થેલેસેમીયા મેડિકલ એસ્ટ્રોલોજીની દ્રષ્ટિએ: Thalassemia in Medical astrology

થેલેસેમીયા એ લોહીનો રોગ છે. થેલેસેમીયા આનુવંશિક રોગ છે. જે માતા-પિતામાંથી ઉતરી આવે છે. લોહીનાં હિમોગ્લોબીન પાર્ટનો રોગ છે. આપણાં લોહીમાં આવેલાં રક્તકણો ઓક્સિજન શરીરનાં જુદાં જુદાં ભાગમાં પહોંચાડે છે. રક્તકણો જે બે તત્વોથી બનેલાં છે  હિમ અને ગ્લોબ્યુલીન. આ ગોબ્યુલીન એક પ્રોટિન છે . થેલેસેમીયામાં આ પ્રોટિન બનવામાં ખામી સર્જાતી હોય છે. જેને કારણે શરીરમાં લોહી ઓછું થઈ જાય અને એથી શરીરની કામગીરી ખોરવાઈ જાય છે.
આનુવંશિક રોગ છે. બાળકનાં જન્મનાં વર્ષ બેવર્ષની અંદર મોટે ભાગે ડિટેક્ટ થઈ જાય છે.
આ ઉપરાંત ગર્ભાવસ્થા દરમિયાન પાંચમા મહિને પણ ગર્ભ આવા રોગ યુક્ત નથી તે પણ જાણી શકાય છે.
ગર્ભવતી માતા જો થેલેસેમીયા માઈનોર હોય તો પિતાનો ટેસ્ટ કરાય છે. બંને માયનોર હોય તો આવનાર બાળકમાં આ રોગની શક્યતા વધે છે.
રોગનાં લક્ષણો:
મોંઢાના હાડકાંનો શેઈપ બદલાવો.
ટુંકા શ્વાસ લેવાવા.
સ્કીન પીળી રહેવી.
શરીરનો ગ્રોથ ઓછો હોવો.
થેલેસેમીયા મેડિકલ એસ્ટ્રોલોજીની દ્રષ્ટિએ:
વંશપરંપરાગત રોગની વાત કરીએ તો કુંડળીમાં આઠમાં સ્થાનને  તથા વૃશ્ચિક રાશિને ધ્યાનમાં લેવી જોઈએ.
ગ્રહ:
મંગળ – લોહીમાં રહેલાં રક્તકણોનો કારક, બોનમેરો પર પ્રભુત્વ ધરાવે છે.
ચંદ્ર- લોહીમાં રહેલાં પ્રવાહીનો કારક છે. જેમકે સિરમ, પ્લાઝમા.
શનિ- લાંબા સમય સુધી ચાલનારા રોગનો કારક, અષ્ઠમ ભાવનો કારક. સંકોચન, ઓબ્સ્કસ્ટ્રન .
શુક્ર- શરીરનાં પ્રવાહીનો કારક.
ભાવ : ૬,૮,૧૨ ભાવ.
રાશિ :
કર્ક, ધન, કુંભ.
આ ઉપરાંત કન્યા રાશિ જે ત્રિદોષ કારક છે , તથા કાળ પુરુષની કુંડળીની છઠા ભાવની રાશિ છે જે રોગ શત્રુ ભાવ છે.
જુદા-જુદા ગ્રહો શરીરનાં જુદા-જુદા અંગો પર પ્રભુત્વ ધરાવે છે. એ મુજબ જોઈએ તો,
સૂર્ય : બરોળ, હ્રદય, હાડકાં.
મંગળ: લોહીનું પરિભ્રમણ, સ્નાયુઓ.
ચંદ્ર : લોહી,  હ્રદય, સ્ટમક, શરીરનાં પ્રવાહી, માઈન્ડ (માનસિકતા).
બુધ: નર્વસ સિસ્ટમ, સ્કીન, વાણી, બુધ્ધિ.
ગુરુ : ચરબી, લીવર, ગોલ બ્લેડર.
શુક્ર: હોર્મોન્સ, જનનાંગો, શરીરમાં પ્રવાહી.
શનિ: હાડકાંનાં સાંધા, દાંત .
થેલેસેમીયાનાં રોગમાં લાંબા સમયે શરીરનાં બીજા અંગોને પણ અસર થતી હોય છે.
આ રોગ જન્મથી મળતો હોવાથી જન્મ દશા અગત્યની છે.

