મકર લગ્ન :Capricorn Asc. 

મકર લગ્ન :

લગ્ન કુંડળી માં પહેલાં ખાનામાં 10નો અંક લખાયેલો હોય તો, જન્મ સમયે રાશિમંડળની દસમી રાશિ મકર રાશિ પૂર્વમાં ઉદિત હશે તેમ કહેવાય.
મકર રાશિના જાતકોનો દેખાવ, સ્વભાવ અને ગુણધર્મો :-
નૈસર્ગિક કુંડળીમાં મકર રાશિ દસમાં સ્થાનમાં સ્થિત હોય છે.
૧૦મો ભાવ – કર્મ ભાવ, કઈંક કાર્ય કરવાનો ભાવ, સફળતા, સત્તા, લીડરશીપ, રાજા, જવાબદારી ઉઠાવવાનો, એચિવ કરવાનો, ઓથોરિટી વગેરે બાબતોની વિચારણા આ સ્થાન થી કરી શકાય છે.
મકર રાશિ ચર સ્વભાવની રાશિ છે. ચર રાશિ એ ‘ ક્રિયા’, કાર્ય કરવું એમ દર્શાવે છે. આ જાતકો નું વલણ કઈંક મેળવવા માટે કંઈક કાર્ય કરો તેવું હોય છે. આ જાતકો સતત આખી જીંદગી કાર્ય કરતા રહે છે. વર્કોહોલિક ટાઈપ ના હોય છે.
પૃથ્વી તત્વની રાશિ છે. પૃથ્વીના સામાન્ય ગુણધર્મો પૃથ્વી તત્વ માં જોવા મળે છે. માટે આ રાશિમાં પણ પૃથ્વી ને મળતા ગુણો હોવાના જ.
સહનશીલતા : જેમ પૃથ્વી પોતાની સાથે બનતી વાવાઝોડા, સુનામી, પુર, આંધી જેવી ઘટનાઓને સહન કરી લે છે તેમ, આ જાતકો માન – અપમાન, સફળતા – નિષ્ફળતા, વિશ્વાસઘાત, છેતરપિંડી જેવી દુન્યવી બાબતોને પચાવી જવાની, સહન કરવાની ક્ષમતા ધરાવે છે.
પૃથ્વી તેના પેટાળમાં બધુ સંગ્રહી રાખે છે, તેમ આ જાતકો માં સંગ્રહ વૃત્તિ સારી હોય છે. આ જાતકો માં ભૌતિકતા વધુ પ્રમાણમાં જોવા મળે છે.
મકર રાશિ બેકી રાશિ છે. સ્ત્રી સ્વભાવની રાશિ છે. આ જાતકો બહુ સાહસી જોવા મળતા નથી. મમત્વ તેમનો સ્વભાવ છે. મારા – તારાની ભાવના વધુ છે માટે સ્વાર્થ ની માત્રા પણ વધુ હોય છે. વધુ પડતા ચીવટવાળા હોય છે. સદાય ડાઉન ટુ અર્થ જોવા મળે છે.
મકર રાશિનો અધિપતિ ગ્રહ શનિ છે.
શનિ ગ્રહ ચોકસાઈ, સતર્કતા, સહનશક્તિ, એકાગ્રતા, દૂરંદેશીપણુ, સાવચેતી, એકાગ્રતા, એકાંતપ્રિયતાનો ગ્રહ છે. શનિ નોકર – દાસી નો કારક છે.
શનિ વાયુ તત્વનો છે.
લગ્નેશ શનિ તુલા રાશિમાં ઉચ્ચત્વ પામે છે. તુલા રાશિ મકર લગ્નમાં દસમાં ભાવમાં સ્થિત છે.
લગ્નેશ શનિ મેષ રાશિમાં નીચત્વ મેળવે છે. મેષ રાશિ આ લગ્નમાં પાંચમા સ્થાને રહેલી છે.
લગ્નેશ શનિ દસમા ભાવે તુલા રાશિમાં ઉચ્ચત્વ પામતો હોવાથી, આ જાતક રાજાનો નોકર બને છે. આ જાતકમાં જન્મજાત લીડરશીપ ના ગુણ હોય છે.
લગ્નેશ શનિ હોવાથી દેખાવમાં નબળો લાગે છે. પરંતુ શનિ વાયુ તત્વનો તથા રાશિ પૃથ્વી તત્વની હોવાથી આ જાતકો મસ્ક્યુલર બોડી ધરાવતા હોય છે.
લગ્નેશ વાયુ તત્વનો અને અગ્નિ તત્વનો મંગળ આ રાશિમાં ઉચ્ચનો થતો હોવાથી આ જાતકો પાણીની તરસ વધુ લાગતી હોય છે. સાથેસાથે ચર સ્વભાવની રાશિ હોવાથી આ જાતકો જંગલ અને પહાડ પર ભ્રમણ કરે છે.
શનિની બીજી રાશિ કુંભ આ લગ્નમાં બીજા સ્થાને રહેલી છે. બીજો ભાવ – કુટુંબ ભાવ, ધન ભાવ.
મકર લગ્નનાં જાતકો કુટુંબ ને ઊચું લાવવા માટે તમામ પ્રયત્નો કરે છે.  આ જાતકો ને કુટુંબ પ્રેમી કહી શકાય. આ ઉપરાંત આ જાતકો પૈસાની બચત પણ સારી કરે છે. આ જાતકો પ્રથમ પોતાનું જોવે છે ત્યારબાદ કુટુંબ નું જોવે છે તે પછી બાકીનાનો નંબર આવે છે. શનિ લગ્નેશ હોવાથી સ્વકેન્દ્રી હોય છે. આ જાતકોનું ફેમિલી ખૂબજ બુધ્ધશાળી ગણાય તેવું હોય છે. સાયન્ટિફિક નેચર ધરાવતા પિતા કે ફેમિલી હોય છે.
બીજુ સ્થાન વાણીનું. શનિ તેનો અધિપતિ હોઈ જાતક વિચારી વિચારીને બોલે. તેમનું બોલવાનું લોકોનું દિલ જીતી લે તેવું હોય છે. એલીગન્ટ સ્પીચ હોય. તેઓ સાચુ, સારુ અને તેમના બોલવામાં યુનિકનેસ હોય છે.
બીજા ભાવનો અધિપતિ શનિ, ૧૦મે ઉચ્ચ નો એટલે કે અર્થ ત્રિકોણમાં ઉચ્ચ નો થાય છે. દસમાનો અધિપતિ શુક્ર છે. જે સંપત્તિ નો લક્ષ્મીમાતા નો ગ્રહ છે. આથી જાતકો પૈસાપાત્ર હોય છે.

