મીન લગ્ન Pisces Ascendant :-

મીન લગ્ન
લેખક: કેતકી મુનશી
લગ્ન કુંડળી માં પહેલાં ખાનામાં 12 અંક લખાયેલો હોય તો, જન્મ સમયે રાશિમંડળની બારમી રાશિ મીન રાશિ પૂર્વમાં ઉદિત હશે તેમ કહેવાય.
રાશિ ચક્ર ની આ અંતિમ રાશિ છે. જે જન્મ મરણ ના ચક્ર થી લિબરેશન દર્શાવે છે, અથવા બીજીરીતે કહીએ તો જન્મ કુંડળી નું છેલ્લું સ્થાન End. સામે મરણ દેખાતું હોય તેવી વિચારસરણી ધરાવતા વૃધ્ધ વ્યક્તિ જેવી. શોર્ટ ટર્મ પ્લાનીંગ ની મેન્ટાલીટી આ જાતકો ધરાવે છે.
જળતત્વની રાશિ છે.:-
ધર્મ ત્રિકોણ ની રાશિ છે. સમુદ્ર દર્શાવે છે અગાધ સમુદ્ર.
જળ એ એવું તત્વ છે જેને ગંધ આકાર કે સ્વાદ હોતો નથી. જળનો મુખ્ય ગુણ જેની સાથે ભળે તેના જેવો રંગ ગંધ આકાર જેવા ગુણધર્મો પકડી લે છે. આથી આ જાતકો ને સંગદોષ તરત લાગી જતો હોય છે.
જળ જેમ જલદી ઠંડુ કે ગરમ થાય, તેમ આ જાતકો વિશેષ લાગણીશીલ હોય છે. સારા ખરાબ બનાવો ની અસર તુરંત થતી હોઈ ડિપ્રેશન માં જલદી આવી જતા હોય છે.
સંવેદનશીલતા, કલ્પનાશીલતા, શરમાળપણું, માનવતા, સેવા અંતઃસ્ફુરણા, ગૂઢમન અને આળસ જળતત્વની પ્રકૃતિ છે.
લગ્નેશ ગુરુ :-
મીન રાશિ નો અધિપતિ ગ્રહ ગુરુ છે. નૈસર્ગિક કુંડળી ના છેલ્લા, વ્યય ભાવ ની રાશિ ના અધિપતિ તરીકે ગુરુ અહીં ખર્ચાળ અને મોક્ષ સ્થાન ના અધિપતિ તરીકે બંધનમુક્તિ જેવી માનસિકતા ધરાવે છે.
ગુરુ આકાશ તત્વનો કારક ગ્રહ છે. આકાશ તત્વ બધા જ તત્ત્વો ને એકત્રિત કરી જોડી રાખવાનું કાર્ય કરે છે.
મીન રાશિ દ્વિસ્વભાવ રાશિ છે.:-
દ્વિસ્વભાવ રાશિ બેલેન્સ દર્શાવે છે. બીજી જલતત્વ રાશિ જેમકે કર્ક જે વહેતું પાણી ઝરણાં જેવું ચંચળ સતત ગતિમાન એમ દર્શાવે.
વૃશ્ચિક રાશિ બંધિયાર કૂવા જેવું પાણી. જ્યારે મીન રાશિ સમુદ્ર જળ, જ્યાં વહેણ નથી, કે નથી બંધિયાર પરંતુ નિયંત્રિત ગતિ કરતું પાણી છે. જેના પેટાળમાં અસંખ્ય રત્નો (જ્ઞાન) સમાયેલું હોય છે.
લગ્નેશ ગુરુ :-
ગુરુ ની મીન રાશિ બ્રાહ્મણ રાશિ છે. ગુરુ ધર્મ ને પાળનાર તથા પળાવનાર છે. મીન ધર્મગુરુ ની રાશિ છે. ભગવાન ને ભજવા ની રાશિ છે, મોક્ષ ની રાશિ છે. વેદ ઉપનિષદ ના અભ્યાસુ ની રાશિ છે.
શરીર ની ચામડી લાઈટિંગ વાળી, ચમકતી હોય છે. મોઢા પર ગુરુતા છલકતી હોય છે. ‘પોતે બધુ જ જાણે છે’ તેવું માને છે.
મીન લગ્ન ના જાતક ને વણમાંગી સલાહ આપવાની ટેવ હોય છે.
લગ્નેશ ગુરુ પાંચમા ભાવે આવેલી કર્ક રાશિ માં ઉચ્ચત્વ મેળવે છે. પાંચમો ભાવ નોલેજ નો જ્યાં લગ્નેશ ઉચ્ચ નો થતો હોવાથી જાતક પોતાના ભણતર, જ્ઞાન તથા શિષ્યો થી, તથા તેની સલાહ આપવા ની રીત થી પ્રખ્યાત થાય છે.
મીન રાશિ માં શુક્ર ઉચ્ચત્વ પામે છે. શુક્ર નોલેજ, રોમાન્સ, સૌંદર્ય, દાંપત્ય જીવન નો, સંબંધો નો ગ્રહ છે. જેનું જીવનમાં ઘણું મહત્વ નું સ્થાન છે. શુક્ર દાનવ ગુરુ છે.
