૦°ના ગુરુ નું દિપ્તાંશમાં ગોચર ચાલતું હતું. શનિ સેપરેટિવ ગ્રહ તરીકે કાર્ય કર્યું. સાથે શનિ બાધકેશ તરીકે પણ કાર્ય કર્યું હોય એમ લાગ્યું.
૨) પ્રશ્ન કુંડળી મુજબ સાતમા ભાવે મિથુન રાશિ આવે છે. જેમાં સૂર્ય ૨૩° અને મંગળ ૨૮° ( અસ્ત) નો ક્લોઝ કંજક્શનમાં છે. જે બતાવે છે કે, જાતકની પત્ની ખૂબ ગુસ્સામાં ઘર છોડીને ગયા છે. સૂર્ય સાતમે ઈગો પ્રોબ્લેમ ને કારણે સેપરેશન આપે . સાથે નવમા ભાવનો અધિપતિ થયો છે માટે કોર્ટમાં ગયેલ છે એ દેખાય છે. મંગળ સાતમા ભાવે છે જે પાંચમા અને બારમાં ભાવનો અધિપતિ થઈ પોતાના સ્થાનથી આઠમે રહેલો છે , જે દર્શાવે છે કે, જાતકને પત્ની પાછળ ઘણો આર્થિક વ્યય પણ થતો હશે.
( જાતકને પુછતા જણાયું કે, પત્નીને ખાધા ખોરાકી આપવી પડે છે )
શુક્ર નું છઠા ભાવે હોવું દાંપત્યજીવન માં તકલીફ સુચવે છે. પત્ની તરફથી પરેશાની બતાવે છે. શુક્ર પર શનિની સાતમી દ્રષ્ટિ અલગાવ બતાવે છે.
લગ્ન કુંડળીમાં શુક્ર આઠમા ભાવે વૃશ્ચિક રાશિમાં ૨૮° નો છે. જેનાં પરથી ગોચરમાં શનિ એક્ઝેટ ૨૮° એ પસાર થાય છે. જેણે દાંપત્યજીવનનો કારક શુક્ર ને અશુભ કરી પોતાની અલગાવવાદી પ્રવૃત્તિ દાખવી દાંપત્યજીવન બગાડ્યું છે.
ઉપરાંત ગોચરનો શુક્ર જન્મ લગ્ન કુંડળીનાં બીજા ભાવેથી પસાર થાય છે. એટલે કે, જન્મનાં શુક્ર થી સાતમેથી પસાર થાય છે. સપ્તમ સ્થાનથી આઠમેથી સપ્તમેશ શુક્રનું ગોચર છે. જે પણ ડિવોર્સ જેવી સ્થિતિ નું નિર્દેશન કરે છે.
આ ઉપરાંત જન્મ લગ્ન કુંડળીમાં ચંદ્ર ધન રાશિનો છે. શનિ એનાં બારમાં ભાવથી ગોચર કરી રહ્યો છે. માટે જાતક શનિની સાડાસાતીમાં છે. સર્વાષ્ટક વર્ગનાં શુભ બિંદુ વૃશ્ચિક રાશિમાં ફક્ત ૨૨ છે. અને શનિનાં બિંદુ ફક્ત ૩( ૪થી ઓછાં) હોઈ શનિનું આ ગોચર જાતકની મુશ્કેલી વધારી છે.
૩) પ્રશ્ન કુંડળીમાં નવમ ભાવ અને ત્રીજા ભાવે રાહુ કેતુ એક્સિસ જોઈ.
ચંદ્રનું ગોચરમાં નવમ ભાવ પરથી થાય છે જે નવમ ભાવમાં સૂર્ય અને તૃતીએશ બુધ અસ્તનો છે . એ જોતાં જાતકનાં ભાઈ બહેન સાથે પત્નીને મન મોટાવ જેવું જણાયું .વધુ ડિટેલ જોતા , નવમાંશ કુંડળીમાં વૃશ્ચિક નવમાંશ માં બુધ રહેલો છે. માટે આ બુધ ક્યાંક સેપરેશન માટે કારણભૂત લાગતાં ભાઈનું ઈન્વોલમેન્ટ લાગ્યું.