લગ્નેશ શનિ દસમા ભાવે રહેલી તુલા રાશિમાં ઉચ્ચનો થાય છે. નૈસર્ગિક કુંડળીમાં આ ભાવ કર્મ ભાવ છે તથા શનિ આ ભાવનો કારક છે. આ ઉપરાંત બુધ, ગુરુ તથા સૂર્ય પણ આ ભાવના કારક છે.
આ ઉપરાંત શનિ, નૈસર્ગિક કુંડળીમાં 6,8, 12માં ભાવનો પણ કારક છે. જે દર્શાવે છે કે, આ જાતકોના જીવનમાં સફળતા ખૂબ મુશ્કેલી અને અડચણો પછી પ્રાપ્ત થાય છે.
મકર લગ્ન ચર સ્વભાવનુ પણ છે. જે દર્શાવે છે કે, જીવનમાં સફળતા માટે મહેનત કરવી જરૂરી છે.
મકર રાશિ સ્ત્રી રાશિ છે. જે દર્શાવે છે કે જાતકને પોતામા રહેલી શક્તિ નો સાતત્યતાપૂર્વક ઉપયોગ કરવો જોઈએ તથા પોતાની ટીમના સહયોગથી કાર્ય કરવુ જોઈએ તો સફળતા મેળવાય.
આ જાતકે બેલેન્સ રાખતા શીખવું જરૂરી છે. વધુ પડતું કામ કરવાનું વલણ તેમની હેલ્થ ને અસર કરી શકે છે.  આવા સમયે આ જાતકો એ પાર્ટનર કે પતિ/પત્ની ની કાર્ય ભાર હળવો કરવા હેલ્પ લેવી જોઈએ કે કામ શેર કરવું જોઈએ.
શનિ ચોથા સ્થાનમાં મેષ રાશિમાં નીચત્વ પામે છે. આ મંગળની રાશિ છે. જે શનિ માટે કંમ્ફર્ટેબલ સ્થાન નથી. આ જાતકો કે એમના પિતા પોતાના ઘરમાં હથિયાર કે ઓજારો રાખતા હોય છે. આ જાતકો ઘરમાં કમ્ફર્ટેબલ મહેસુસ નથી કરતા હોતા.

