ધન લગ્ન : Sagittarius Asc

ધન લગ્ન :
કુંડળીના પહેલાં ખાનામાં ૯ નો અંક લખ્યો હોય તો જન્મ સમયે રાશિમંડળની ૯મી રાશિ એટલે કે ધન રાશિ પૂર્વ દિશામાં ઉદિત થઈ હોય તેમ કહેવાય.

નૈસર્ગિક કુંડળીમાં ધન રાશિ ૯માં ભાવમાં સ્થિત હોય છે.

નવમો ભાવથી :ભાગ્ય, આસ્થા, શ્રધ્ધા, કર્મકાંડ, ન્યાય, કાયદો, ગુરુ- વડીલો પ્રત્યે માન વગેરે જેવી બાબતોના વિચાર કરી શકાય.

ધન લગ્નનાં જાતકો ના દેખાવ, સ્વભાવ તથા ગુણધર્મો :

દેખાવ : 

કપાળ વિશાળ, વાળ આછા, દાંત મોટા હોય છે. 

શરીર પર ચમક, ચહેરા પર બુધ્ધિ પ્રતિભાની છાંટ, સાહસિક અને ભાષા પર પ્રભુત્વ હોય છે. 

સંઘર્ષ તેમનું જીવન હોય છે. સફળતા મેળવવા, પદ – પ્રતિષ્ઠા મેળવવા અત્યંત સંઘર્ષ કરવો પડે ત્યારે જુજ વ્યક્તિ ને સફળતા મળે. 

ધન રાશિ દ્વિસ્વભાવ રાશિ છે. એક સાથે ઘણાં કામ હાથ પર લે. તેમ છતાં દરેક કાર્યમાં બેલેન્સ સાચવી શકે છે. બહુ ઉતાવળે કે બહુ ધીમી ગતિ પણ નહીં તેમ સાતત્યપૂર્વક કાર્ય કરનાર વ્યક્તિ હોય છે.

 ધન રાશિ અગ્નિતત્વની રાશિ છે. અગ્નિતત્વની રાશિમાં ત્રણ રાશિ આવે. મેષ રાશિ, જેનો અધિપતિ ગ્રહ મંગળ છે.

સિંહ રાશિ, જેનો અધિપતિ ગ્રહ સૂર્ય છે. ધન રાશિ, જેનો અધિપતિ ગ્રહ ગુરુ છે. અહીં અગ્નિતત્વની બે રાશિ ના અધિપતિ ગ્રહ ક્રુર ગ્રહ છે, જ્યારે ધન રાશિ નો અધિપતિ ગ્રહ શુભ ગ્રહ છે. 

અધિપતિ ગુરુ શુભ ગ્રહ હોવાને કારણે ધન રાશિ અગ્નિતત્વની હોવા છતાં, ગુ+રુ =અંધકારને દુર કરી પ્રકાશ આપવો. આવો સ્વભાવ હોવાથી આ લગ્નનાં જાતકો નો સ્વભાવ નેગેટીવ બાજુને હળવેકથી બાજુ પર ખસેડી પોતાનામાં રહેલી સકારાત્મકતાને ઉજાગર કરે તેવો હોય છે. બેસ્ટ ટીચર હોય. ઈવોલ્યુશન સારું કરે. 

ગુરુ આકાશ તત્વ સાથે સંબંધ ધરાવે છે. આ જાતકોનું હ્રદય આકાશ જેવી વિશાળતા ધરાવે છે. બધા માટે વિચારે, બધાનું શુભત્વ વિચારે. જે માફી માંગે તેને માફ કરી દે. 

પુરુષ સ્વભાવ ની રાશિ છે. આ જાતકો બીજાને મદદરૂપ થાય છે. જરૂરિયાતમંદ લોકોને હુંફ અને અજવાસનું પ્રદાન કરે છે. બનતી મદદ કરે છે. સાચી અને સારી સલાહ આપે છે. એમની છત્રછાયામાં લાગણી, સંતોષ અને શાંતિ મળે છે. 

ગુરુ =ગાઈડ, સાચો માર્ગ બતાવનાર. 

અગ્નિતત્વની રાશિ હોવાથી જાતક ક્રોધી હોય છે. 

દ્વિસ્વભાવ હોવાને કારણે ગુસ્સો આવ્યા પછી નિરાકરણ ના આવે ત્યાં સુધી સંગ્રહી રાખે છે. 