જાતકને પુછતાં જણાયું કે, પત્ની ને જેઠ સાથે ફાવતું નથી.
આજ વસ્તુ જન્મ લગ્ન કુંડળીમાં જોઈએ તો , ગોચરમાં કુંભ રાશિમાં કેતુ આવે છે સાથે જન્મ લગ્ન કુંડળીમાં કુંભ રાશિનો અધિપતિ બાધકેશ થઈ પોતાના સ્થાનથી આઠમે રહેલો છે.
૪) દશાની દ્રષ્ટિથી વિચાર:
તારીખ ૯/૭/૨૦૧૭ ના રોજ ચંદ્ર ની દશા ચાલતી હતી. ચંદ્ર ચોથા સ્થાનનો માલિક થઈ ને પોતાના થી આઠમે અસ્તનો થઈને રહેલો છે. ચંદ્ર કેતુનાં મુળ નક્ષત્રનો છે.
જન્મ લગ્ન કુંડળીમાં ગુરુ, શનિ ચંદ્રના હસ્ત નક્ષત્રમાં છે. સાથે મકર રાશિમાં રહેલ મંગળ કેતુ ચંદ્રનાં શ્રવણ નક્ષત્રમાં છે. ચંદ્રની મહાદશા ચાલે છે . માટે ૯,૪,૬, ૧૦,૧૧,૧૨ માં ભાવ પર અસર થાય.
શુક્ર નું અંતર છે . શુક્ર ૮,૭, ૨, ૯ ભાવ અસર કરે. અને રાહુનું પ્રત્યંતર છે. રાહુ ૪ સુખ સ્થાનને અસર કરે છે.
આમ આ ચંદ્રની બાકી રહેલી દશા વાદવિવાદ કોર્ટ કચેરી યુક્ત જાય એવું જણાય છે.
શું સમાધાન થાય એવું છે ? મારા મનમાં પ્રશ્ન થયો. હા, પત્ની કારક શુક્ર સૂર્ય ને મળવા જાય છે. એ પછી પતિ કારક મંગળ ને મળે. માટે કોર્ટ દ્વારા સમાધાન થાય પછી બેન રાજી થાય. પરંતુ જાતકે બાંહેધરી કોઈ લખી આપવી પડશે.
જાતકની કુંડળીમાં ચોથે રાહુ જોતાં જાતકને કહ્યું જો દાંપત્યજીવન ટકાવવું હોય તો, કુટુંબથી દુર એટલે કે, છુટા થવું યોગ્ય છે. અને દેવીશપ્તશતીનાં શ્લોકની માળા કરવાની સલાહ આપી.
પ્રશ્ન કુંડળી: ચાવી મળશે કે કેમ એવો પ્રશ્ન:
જ્યોતિષ શાસ્ત્રમાં પ્રશ્ન કુંડળીનું આગવું મહત્વ છે. પ્રશ્ન કુંડળી જોવા માટે જે સમયે જાતકનો ફોન આવે અને પ્રશ્ન કરે એ સમયની કુંડળી નીકાળવામાં આવે છે.
જ્યોતિષની વિવિધ શાખાઓ પોતાની રીતે પ્રશ્ન કુંડળી પરથી ઉત્તર મેળવે છે.
જ્યોતિષ એક દૈવીય વિદ્યા છે. કોઈ પણ પધ્ધતિને અનુસરો પણ ઉત્તર સચોટ મળે છે.
આજે એક કુંડળી લઈશું.
પ્રશ્ન તારીખ: ૨૪/૧૨/૨૦૧૮
પ્રશ્ન સમય : ૧૭કલાક ૧૬ મીનીટ ૧૨ સેકન્ડ
પ્રશ્ન સ્થળ : અમદાવાદ.