અહીં એમ કહી શકાય કે કામના ઓ ચેનલાઈઝ થાય છે. પ્યોર થાય છે.
ગુરુ, મકર રાશિમાં નીચત્વ પામે છે. મીન રાશિમાં મકર રાશિ 11 માં ભાવમાં રહેલી છે. 11 મો ભાવ આવક નો. આ જાતકો ને ફાઈનાન્સ્યલી રાહત જલદી મળતી નથી. મકર રાશિ મહેનત માંગે માટે આ જાતકે ફાઈનાન્સ્યલી સ્ટેબલ થવા ખૂબ મહેનત કરવી પડે છે. ખાસ કરીને દશા અંતરદશા ગોચર પ્રમાણે ખરાબ ફળ મળ્યા જ કરે છે. માટે આ લગ્ન ના જાતક નું ફાઈનાન્સ્યલી પ્રિડિક્શન બધા જ પાસા ધ્યાન માં રાખી કરવું જોઈએ.
મિત્ર ગ્રહો :- સૂર્ય, ચંદ્ર, મંગળ.
ગુરુને શુક્ર સાથે શત્રુતા છે. જ્યારે શુક્ર સમતા રાખે છે.
ગુરુને બુધ સાથે શત્રુતા ના સંબંધ છે. જયારે બુધ ગુરુ પ્રત્યે સમ છે.
ગુરુ અને શનિ એકબીજા પ્રત્યે સમ છે.
મિત્ર સૂર્ય :-
મીન લગ્ન ની કુંડળી માં સૂર્ય ની સિંહ રાશિ છઠા ભાવે રહેલી છે. મેષ રાશિ માં સૂર્ય ઉચ્ચ નો બને છે જે મેષ રાશિ બીજા ભાવમાં રહેલી છે. આથી કહી શકાય કે, કુંડળી માં સૂર્ય મજબૂત હોય તો, બીજો ભાવ, ધન અને કુટુંબ બંને સારા હોય.
તુલા રાશિમાં સૂર્ય નીચત્વ પામે. મીન લગ્ન ની કુંડળી માં તુલા રાશિ આઠમા ભાવમાં રહેલી છે. આઠમો ભાવ ઓબ્સ્ટ્રકશન, આકસ્મિકતા આયુષ્ય નો. સૂર્ય જો નબળો હોય તો જીવનમાં ઘણી અડચણો આવે તથા હેલ્થ પ્રોબ્લેમ રહે. જીવન શક્તિ નબળી રહે.
મિત્ર ચંદ્ર :-
મીન લગ્ન ની કુંડળી માં કર્ક રાશિ પાંચમા ભાવમાં આવે છે. કર્ક રાશિ ત્રિકોણ માં આવતી રાશિ હોઈ આ કુંડળી માં ચંદ્ર પરમ મિત્ર હોય છે. વળી લગ્નેશ અહીં ઉચ્ચ નો થતો હોઈ ચંદ્ર સારો હોય તો વૃષભ રાશિ જે ભાવમાં હોય તેનું ફળ સારું મળે. કારણકે ચંદ્ર વૃષભ રાશિમાં ઉચ્ચ નો થાય છે. વૃષભ રાશિ ત્રીજા સ્થાને આવતી હોઈ જાતક ને ભાઈ બહેનનું સુખ સારું મળે છે.
વૃશ્ચિક રાશિ માં ચંદ્ર નીચત્વ પામે છે. મીન લગ્ન ની કુંડળી માં વૃશ્ચિક રાશિ નવમાં સ્થાને રહી છે. આથી આ જાતકો હંમેશા અનલકી હોય છે. વારંવાર બેડ લક નો સામનો કરવો પડે છે.
પાંચમો ભાવ માઈન્ડ, માનસિકતા દર્શાવે છે. જાતકના ગમા અણગમા પાંચમા ભાવ થી જોવાય છે. પાંચમે કર્ક રાશિ, ચંદ્ર ની રાશિ. ચંદ્ર – પ્રેમ, લાગણી, રોમાન્સ, મ્યુઝિક પોએટ્રી નો કારક. જાતક સોફ્ટ નેચર નો હોય છે. જાતક શાંતિ ના ચાહક હોય છે. કારણ કે પાંચમે ચંદ્ર ની રાશિમાં લગ્નેશ ઉચ્ચ નો થાય છે.
અહીં ગુરુ ઉચ્ચ નો થતો હોવાથી જાતક વેદ વેદાંત પૌરાણિક શાસ્ત્રમાં જાણકાર હોય છે.
આ જાતકો ને દીકરી ઓ વધારે હોય છે. કર્ક રાશિ સ્ત્રી તત્વની રાશિ છે, ચંદ્ર પણ સ્ત્રી તત્વનો ગ્રહ છે. મંગળ જેવો પુરુષ ગ્રહ અહીં નીચત્વ પામે છે માટે સ્ત્રી સંતાન વધુ હોય છે.