ગુરુ બ્રાહ્મણ વર્ણ નો ગ્રહ છે. ધન લગ્નમાં અગ્નિ અને બ્રાહ્મણત્વનું સંયોજન રહેલું હોઈ અગ્નિતત્વનું ઝનૂન સાથે બ્રાહ્મણત્વ હોવાથી શાંત દેખાતા આ જાતકો જ્યારે ક્રોધ આવે ત્યારે દૂર્વાસા કે વિશ્વામિત્ર જેવા થઈ જાય છે. 

અધિપતિ ગુરુ હોવાથી ભાષા પર પ્રભુત્વ હોય છે. કોઈપણ વિદ્યાનો પોતે જાણકાર છે તેવું સુક્ષ્મ અભિમાન એમના બોલ-ચાલમાં કે વર્તનમાં દેખાઈ આવે છે. 

ધન રાશિમાં ત્રણ ગુણોનું સંયોજન જોવા મળે છે. 

અગ્નિતત્વ = તમોગુણ, 

ગુરુ = સત્વગુણ, 

પૂર્વષાઢાનક્ષત્ર જે શુક્ર નું નક્ષત્ર છે, શુક્ર = રજોગુણનું સંયોજન જોવા મળે છે. 

અગ્નિતત્વની રાશિ છે, તમોગુણ છે ; આ જાતકને ભૌતિક એષણાઓ હોય છે = ભોગ. 

ગુરુ અધિપતિ =બ્રાહ્મણત્વ = યોગ. 

દ્વિસ્વભાવ ની રાશિ હોવાથી આ જાતકો યોગ અને ભોગ વચ્ચે ઝોલા ખાતા જોવા મળે છે. ભોગ તરફનું વલણ હોવા છતાં આ જાતકો યોગ માર્ગે સફળ થાય છે. 

ધન લગ્નની કુંડળીમાં આઠમે કર્ક રાશિ આવે છે, લગ્નેશ ગુરુ ૮માં ભાવે ઉચ્ચનો થાય છે. અહીં ઉચ્ચત્વ પામતો ગુરુ જ્યોતિષ, રીસર્ચ ક્ષેત્રે કે હીડન ટેલેન્ટ કે ગુરુના કારકત્વ માં આવે તેવું જ્ઞાન આપે છે. 

લગ્નેશ ગુરુ બીજા ભાવે મકર રાશિમાં નીચત્વ મેળવે છે. આ જાતકો સંપત્તિ કરતાં પોતાના કુટુંબને વધુ મહત્વ આપે છે. કુટુંબ ની કેર કરે છે. ધન લગ્નમાં એક ખાસિયત જોવા મળે છે કે, તેમને માટે કુટુંબ એટલે ફક્ત ફેમિલી મેમ્બર થી બનેલું હોય તે નહીં, પરંતુ ધન લગ્નનાં જાતકો માટે કુટુંબ ની વ્યાખ્યા થોડી વધુ વિસ્તૃત હોય છે. આ જાતકો તેમના સંપર્કમાં આવતા તમામ ને કુટુંબીજન જેટલું મહત્ત્વ આપે છે. ટુંકમાં ‘ વસુધૈવ કુટુમ્બકમ્’ ની ભાવના ધરાવે છે. 

ગુરુના ત્રણ નૈસર્ગિક મિત્રો છે. – સૂર્ય, ચંદ્ર, મંગળ. 

સૂર્ય : ધન લગ્નની કુંડળી માં સૂર્ય ની સિંહ રાશિ ૯માં ભાવે રહેલી છે. સૂર્ય, મેષમાં ઉચ્ચત્વ પામે છે. આ મેષ રાશિ ધન લગ્નમાં પાંચમાં ભાવે હોય છે, આમ પાંચમે સૂર્ય ઉચ્ચ નો થાય છે. સૂર્ય જ્ઞાન નો કારક છે. આ જાતક ધર્મ થી જીવવામાં માને છે. ખોટું કરવું નહીં, લુચ્ચાઈ કે લબાડી કરવી નહીં તેવી માનસિકતા ધરાવે છે. આ જાતકને ધર્મ થી જ જીતી શકાય છે. 

સૂર્ય ૧૧માં ભાવે તુલા રાશિમાં નીચત્વ પામે છે.

 11 મો ભાવ, આવકનો ભાવ. આથી સમજી શકાય કે, ધર્મ કાર્ય અને ધર્મથી ચાલનાર વ્યક્તિ ની આવક મર્યાદિત હોય છે. જેથી પૈસાપાત્ર થવાતું નથી. ધર્મ થી ચાલવાની માનસિકતા હોવા છતાં પણ આ જાતકો  પૈસા માટે ધર્મ અને જ્ઞાનને  બાજુ પર મૂકવા તૈયાર હોય છે. 