શનિ  ના નૈસર્ગિક મિત્રોમાં અસુર ગ્રહો જેમકે શુક્ર અને બુધ આવે છે.
શનિની રાશિના લગ્ન ધરાવતા બંને લગ્નમાં શુક્ર યોગકારક બને છે. માટે શુક્ર શુભ ફળ આપે છે.
શુક્ર ત્રીજા સ્થાને રહેલી મીન રાશિમાં ઉચ્ચત્વ પ્રાપ્ત કરે છે, જ્યારે નવમા સ્થાને રહેલી કન્યા રાશિમાં નીચત્વ પામે છે.
બુધ નવમા ભાવે રહેલી સ્વરાશિ કન્યા રાશિમાં ઉચ્ચત્વ પામે છે. ત્રીજા ભાવે રહેલી મીન રાશિમાં નીચત્વ મેળવે છે.
બુધની બીજી રાશિ છઠ્ઠા સ્થાને હોઈ બુધ મિક્સ ફળ આપે છે. બુધ અનુકુળ ગ્રહ સાથે સંબંધિત થયો હોય તો અનુકુળ ફળ આપે છે.

શુક્ર :
શુક્ર ની એક રાશિ પાંચમા ત્રિકોણ સ્થાનમાં રહેલી છે, જ્યારે બીજી દસમા ભાવે સ્થિત છે. શુક્ર કેન્દ્ર તથા ત્રિકોણ બંને નું આધિપત્ય ધરાવતો હોવાથી યોગકારક બને છે ( લઘુપારાશરી મુજબ). આ બંને ભાવ ખૂબજ મહત્વના સ્થાન છે. પાચમો ભાવ જાતકની માનસિકતા, દસમો ભાવ કર્મ ભાવ, એક્શન હાઉસ. આમ શુક્ર આ લગ્ન ના જાતકને ખૂબ સારુ ફળ આપે છે.
શુક્ર ત્રીજા સ્થાને ઉચ્ચત્વ પામે છે. ત્રીજુ સ્થાન કામ કરવાનો જુસ્સો, સાહસ, પરાક્રમ હોબી નો છે. ત્રીજો ભાવ કાર્ય પ્રત્યે ની ઈચ્છા નો, ઉત્કટતા દર્શાવે છે, મનની ઈચ્છાનો ભાવ છે. શુક્ર અહીં ઉચ્ચત્વ પામે છે. 
પાંચમા ભાવનો અધિપતિ ત્રીજા ભાવે ઉચ્ચનો થતો હોવાથી આ જાતકો કોઈ પણ કામ જુસ્સાભેર કાર્ય કરીને આગળ વધવાની માનસિકતા રાખતા હોય છે. આ જાતકો ભોગવિલાસી હોય છે, જાતીય સુખ તરફ વધુ ઉત્સુક હોય.
ત્રીજો ભાવ ભાઈ – ભાંડુ નો છે. અહીં મીન રાશિ રહેલી છે.  આ જાતકો પોતાના ભાઈ – ભાંડુ સાથે સ્પીરીચ્યુઅલ વલણ રાખે છે. એટલે કે જો તેઓ સંબંધ રાખે તો સરસ રીતે નિભાવે છે; અને ના રાખે તો પ્રોબ્લેમ નહીં તેવું વલણ હોય છે.
શુક્ર નવમા ભાવમાં નીચત્વ પામતો હોવાથી નવમા ભાવના કારકત્વ માટે તેઓ બહુ ઉત્સુક હોતા નથી.
9 મો ભાવ – ધર્મ, ગુરુ, પિતા વગેરે. એમ કહી શકાય કે જાતકો ધાર્મિક હોતા નથી. વળી સાવ નાસ્તિક પણ હોતા નથી. કારણકે લગ્નેશ શનિ તથા પંચમેશ શુક્ર, નવમેશ બુધના મિત્ર થાય છે.
બુધ :-
બુધ , લગ્નેશ શનિનો મિત્ર છે. મકર લગ્નની કુંડળીમાં બુધની એક રાશિ મિથુન તથા બીજી રાશિ કન્યા નવમા ભાવમાં સ્થિત છે. બુધ કન્યા રાશિમાં ઉચ્ચત્વ મેળવે છે. જ્યારે ત્રીજા સ્થાને રહેલ મીન રાશિમાં નીચત્વ પામે છે. જે દર્શાવે છે કે, જાતકની સફળતા માં પિતા તથા ગુરુ મહત્વ નો ભાગ ભજવે છે. પરંતુ જાતકને તેઓ પ્રત્યે ખાસ સન્માન હોતુ નથી. જાતકનુ જાતીયતા પ્રત્યે નું વધુ પડતું વલણ એમના જીવનમાં ડાઉનફોલ માટે કારણભૂત બને છે.
ત્રીજા ભાવમાં મીન રાશિ છે. જેનો અધિપતિ ગુરુ છે, અહીં શુક્ર ઉચ્ચ નો થાય છે. આમ દેવ ગુરુ તથા દૈત્ય ગુરુ શુક્ર બંને એક જગ્યાએ સ્થાન ધરાવતા હોવાથી ત્રીજો પરાક્રમ, સાહસનો ભાવ નબળો પડે છે. જાતક શરમાળ પ્રકૃતિ નું હોય છે.