પ્રશ્ન : વાહનની ચાવી ખોવાઈ છે. મળશે?
એ સમયની કુંડળી જોતાં વૃષભ લગ્નની કુંડળી હતી.
લગ્ન વૃષભ, કાળપુરુષની કુંડળીમાં બીજા ભાવની રાશિ છે. કિંમત ચીજ વસ્તુઓ ની રાશિ. શુક્ર વાહનનો કારક છે. આ લગ્નેશ શુક્ર છઠે છે. એટલે વસ્તુ ખોવાઈ છે કે મુકીને ભુલી ગયા છે. ગુરુ આ કુંડળીમાં અગિયારમાં ભાવે દ્રષ્ટિ કરે છે માટે વસ્તુ ચોરાઈ નથી , પણ મુકીને ભુલી જવાયું છે.
૫) પ્રશ્ન કુંડળી માં ચંદ્રનું પણ મહત્વ જરાય ઓછું નથી. માટે ચંદ્રને જોઈએ.
ચંદ્ર રાહુ સાથે ક્લોઝ કંજક્શન બનાવી ને રહેલો છે. જે બતાવે છે કે, જાતકનું મન બરાબર નથી. કોઈ ચિંતા કે તકલીફમાં છે. સાથે રાહુ, ચંદ્ર, મંગળ એક સરખા અંશના છે. રાહુની મંગળ પર દ્રષ્ટિ છે. જે દર્શાવે છે કે, જાતક ચિંતા, ઉતાવળ અને ગુસ્સા વાળા મુડમાં હશે. અને ચાવી મુકાઈ ગઈ હશે.
ચંદ્ર ત્રીજે છે માટે ખબર જરુર મળશે .
૬ ) નવમાંશ જોઈએ તો, કન્યા નવમાંશ હતું . ચંદ્ર વર્ગોતમી હતો. એટલે વૃષભ રાશિ નવમે આવી હતી. માટે ચાવી મળશે એ નિશ્ચિત હતું.
ક્યારે મળે ?
૧) લગ્ન બદલાય ત્યારે મળે અથવા ચંદ્ર રાહુને મળે ત્યારે મળે.
જાતકનો એ જ દિવસે સમય :૧૮-૩૦ ફોન આવ્યો કે , ચાવી જાતક પહેરીને ગયેલ તે પેન્ટના ખિસ્સામાંથી મળી આવેલ છે.
૧) લગ્ન ૨૯° ૭ ‘૫૩” નું હતુ. મોટે ભાગે લગ્ન બદલાઈ જાય ત્યારે ચાવી મળી જાય.
૨) સ્થિર લગ્ન હતુ. માટે ચાવી જ્યાં મુકાઈ ગઈ છે ત્યાં સ્થિર છે.
૩) લગ્નેશ શુક્ર છઠે છે પરંતુ મૂળત્રિકોણ રાશિમાં છે. લગ્નેશ ચર રાશિમાં છે. માટે ચાવી જલ્દી મળી જશે.
૪) બીજો ભાવ વેલ્યુએબલ વસ્તુનો ભાવ છે. ત્યાં મિથુન રાશિ છે. જેનો અધિપતિ બુધ, ગુરુ સાથે કેન્દ્ર માં રહી ને લગ્નને જોવે છે. પોઝિટિવ સાઈન છે.
ગુરુ અહીં અગિયારમાં , લાભ સ્થાનનો અધિપતિ પણ છે.એપણ કહે છે કે ચાવી મળશે.
કેસ ૨
પ્રશ્ન કુંડળી: તિજોરીની ચાવી ખોવાઈ છે મળશે કે કેમ? પ્રશ્ન.
પ્રશ્ન જ્યોતિષ ઘણું સચોટ હોય છે. પ્રશ્ન કર્તાની શ્રધ્ધા અને જ્યોતિષની ગણત્રી ઘણાં પ્રશ્નોનો ઉકેલ લાવી શકે છે.