જો કુંડળીમાં સૂર્ય – ગુરુનાં સંબંધ થતાં હોય તો જાતક ચેરિટી કરનાર હોય, મંદિર બંધાવે કે એજ્યુકેશન ઇન્સ્ટિટ્યૂટ ખોલે કે, પબ્લિક ના કાર્યો કરે. 

ચંદ્ર : 

ધન લગ્નની કુંડળીમાં ચંદ્ર ની રાશિ કર્ક આઠમાં ભાવે રહેલી છે. 

ચંદ્ર, વૃષભ રાશિમાં ઉચ્ચ નો થાય છે. આ લગ્ન માં વૃષભ રાશિ છઠા ભાવે છે.

 છઠ્ઠો ભાવ : શત્રુનો, તકલીફો, અડચણો નો ભાવ છે. 

આ જાતકો તકલીફો થી જરા પણ ગભરાતા નથી. હારથી નિરાશ થતાં નથી, ફરી સંઘર્ષ કરવા કટિબદ્ધ થાય છે. 

મંગળ : 

ધન લગ્નની કુંડળીમાં મંગળની એક રાશિ પાંચમા ભાવમાં, બીજી રાશિ 12 માં ભાવમાં રહેલી છે. મંગળ મકર રાશિમાં ઉચ્ચત્વ પામે છે. મકર રાશિ બીજા ભાવે રહેલી છે. પાંચમા સ્થાનનો અધિપતિ બીજા ભાવે હોવાથી આ જાતકો કુટુંબ પ્રેમી હોય છે  ગ્રહ મંગળ ભાઈનો કારક હોઈ વિશેષત: આ જાતકો ભાતૃ પ્રેમી હોય છે. 

મંગળની બીજી રાશિ 12માં ભાવે રહેલી છે. 12માં ભાવનો અધિપતિ મંગળ બીજે ભાવે ઉચ્ચત્વ પામતો હોવાથી ધનની આવક તેમને પરદેશના કનેક્શન થી થાય તેમ કહી શકાય. જાતકની આવક મેળવવા પ્રત્યેની માનસિકતા મંગળના ક્ષેત્રમાં આવતા કાર્ય થકીની હોય છે. મંગળની ક્ષેત્રમાં આવતા કાર્યો જેવા કે, એન્જીનીયરીંગ, ટેકનોલોજી, સાયન્સ. મંગળ – જમીન – ઘર = બિલ્ડીંગ = રીઅલ એસ્ટેટ. વગેરે જેવા કાર્યો. 

ધન લગ્નની કુંડળી માં મંગળ 8માં ભાવે કર્ક રાશિમાં નીચત્વ પામે છે. 8 મો ભાવ આયુષ્ય નો ભાવ. અહીં મંગળ નીચત્વ પામતો હોવાથી આયુષ્ય માં કમી કરે છે. જો ૮માં ભાવમાં મંગળ હોય તો, જીવનને ખતરો રહે તેમ કહી શકાય. 

પાંચમા ભાવના અધિપતિ તરીકે 8મે નીચનો થતો હોઈ કહી શકાય કે, બાળક ના જન્મ સમય જીવનમાં ચેલેન્જ નો સમય આવે. અથવા તે સમયે માતૃભૂમિ થી દૂર જવાનું થાય. અથવા કોઈ કારણસર કોઈ સાથે વધુ પડતા ગુસ્સામાં મારામારી, ઝઘડા, શસ્ત્રઘાતને કારણે હેલ્થ ઈસ્યુ થાય. 

શનિ, શુક્ર, બુધ જેવા અસુર ગ્રહો ની વિચારણા :

શનિની રાશિ મકરમાં ગુરુ નીચત્વ પામે છે, પણ ગુરુ અને શનિ નૈસર્ગિક રીતે સમ સંબંધ ધરાવે છે. 

ગુરુની મીન રાશિમાં શુક્ર ઉચ્ચ નો થાય છે. પરંતુ ગુરુ, શુક્ર ને શત્રુ માને છે. 

બુધ, ગુરુને સમ ગણે છે ; પરંતુ ગુરુ બુધને શત્રુ ગણે છે. 

બુધ અને શુક્ર બંને ગુરુને સમ માને છે, જ્યારે ગુરુ તેમને શત્રુ ગણે છે. 