ભાઈઓ બહેનો 3જા તથા મોટા ભાઈ બહેન 11માં ભાવથી જોવાય છે. આ બંને ભાવ માં ચંદ્ર અને મંગળ ત્રિકોણના અધિપતિ ઉચ્ચ ના થતાં હોવાથી બંને ભાવ બળવાન બને છે. જે દર્શાવે છે કે, માતા લક્ષ્મી ની કૃપા આ જાતકો પર હોય છે. ઉપરાંત નાના મોટા બંને ભાંડુ થી લાભ તથા સપોર્ટ મેળવે છે.
કર્ક રાશિમાં મંગળ નીચત્વ પામે છે. જો મંગળ નેગેટિવ હોય તો જાતક ઈરિટેબલ નેચર ધરાવે છે. અને બદલો લેવાની ભાવના વાળો હોય છે.
મિત્ર મંગળ :-
આ લગ્ન માં મંગળ ભાગ્યેશ થતો હોઈ તેની ભૂમિકા અગત્યની બની રહે છે. ખરાબ મંગળ ભાગ્ય નબળું બનાવે છે. પાંચમાં ભાવે નીચત્વ પામતો હોઈ ભાગ્ય સાથ ના આપતા ઈરિટેબલ નેચર વાળો બનાવે છે.
મંગળ – શનિની મકર રાશિમાં ઉચ્ચત્વ પામે છે. મંગળ મકરમાં હોય તો સખત મહેનત અને શિસ્તબદ્ધતા આપે.
મંગળ આ લગ્ન માં ફેવરેબલ બનતો હોય તો, નસીબ ના બારણાં ખોલી ઉચ્ચ આવક ના સ્રોત મેળવી આપે છે.
મંગળ ની બીજી રાશિ જે મૂળ ત્રિકોણી રાશિ છે એ, મેષ રાશિ બીજા ભાવે ધન કુટુંબ ભાવે રહેલી છે. બીજા ભાવના અધિપતિ મંગળ 11 માં ભાવે ઉચ્ચ નો થતો હોવાથી જાતક કુટુંબ અને ફેમિલી ની આવકનો સપોર્ટ મળે છે.
બીજો ભાવ ધન ભાવ હોવાથી બીજા ભાવે રહેલા ગ્રહ તથા દ્રષ્ટિ કરતા ગ્રહ વડે બીજો ભાવ બરાબર સમજવો જોઈએ. બીજા ભાવે પડેલી રાશિ મેષ નું ચિન્હ ઘેટું છે. જે પર્વતિય પ્રદેશ સાથે જોડાયેલું છે. માટે બીજે પડેલી રાશિ ના સિમ્બોલ સાથે જીવન ક્યાંક સંકળાયેલ જોવા મળે. જેમકે ઘેટાં બકરાં નો વ્યાપાર, તેમના થકી ચીજ વસ્તુઓ નો વેપાર કે તેના સિમ્બોલ નો ઉપયોગ થતો હોય ત્યાં થી ધન.
બુધ :-
બુધ સમ છે. લગ્નેશ ગુરુ નો મિત્ર નથી. લગ્નેશ ગુરુ કન્યા રાશિ માં નીચત્વ પામે છે. કન્યા રાશિ મીન લગ્ન ની કુંડળી માં સાતમા ભાવે રહેલી છે. બુધની બીજી મિથુન રાશિ ચોથા ભાવમાં રહેલી છે.
ચોથો ભાવ – માતા, સુખ, ભૌતિક સંપત્તિ, સ્થાવર મિલકત, વાહનસુખ નું સ્થાન. જો બુધ સ્ટ્રોંગ હોય તો, લાઈફ પાર્ટનર સારુ મળે. બિઝનેસ સારી રીતે થાય. તથા ચોથા ભાવના તમામ કારકત્વ ને પામે.
ચોથા ભાવનો અધિપતિ બુધ સાતમે ભાવે ઉચ્ચ નો થાય છે. આથી જાતક પાર્ટ્નરશીપ તથા રિલેશનશીપ માં સુખી હોય છે.
પરંતુ બુધ મીન રાશિ માં નીચત્વ મેળવે છે. જો બુધ નબળો હોય તો, હેલ્થ ઈસ્યુ ઉભા થાય છે. બુધ સ્કીન નો કારક છે. જો બુધ અશુભ હોય તો, કે અશુભ ગ્રહ થી દ્રષ્ટ હોય તો સ્કીન રિલેટેડ ડીસિસ થાય છે. લેપ્રસી પણ થઈ શકે છે. બુધ જો મંગળ થી સંબંધિત હોય તો આવી શક્યતા વધુ હોય છે. ચંદ્ર જલતત્વ નો કારક છે. ચંદ્ર જો શનિ રાહુ થી ચતુર્વિધ સંબધ થી જોડાય તો પણ સ્કીન પ્રોબ્લેમ આપે છે. માટે આ બધા ફેક્ટર લેપ્રસી માટે કારણભૂત બની જતા હોય છે. માટે આ લગ્નમાં ઘણાં યોગો તપાસવા જરૂરી બને છે. આ લગ્ન માં સ્કીન ના રોગો વધુ હોય છે કારણ કે બુધ પ્રથમ સ્થાને એટલે કે લગ્નમાં જ નીચત્વ પામે છે.