ફિમેલ જાતકનો પ્રશ્ન હતો કે, તિજોરીની ચાવી આડા હાથે મુકાઈ ગઈ છે. ચાવી ક્યારે ખોવાઈ એની જાણ નહતી . પણ પ્રશ્ન હતો , ચાવી મળતી નથી. મળશે?
પ્રશ્ન તારીખ: ૨૧/૧૨૨૦૧૮
સમય ૧૩-૪૫
અમદાવાદ.
મીન લગ્નની કુંડળી મુકાઈ હતી. લગ્ન ૨૭°૧૮’૦૪” હતું.
ચંદ્ર વૃષભ રાશિમાં ત્રીજા ભાવે રહેલો હતો. રોહિણી નક્ષત્રમાં હતો.
નવમા ત્રિકોણમાં શુભ ગ્રહો હતા. મળવાની સંભાવના હતી. લગ્નેશ ગુરુ નવમા ભાવે સ્થિર રાશિમાં હતો. એટલે ચાવી જ્યાં મુકાઈ હતી ત્યાં સ્થિર હતી.
ચંદ્ર વૃષભ રાશિમાં હતો. વૃષભ રાશિ કાળપુરુષની બીજા ભાવે આવતી રાશિ , જેમાં તીજોરી , ઘરેણાં પૈસા વેલ્યુએબલ ચીજ વસ્તુઓનો વિચાર કરી શકાય. ત્રીજો ભાવ ડોક્યુમેન્ટનો પણ થાય માટે તિજોરીમાં ખાસ કરીને અગત્યનાં કાગળો એમાં પરિક્ષા લેવા માટેનાં પેપરો હતા. વૃષભ રાશિ નો અધિપતિ શુક્ર પોતાની બીજી રાશિ તુલામાં હતો જે આઠમા સ્થાને હતી.
લગ્નેશ કાળપુરુષની કુંડળીની આઠમી રાશિમાં અને ચંદ્રાધિપતિ આઠમે હતો. માટે જાતકને કહ્યું કે, અંધારી જગ્યામાં ,પાણી ભરેલું રાખતા હોવ કે, પીપડા રાખતા હોવ એવી જગ્યાએ શોધો. આ ઉપરાંત ખાસ તો કોઠારમાં શોધવા જણાવ્યું જ્યાં ખાવાની ચીજો રહેતી હોય.
પરંતુ મનમાં એક આશંકા હતી કે, ચંદ્ર રાહુને મળવા જાય છે. માટે કોઈ ગડબડ ચાવી મળે તે પહેલાં ઉભી થશે. અને ચંદ્ર પર મંગળની ચોથી દ્રષ્ટિ હતી. એ પણ તોડફોડની આશંકા બતાવતી હતી.
જાતકનાં કહેવા મુજબ સસરાને મળી હતી એ ક્યાંક મૂકીને ભૂલી ગયા છે. પણ ચાવી બે દિવસ સુધી મળી નહીં.
અહીં એક વસ્તુ નોંધવા જેવી હતી કે, ચંદ્ર રાહુને મળવા જતો હતો. વચ્ચે કોઈ ગ્રહ નહતો. ચંદ્ર એકલો હતો. ચંદ્ર પર લગ્નેશની શુભ દ્રષ્ટિ હતી. પણ ચંદ્ર જેવો રાહુને મળવા આગળ વધ્યો એ સમયે પેપર્સ ની જરૂર પડી .ને તિજોરી તોડવાનો નિર્ણય લેવો પડ્યો. ચાવી મળે એવી શક્યતા છતાં તિજોરી તોડી.
બરાબર એક મહિના પછી જ્યારે લગ્નેશ ગુરુને ચંદ્રાધિપતિ શુક્રનું મિલન થયું ત્યારે ચાવી મળી. ચાવી સ્ટોરરૂમમાં ચણાની દાળનાં સ્ટિલના ડબ્બામાં હતી.