શનિ : 

ધન લગ્નની કુંડળીમાં બીજા અને ત્રીજા ભાવમાં શનિની રાશિ આવે છે. શનિ ૧૧માં ભાવમાં રહેલી તુલા રાશિમાં ઉચ્ચ નો થાય છે. પાંચમા ભાવે રહેલી મેષ રાશિમાં નીચત્વ પામે છે. આથી જાતકને આવક તેનામાં રહેલા જ્ઞાન અને સંપત્તિ ના સારા ઈન્વેસ્ટમેન્ટ થી થાય છે. 3જા ભાવમાં રહેલી કુંભ રાશિનો અધિપતિ શનિ 11 માં ભાવે ઉચ્ચ નો થાય છે. ત્રીજો ભાવ ક્રીએટીવીટી, હોબી, હાથ. હોબી, જેવી કે લેખન, પેઇન્ટિંગ, શિલ્પકામ, મ્યુઝિક. આવા કાર્યો થી કે કોમ્યુનિકેશન કે સેલ્સ ના કાર્ય થી આવક મેળવી શકે છે. 

કુંભ રાશિ ત્રીજે છે જેનો અધિપતિ શનિ છે. બીજો અધિપતિ રાહુ છે, જેથી આ જાતકો કદી પણ કોઈના થી ડરતા નથી. આ જાતકો પોતાના સૌથી મોટા વિરોધીને પણ પોતાના ઘેર જમવા આમંત્રણ આપી ને પછી પણ એનો વિરોધ કરી એની સાથે સંઘર્ષ માં ઉતરી શકે છે. આ જાતક જરા પણ ડરતા નથી. એમની બહાદુરી ને દુશ્મન પણ સલામી મારે છે. 

કુંભનો બીજો અધિપતિ રાહુ છે જે, સાતમાં સ્થાને પોઝીટીવ થાય. સાતમું સ્થાન વિરોધીઓનું આથી આ જાતકો વિરોધી સાથે ઝઘડો કરવા ઉત્સુક હોય. આ ઉપરાંત ધન રાશિ નું ચિન્હ અર્ધ મનુષ્ય અને અર્ધ ઘોડો, મનુષ્યના હાથમાં ઉપરની તરફ ચડાવેલું તીર છે. જે યુધ્ધનું સુચન કરે છે. પરંતુ આ જાતકો સામેથી કોઈની સાથે ઘર્ષણમાં નથી ઉતરતા કે, દુશ્મની નથી રાખતા. ઉપર ની તરફ પણછ પર ચડાવેલું તીર દર્શાવે છે કે તેઓનું નિશાન હંમેશાં ઊચું હોય છે. તેમાં વચ્ચે આવનાર સાથે ઘર્ષણમાં ઉતરતા અચકાતા નથી. 

આ જ શનિ પાંચમા ભાવમાં નીચનો થતો હોવાથી પાંચમા ભાવના કારકત્વ માટે ખાસ ઉત્સાહિત હોતા નથી. કોઈ એડવેન્ચરસ કાર્ય માટે ઉત્સાહી હોતા નથી. આ જાતકો અન્યાય સામે ફાઈટ આપવાનું ચુકતા નથી. તેને એ ધર્મ માને છે. ગુરુ અધિપતિ હોવાથી ક્રોધમાં પણ વાણી સંયમિત હોય છે. 

ધન લગ્નની કુંડળીમાં બીજો ભાવ કુટુંબ નો. બીજા ભાવમાં મકર રાશિ જે શનિની રાશિ છે. નૈસર્ગિક કુંડળીમાં ૧૦માં ભાવમાં મકર રાશિ આવે. 10 મો ભાવ એ હેડ, મુખિયા, ચીફ, સત્તા સ્થાને રહેનાર. આ લગ્નમાં તે બીજે આવે માટે આ જાતકો કુટુંબમાં મુખિયાની જેમ વર્તે. 

શુક્ર :

ધન લગ્નની કુંડળીમાં છઠા ભાવે શુક્ર ની રાશિ વૃષભ, તથા 11 માં ભાવે શુક્ર ની બીજી રાશિ તુલા રહેલી હોય છે. 

છઠ્ઠો ભાવ : ઓબ્સ્ટ્રકશન, શત્રુ, રોગ. 

શુક્ર : સ્ત્રી 

શુક્ર ધન લગ્નની કુંડળીમાં 4થા , સુખસ્થાને  ઉચ્ચનો થાય છે.  છઠ્ઠા ના અધિપતિ તરીકે સ્થાવર મિલકત, સંપત્તિ, વાહન વગેરે ખૂબ મુશ્કેલી ને અંતે પ્રાપ્ત થાય છે. 