બુધ લગ્ન માં નીચત્વ પામતો હોવાથી જાતકો સતત

બોલબોલ કરનાર હોય છે.
શુક્ર :-
શુક્ર, ગુરુ સાથે સમ છે. શુક્ર લગ્નમાં ઉચ્ચ નો થાય છે. પરંતુ લગ્નેશ તેની સાથે શત્રુતા છે. મીન લગ્ન ની કુંડળી માં શુક્ર ત્રીજા ભાવનો અધિપતિ છે. ત્રીજા ભાવમાં વૃષભ રાશિ રહેલી છે.
ત્રીજો ભાવ હોબી, પરાક્રમ, કોમ્યુનિકેશન ગુણો નો ભાવ. શુક્ર તેનો અધિપતિ ગ્રહ જે લગ્નમાં ઉચ્ચ નો થાય છે. આ જાતકો ટેલેન્ટીવ હોય છે. આ જાતકો દાન ધર્મ કરવા વાળા હોય છે. ભાગ્યેશ મંગળ 11 માં ભાવે ઉચ્ચ નો થતો હોવાથી આવક સારી હોય કે નહી પણ ચેરીટી કરવામાં માને છે. 12મો ભાવ નૈસર્ગિક કુંડળીમાં વ્યય ભાવ કહેવાય છે. તેથી આ જાતકો સંગ્રહખોરી કરી શકતા નથી. જો તેઓ ચેરીટી ના કરે તો પૈસા નો વ્યય ખૂબ કરતા જોવા મળે છે.
આ જાતકો સારા મિત્રો હોય છે. પરંતુ બુધ ખરાબ હોય તો એથી ઉલ્ટા હોય છે.
ત્રીજો ભાવ પરાક્રમ ભાવ. મંગળ ત્રીજા ભાવનો કારક ગ્રહ છે. આ કુંડળી મા મંગળ ભાગ્યેશ છે. જે દર્શાવે છે કે જ્યારે જ્યારે કોઈ મુશ્કેલી આવે ત્યારે કોઈ દૈવી શક્તિ ની મદદ મળી જતી હોય છે. અને આ જાતકો ને કોઈ ચેલેન્જીંગ કામ મળે ને સ્વીકારે ત્યારે પૂર્ણ કરી શકતા હોય છે.
શુક્ર ની બીજી રાશિ તુલા આઠમે ભાવે રહેલી છે. આઠમો ભાવ ત્રિક ભાવ તથા ત્રીજો ભાવ ત્રિષડાય ભાવ, આઠમા થી આઠમો હોઈ આ બંને ભાવ અશુભ ભાવ હોય છે. આથી આ ગ્રહ આ કુંડળી માં અનફેવરેબલ ફળ આપે છે. જો શુક્ર ની સ્થિતિ સારી હોય તો આકસ્મિક ધન લાભ આપે છે. અને લગ્નેશ માં ઉચ્ચ નો થતો હોવાથી લાંબુ આયુષ્ય પણ આપે છે. નબળો શુક્ર ખાસ કરીને સાતમાં ભાવ રિલેટેડ ખરાબ ફળ આપે છે.