ચાવી મળ્યા તારીખ ૨૧/૧/૨૦૧૯
૨૨-૧૫ થી ૨૨- ૩૦ના સમય ગાળા દરમ્યાન મળી એ પછી જાતકે મળ્યાનો ફોન કર્યો.
કોરાના ઇન્ફેક્શન : મેડિકલ એસ્ટ્રોલોજીની દ્રષ્ટિએ .
કોરોના : એક અભ્યાસ
સામાન્ય રીતે જોઈએ તો આપણાં દેશમાં ઋતુ બદલાય એનાં ચાર સંધિકાળ જોવા મળે છે. આ ચાર સંધીકાળ દરમ્યાન આપણી ચાર નવરાત્રિ આવે છે.
આ સંધીકાળ દરમ્યાન શરદી, ઉધરસ, કફ થવો કે હોળીની આસપાસ બાળકોમાં ઓરી,અછબડાં જેવાં વાયરસથી થતાં રોગો પણ જોવાં મળે છે. આજનાં સમયમાં બાળકોમાં ઓરી અછબડાં વાયરસથી ફેલાતાં રોગોનું થવાનું પ્રમાણ ઘટ્યું છે અને જો થાય તો, તેની તિવ્રતા ઓછી થતી હોય એમ દેખાય છે. જેનું કારણ રસી એટલે કે, વેક્સિન છે.
કોરોના પણ વાયરસથી થતો રોગ છે. શરદી ઉધરસ જેવાં સામાન્ય લક્ષણોમાંથી એકદમ એગ્રેસીવ થઈ વ્યક્તિનું મૃત્યુ પણ કરી શકે એવી તિવ્રતા આપણે સહુએ અનુભવી.
એસ્ટ્રોલોજીની દ્રષ્ટિએ જોઈએ તો, મોટા ભાગે કોરોના ઇન્ફેક્શન લાગ્યું હોય એવી વ્યક્તિની કુંડળીમાં દશા લેવલે મહાદશા ,અંતર દશા કે પ્રત્યંતર દશા લેવલે રાહુની અસર જોવા મળી છે. ગોચર તો જોવું જ પડે.
થોડી કુંડળી એવી પણ છે, જેમાં દશા લેવલે રાહુનો કોઈ રોલ હોતો નથી. આવી કુંડળીમાં ષષ્ઠેશ અષ્ઠમેશ કે મારકેશની દશાએ ભાગ ભજવ્યો છે. સાથે સાથે ગોચરે.
જન્મનાં ગ્રહો વધુ અશુભ થયા હોય તો આ રોગે બીજા અંગો ને પણ હાની પહોંચાડી છે.
કેટલીક કુંડળી મારાં મિત્ર કે સંબંધીની છે. કોઈ મેગેઝિનમાંથી લીધેલી છે, તો કોઈ ફેસબુક પરથી લીધેલી છે. આ ફક્ત અભ્યાસ હેતુથી ભેગી કરી છે. કોઈની કુંડળીની ડિટેલ લખી નથી.
આ જાતકને ૫/૪/૨૦૨૧ની આસપાસ કોરોના થયો હતો. જ્યારે જાતકની પત્નીનો ફોન આવ્યો ત્યારે જીવ કારક ગુરુ રાશિ બદલવાની તૈયારીમાં હતો.
ધન લગ્નની કુંડળીમાં મકર રાશિમાં ચંદ્ર ગુરુ ની યુતિ છે. કોવિડ ડીટેક્ટ થયો એ સમયે જાતકની શનિની મહાદશા, અંતરદશા બુધની અને પ્રત્યંતર દશા શુક્ર ની ચાલતી હતી.
શનિ: બીજા ત્રીજા ભાવનો અધિપતિ થઈને સાતમે રહેલી મિથુન રાશિમાં કેતુ સાથે અંશાત્મક યુતિમાં છે. શનિ આ કુંડળીમાં દ્વિતિયેશ મારકેશ છે.