4થા સ્થાને મીન રાશિ છે જે પણ ગુરુનું જ ઘર છે. આથી ગુરુ – શુક્ર પરસ્પર શત્રુ હોવા છતાં આ જાતકો પોતાના ઘરમાં દુશ્મનને સલામતી આપે છે, ખેલદિલી રાખે છે. વળી લગ્નેશ 8મે ઉચ્ચ નો થાય તકલીફો, અડચણો આકસ્મિક આવે છે. આ આકસ્મિકતાને તરફ ખૂબજ પોઝીટીવ હોય છે ( ગુરુ લગ્નેશ માટે) પ્લાનીંગ કરવામાં ટાઈમ ગુમાવ્યા વગર કાર્ય કરે. આકસ્મિકતાની અડચણો ને ચેલેન્જ તરીકે સ્વીકારી થ્રીલ અનુભવે છે. ધન રાશિ કેતુનું સ્વક્ષેત્ર ગણાય છે. ગુરુ અને શુક્ર વચ્ચે નુ યુધ્ધ એટલે દેવ-દાનવ યુધ્ધ. જેમાં દેવનો હંમેશા વિજય થાય. આમ આ જાતકો  શત્રુથી, સંઘર્ષ માં અડચણોમાંથી વિજયી થાય છે 

કેટલીક વખત જીવનનાં મોટા ચડાવ ઉતાર માં સ્ત્રીઓ નો મુખ્ય રોલ જોવા મળે છે. 

શુક્ર ની બીજી રાશિ 11માં ભાવે રહેલી છે. 

11 મો ભાવ : આવક, મિત્રો. 

શુક્ર ચોથે ઉચ્ચ નો થાય છે. ૧૧માં ભાવના અધિપતિ તરીકે સ્થાવર સંપત્તિ ની આવક ઉચી મળી રહે. 

શુક્ર 10 મા ભાવે કન્યા રાશિમાં નીચનો થાય છે. 11માં ભાવનો અધિપતિ 10મેં નીચનો થાય, 10મો ભાવ સ્ટેટસ, ફેઈમનો છે. અહીં એક ચોઈસ મળે છે કે, આવક વધુ જોઈએ કે, સ્ટેટસ? આવક વધુ હોય તો સ્ટેટસ ઓછું હોય, સ્ટેટસ ઊંચુ રાખવા જતા આવકમાં ઘટાડો થવા લાગે છે. સ્ટેટસ ઊંચુ રાખવા માટે હાથમાં રહેલા કામ પરથી ફોકસ જતું રહે તેથી આવક ઉતરતી જાય છે. 

બુધ :

ધન લગ્નની કુંડળીમાં બુધની મિથુન રાશિ સાતમાં ભાવે તથા બીજી કન્યા રાશિ 10 માં ભાવે રહેલી છે. 

બુધ ૧૦માં ભાવે ઉચ્ચનો થાય છે. જે દર્શાવે છે કે, હાર્ડવર્ક જ તેમના સ્ટેટસને ઉપર લાવશે. વ્યાપાર માં લાઈફ પાર્ટનરનો સહયોગ હોય તો સક્સેસ સારી મળે. આ બુધ 4થા સુખ સ્થાનમાં નીચનો થતો હોવાથી આ જાતકને સક્સેસ ના મળે તો દુ:ખી થાય છે. પોઝીશનમાં ઘટાડો કે તેમના કાર્ય ને ધ્યાનમાં લેવામાં ના આવે તો દુ:ખી થાય છે. અથવા મેરેજ પછી બુધના કારકત્વનાં ક્ષેત્રમાં આવતી બાબતો પ્રત્યે થી દુખ થતાં મનની શાંતિ ગુમાવે છે. 

ધન લગ્નની કેટલીક નેગેટિવ બાબતો. 

આ જાતકો કુટુંબના સભ્યો ની સતત ટીકા કરનાર હોય છે. 

તેઓ એમ માને છે કે, તેમના જેટલું ઈન્ટલીજન્ટ કુટુંબમાં કોઈ નથી. 

આ જાતકો બીજાનાં કાર્યોમાં ઈન્ટરફીયર થતાં નથી. હાથ નીચેના માણસોને પૂર્ણ સ્વતંત્રતા આપે છે. એ ફક્ત પોતાનું કામ કરે છે. માઈક્રો મેનેજર નથી માટે અસફળતા મળે છે. તેઓ સારા મોટિવેટર હોય છે. 

લગ્નેશ બીજે નીચનો થતો હોવાથી આ જાતકોને આંખનાં પ્રોબ્લેમ હોય છે. વળી લગ્નેશ ૮મેં ઉચ્ચનો થતો હોવાથી નાની – મોટી ખોડ જેવું હોવાની સંભાવના હોય છે. 

વટનો કટકો હોય, ખૂબ અભિમાની હોય.

Author: daveketaki

Always passionate to learn about new aspects of Astrology.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s