નવમા ભાવનો અધિપતિ બુધ નવમા ભાવે ઉચ્ચનો થાય છે. બુધ જ્ઞાનનો કારક છે. નવમો ભાવ ધર્મ નો કારક છે. આ જાતકો શાસ્ત્ર, વેદ, ફાઈનઆર્ટસ, મ્યુઝિકલ ઇન્સ્ટ્રુમેન્ટ વગેરેની જાણકારી ધરાવતા હોય છે.
સૂર્ય :-
લગ્નેશ શનિ અને સૂર્ય નૈસર્ગિક શત્રુતા ધરાવે છે.
સૂર્યની રાશિ સિંહ મકર લગ્નમાં ૮માં સ્થાને આવે છે.
આઠમો ભાવ આયુષ્ય નો, મૃત્યુ નો.
મકર લગ્નની કુંડળીમાં સૂર્ય ચોથા ભાવે રહેલી મેષ રાશિમાં ઉચ્ચત્વ મેળવે છે. જ્યારે દસમે રહેલી તુલા રાશિમાં નીચત્વ પામે છે. જે દર્શાવે છે કે,  વધુ પડતું કામ કરવાને કારણે જાતકની હેલ્થ પર અસર થાય છે. (10 ભાવ વધુ કામકાજ) ( 8મો હેલ્થ). પરંતુ જો જાતક રીલેક્સ રહે, ઘરમાં શાંતિથી થોડો સમય ગાળે તો તબિયત સારી રહે.
ગુરુ ત્રીજા તથા 12માં ભાવનો અધિપતિ છે. ગુરુ મકર લગ્નના જાતક માટે અશુભ બને છે. ગુરુ સાતમે કર્ક રાશિમાં ઉચ્ચનો થાય છે. જ્યારે લગ્નમાં નીચત્વ પામે છે.
7મો ભાવ પાર્ટ્નરશીપ, દાંપત્યનો, વ્યાપાર નો, જ્યાં ગુરુ ઉચ્ચનો થાય છે.
ગુરુ મકર રાશિમાં નીચત્વ મેળવતો હોઈ અહીં લગ્નમાં નીચનો થાય છે. આથી કહી શકાય કે જાતકોની નિર્ણય શક્તિ તથા સ્ટ્રોંગ હેલ્થ હોતી નથી.
ત્રીજા ભાવના અધિપતિ તરીકે લગ્ને નીચત્વ પામતો હોવાથી દર્શાવે છે કે, વધુ કામ કરવાથી તબિયતને અસર થાય.
૧૨માં ના અધિપતિ તરીકે લગ્ન સ્થાને નીચનો થતા જાતક પરદેશમાં વ્યાપારમાં સફળતા મેળવી શકે છે.
ચંદ્ર :-
મકર લગ્નની કુંડળીમાં સાતમા ભાવે કર્ક રાશિ આવેલી છે. જેનો અધિપતિ ચંદ્ર પાચમા ભાવે વૃષભ રાશિમાં ઉચ્ચત્વ પામે છે. તથા 11માં ભાવમાં રહેલ વૃશ્ચિક રાશિમાં નીચત્વ પામે છે. જે દર્શાવે છે કે સાતમા ભાવ રીલેટેડ એક્ટિવીટી વધુ કરે તો આવકમાં ઘટાડો થાય છે. 7મો ભાવ દાંપત્ય જીવન, પાર્ટ્નરશીપ.
ચંદ્ર શનિ સાથે નૈસર્ગિક શત્રુતા ધરાવે છે. વળી 11માં આવક ભાવમાં નીચનો થતો હોવાથી આ જાતકો પત્ની તરફથી ધન મેળવવા અથવા પત્ની પાછળ ધનનો વ્યય થતો હોય છે.
મંગળ :- મંગળ લગ્નમાં ઉચ્ચનો થાય છે. 4થા ભાવના અધિપતિ તરીકે લગ્નમાં ઉચ્ચત્વ પામે તે દર્શાવે છે કે જાતક સુખી હોય છે. 4થો ભાવ – સુખ સ્થાન.
મકર રાશિનુ ચિન્હ મગર છે. મગરની દાઢમાં જે ફસાયો તે પછી તેને છોડતો નથી. આ જાતકોની આંખમાં લુચ્ચાઈ હોય છે. પોતાનો સ્વાર્થ કેવી રીતે સાધવો તે, લાભ કેવી રીતે મળે તે વિચારે છે. મગર ની ધૃતતા જોવા મળે છે મગર શાંતિથી સુતેલો જોવા મળે પણ શિકાર તરફ તરત લપકતો હોય છે. ‘ મારું શું?’ તેવી ભાવના ધરાવનાર હોય છે. 

Author: daveketaki

Always passionate to learn about new aspects of Astrology.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s