બીજો ભાવ નાક, ગળાનો થયો. ત્રીજો ભાવ શ્વસન તંત્ર નો છે.
ગોચરમાં આ શનિ બીજા ભાવ પરથી પસાર થાય, છે. એ સમયે બીજા ભાવે રહેલ ચંદ્રના લગભગ સમાન અંશેથી ગોચર કરે છે.
ચંદ્ર એ જળતત્વનો કફ પ્રકૃતિનો કારક છે. શનિને કારણે ચંદ્ર દુષિત થયો સાથે સાથે બીજા ભાવે આવતાં અંગો નાક ગળું વગેરે અંગોના આંતરિક અંગમાં રહેલ જળતત્વ પણ દુષિત થયું.
શનિ જન્મ લગ્ન કુંડળીનાં શનિથી ષડાષ્ટકમાં ગોચર કરે છે. ઉપરાંત ગોચરનો શનિ જન્મલગ્ન કુંડળીમાં આઠમાં ભાવે રહેલ કર્ક રાશિ અને તેમાં રહેલા સૂર્ય અને બુધ પર દ્રષ્ટિ કરે છે.
સૂર્ય જીવનશક્તિ વાઈટાલીટીનો કારક છે. બુધ વાયુ તત્વનો કારક, બુધ કાળપુરુષની કુંડળીમાં ત્રીજા ભાવે આવતી મિથુન રાશિ નો સ્વામી હોવાથી ત્રીજા ભાવે આવતાં અંગો પર પ્રભૂત્વ ધરાવે છે. જે શ્વસનતંત્ર પર પ્રભૂત્વ ધરાવે છે .
શનિ નું ગોચર આ બંને ગ્રહ પર પણ અશુભ દ્રષ્ટિ આપે છે.
નવમાંશ પર ધ્યાન આપીએ તો જ.લ.કુ.નો ચંદ્ર મિથુન નવમાંશ માં છે. જેના પરથી ગોચર નવમાંશ નો શનિરાહુ પસાર થાય છે . આમ નવમાંશમાં પણ ચંદ્ર લાંબા સમય સુધી દુષિત રહ્યો.
જન્મ લગ્ન કુંડળીમાં રહેલો જીવકારક ગુરુ પરથી પણ શનિ નું ગોચર દિપ્તાંશમાંથી થતું હતુ. જ્યારે ગોચરનો ગુરુ રાશિ સંધી પર રહી નિર્બળ બન્યો હતો. જેને કારણે જાતકને ઓક્સિજન માટે હોસ્પિટલમાં ખસેડવામાં આવ્યા.
અંતરદશા: બુધની અંતરદશા ચાલતી હતી. બુધ જન્મ લગ્ન કુંડળીમાં સપ્તમેશ મારકેશ બન્યો. સપ્તમેશ આઠમે રહેલો છે જેનાં પર ગોચરનાં શનિની દ્રષ્ટિ છે.
સાથે કર્ક રાશિમાં બુધ કંફર્ટેબલ નથી. કારણ મિત્ર નથી.
પ્રત્યંતર દશા: શુક્ર નું પ્રત્યંતર હતું. શુક્ર ધન લગ્નની કુંડળીમાં છઠ્ઠા અને અગિયારમાં ભાવનો અધિપતિ છે. જે રોગ સ્થાનનો સ્વામી થઈને રોગ આપ્યો.
ગોચરમાં પણ છઠે બેઠેલી વૃષભ રાશિ પરથી મંગળ રાહુ પસાર થતાં હતાં. જેને કારણે પણ કોરોનાનાં ઇન્ફેક્શન ને કારણે હોસ્પિટલમાં દાખલ થવું પડ્યું.
કુંડળી-૨
કુંડળી 2
આ જાતકને ૨૦/૩/૨૦૨૧ ની આસપાસ કોવિડ ડીટેક્ટ થયો. આ સમયે જાતકની શુકની દશા ચાલતી હતી એમાં રાહુની અંતર દશા ચાલતી હતી.