શનિ :-
શનિ ગુરુ સાથે સમ છે. શનિ લાભ તથા વ્યય સ્થાન નો અધિપતિ છે. એટલે મિક્સ ફળ આપે છે. ફેવરેબલ હોય તો આવક આપે નબળો હોય તો વ્યય કરાવે. શનિ આઠમાં ભાવે ઉચ્ચ નો થાય છે. જો કુંડળી માં શનિ સારો હોય તો લાંબુ આયુષ્ય આપે છે. આઠમાં ભાવ સંબંધિત ફળ સારા આપે છે.
બીજા ભાવમાં મેષ રાશિ માં શનિ નીચત્વ પામે છે માટે શનિ કુંડળી માં નબળો હોય તો ધનની કમી આપે તથા કૌટુંબિક પ્રોબ્લેમ આપે છે.
બીજો ભાવ ચહેરો દર્શાવે છે. જો શનિ ખરાબ હોય તો આ જાતકનો ચહેરો બગાડી નાખે છે.
શનિ ત્રિષડાયાધિશ અને વ્યેયશ છે માટે નેગેટિવ ફળ ની સંભાવના વધુ આપે છે. માટે શનિ ને આ કુંડળી માં વ્યવસ્થિત જજ કરવો જરૂરી છે.

મીન લગ્ન ના જાતકો શિષ્ટ અને સંસ્કારી જોવા મળે છે. આમ કેમ?
કારણકે મેષ રાશિથી સ્ટાર્ટ થઈને કોન્સિયસનેસ ઉત્તરોત્તર વિકસિત થતું જાય છે. આ જાતકો નું કોન્સિયસનેસ વિકસિત થઈ ગયેલું હોય છે. આ રાશિ મુનિ ઓ ની રાશિ છે. શુક્ર અહીં ઉચ્ચ નો થાય છે.
રાશિ સિમ્બોલ :-
રાશિ સિમ્બોલ બે માછલી છે. જેમાં એકનું મુખ ઉપરની તરફ ;બીજી નું મુખ નીચેની તરફ હોય છે. જે દર્શાવે છે કે, એક ની એક વાત રિપિટ થયા કરે છે.
માછલી પાણી માં રહે અને ક્ષણ માત્ર પણ એક જગ્યાએ રહેતી નથી. આ વાત એક પ્રકારની અસ્થિરતા દર્શાવે છે.
આ લગ્ન ના જાતકો માં ચંચળતા અને અસ્થિરતા જોવા મળે છે.
મીન લગ્ન માં ત્રણ નક્ષત્ર છે.
પૂર્વભાદ્રપદ.. મીનના 0°થી 3°20′.. નક્ષત્રાધિપતિ ગુરુ ઉત્તરભાદ્રપદ… મીનના 3°20′ થી 16°40′.નક્ષત્રાધિપતિ શનિવારે
રેવતી… મીનના 16°40 ‘થી 30°00’.નક્ષત્રાધિપતિ બુધ

નેગેટિવ સાઈડ :-
પોતે બધુ જાણે છે એમ માનવું.
બીજા માં ખોડ ખાંપણ કાઢવા ની ટેવ.

કેતકી મુનશી.
25/6/2019

Author: daveketaki

Always passionate to learn about new aspects of Astrology.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s