શુક્ર: શુક્ર પાંચમા અને બારમાં ભાવનો અધિપતિ થઈ સાતમા ભાવે બુધ સાથે રહેલો છે.
શુક્ર બારમા ભાવના અધિપતિ તરીકે મારકેશ બન્યો છે.
રાહુ: આગળ જણાવ્યા મુજબ રાહુની મહાદશા કે અંતર દશા ચાલતી હોય એવાં જાતકો કોરોના નાં ભોગ વધુ થયા છે. રાહુ આ કુંડળીમાં બીજે મંગળ સાથે છે. બીજો ભાવ ગળુ, નાક જેવા અંગો દર્શાવે છે.
ગોચર: ગોચરનો શનિ આઠમાં ભાવ પરથી થતો હતો. જે શનિ ,કેતુ અને સૂર્ય પરથી પસાર થતો હતો અને તેની સાતમી દ્રષ્ટિ બીજે રહેલા મંગળ અને રાહુ પર પડતી હતી. ગોચરનો શનિ અને જ.લ.કુ.નાં મંગળ પર અંશાત્મક દ્રષ્ટિ હતી. બારમે ભાવેથી થતાં રાહુ મંગળ નું ગોચર પણ કોવિડનો પ્રોબ્લેમ આપી દીધો.
કુંડળી-૩
કુંડળી ૩:
તુલા લગ્નની કુંડળીમાં કોવિડ સમયે ગુરુની મહાદશા , બુધનું અંતર ચાલતું હતું અને રાહુની પ્રત્યંતર દશા ચાલતી હતી. આ લેડીને પ્રેગ્નન્સી હતી.કોવિડ દરમિયાન લેડીનું નાની ઉંમરે અવસાન થયું.
સામાન્ય રીતે તુલા લગ્નની કુંડળીમાં ગુરુની દશા અશુભ ફળ આપતી જોવા મળે છે. પરંતુ આવું અસામાન્ય ફળ જોવા મળે એ દુઃખદ લાગે.
બુધ: અંતરદશા બુધની હતી. બુધ ભાગ્યેશ ઉપરાંત બારમા ભાવનો અધિપતિ પણ થાય છે. બુધ બારમા નાં અધિપતિ થઈ ને મારકેશનું કામ કર્યુ.
બુધ જ.લ.કુ.માં આઠમાં ભાવે રહેલો છે. બુધ સાથે બાધકેશ સૂર્ય અને ચંદ્ર પણ રહેલા છે. અમાવસ્યા યોગ થયો છે.
પ્રત્યંતર દશા રાહુની છે. રાહુ ત્રીજા ભાવે છે. કાળપુરુષની કુંડળીમાં ત્રીજો ભાવ શ્વસનતંત્રનાં અંગો દર્શાવે છે. જ્યાં રાહુ પોતાની નીચે રાશિમાં છે.
ગોચર: શનિનું ગોચર જન્મનાં શનિ પરથી દીપ્તાંશમાં થતું હતું. જેની અશુભ દ્રષ્ટિ કર્કમાં રહેલાં મંગળ શુક્ર અને ગુરુ પર થયું. અને કર્ક રાશિ જે કાળપુરુષની કુંડળીમાં છાતી ફેફસાં દર્શાવે છે , જળતત્વની રાશિ છે એનાં પર કરે છે.
રાહુનું ગોચર આઠમે રહેલી વૃષભ રાશિ પરથી થતું હતું. જ્યાં જીવનશક્તિનો કારક સૂર્ય અગ્નિ તત્વનો , ચંદ્ર કફ પ્રકૃતિ, તથા બુધ વાયુ પ્રકૃતિ નાં ગ્રહો રહેલા છે. રાહુ સાથે મંગળનાં અશુભ ગોચરને કારણે પણ કોવિડની માત્રા વધારે અસર કરી .
હજુ કેટલાંક પોઈન્ટસ્ મળી શકે એમ છે.
krishnaastro 