ઉદાહરણ કુંડળી:
ઉદાહરણ કુંડળી
૧) તુલા લગ્નની કુંડળી છે. લગ્નેશ શુક્ર ની બીજી રાશિ આઠમાં ભાવે રહેલી છે. શુક્ર મારક સ્થાને પોતાની વૃષભ રાશિથી બારમે મેષ જે શત્રુ રાશિ છે તેમાં સ્થિત છે.
૨) રોગની વાત કરીએ છીએ માટે છઠા ભાવનો વિચાર કરવો જોઈએ.
છઠા સ્થાને મીન રાશિ છે. જેનો અધિપતિ ગુરુ આઠમાં ક્રોનિક રોગ, આયુષ્ય સ્થાનમાં રહેલો છે. ગુરુ મૃગશીર્ષ નક્ષત્ર મંગળનાં નક્ષત્રમાં છે.
૩) આઠમે ગુરુ સાથે સૂર્ય અંશાત્મક યુતિ બનાવે છે. સૂર્ય જીવન શક્તિ નો કારક છે. અગિયારમાં ભાવનો અધિપતિ બાધકેશ બને છે.
ગુરુ,સૂર્ય સાથે લાંબા સમયનાં રોગનો કારક શનિ છે. શનિ ગુરુ અને સૂર્યને અશુભત્વ પ્રદાન કરે છે.
સૂર્ય બ્લડ ટ્રાન્સફ્યુઝનનો કારક હોઈ આવા જાતકને બ્લડ ચડાવી જીવન શક્તિ વધારાય છે.
૪) વૃશ્ચિક રાશિમાં રહેલો પ્લુટોની આઠમાં ભાવે દ્રષ્ટિ છે.
૫) આઠમે રહેલો શનિની ત્રીજી દ્રષ્ટિ કર્ક રાશિ પર, સાતમી દ્રષ્ટિ વૃશ્ચિક રાશિ પર અને દસમી દ્રષ્ટિ કુંભ રાશિ પર કરે છે.
કર્ક રાશિ જે ચંદ્રની રાશિ છે એને અશુભ કરે છે.
૬) આઠમાં ભાવથી આઠમો ભાવ ત્રીજો ભાવ છે. જ્યાં ષષ્ઠેશ ગુરુની બીજી રાશિ ધન રાશિ છે.
ધન રાશિમાં ચંદ્ર, કેતુ તથા મંગળ રહેલાં છે. રાહુ કેતુની એક્સીસમાં ચંદ્ર અને મંગળ આવ્યાં હોવાથી અશુભ ગ્રહોનાં પ્રભાવથી નબળાં બને છે.
કેતુ ને કારણે ધન રાશિ પણ નબળી બને છે.
૭) ધન રાશિમાં રહેલો મંગળ ૦૦°નો છે.સાથે વક્રી થાય છે. આ મંગળ ગંડાત નક્ષત્રમાં છે. મૂળ નક્ષત્રમાં છે. જે તિક્ષણ નક્ષત્ર છે. વક્રી છે તેથી ક્રુરતાથી અશુભ ફળ આપશે. આ મંગળ લોહીનો કારક હોઈ લોહીમાં રહેલ લોહતત્વને ઘટાડે.  (હિમોગ્લોબીન)
લોહી અશુધ્ધ કરે, લીવર બગાડે. સાથે હતાશા, ડિપ્રેશન જેવાં રોગ પણ આપે.
કેતુ , મંગળ અને ચંદ્ર સાથે હોઈ અનયુઝ્વલ રોગ આપે.
ધન રાશિ આર્ટરીઝ, પેલ્વિક બોન, હીપ બોન, સાથળનાં હાડકાં પર પ્રભુત્વ ધરાવે છે.
૮) ત્રીજે વક્રી મંગળની ત્રીજી દ્રષ્ટિ છઠે મીન તથા પાંચમે કુંભ રાશિ પર આપે છે. સાતમી દ્રષ્ટિ નવમા ભાવે તથા વક્રી હોઈ આઠમે પણ કરે છે.
આઠમી દ્રષ્ટિ કર્ક અને સિંહ રાશિ પર કરે છે.
આમ શનિ અને મંગળ ની અશુભ દ્રષ્ટિ કર્ક અને કુંભ બંને પર છે.
૯) કાળ પુરુષની કુંડળીનાં નવમે ભાવે ધન રાશિ આવે છે. આ કુંડળીમાં આ ભાવે રાહુ બુધ રહેલાં છે . રાહુએ નવમ ભાવને અશુભ બનાવ્યો છે.
૧૦) સર્વાષ્ટક વર્ગનાં શુભ બિંદુઓ લગ્ન ભાવ પર આઠમાં ભાવ કરતાં વધુ હોવાથી જાતકોની જનરલ હેલ્થ સારી છે.
૧૧) આ આનુવંશિક રોગ જન્મ સાથે મળતો હોવાથી દશા અંતર જોવા અગત્યનાં છે.
જાતક જન્મ સમયે શુક્રની એટલે કે, લગ્નેશ તથા અષ્ઠમેશ શુક્રની હતી. અંતર દશા બુધની હતી.

ઉદાહરણ કુંડળી ૨

ઉદાહરણ કુંડળી ૨
૧) મીન લગ્નની કુંડળીમાં લગ્નેશ ગુરુ બારમાં ભાવે કુંભ રાશિમાં રહેલો છે. લગ્નેશ ગુરુ પર પાંચમા ભાવે રહેલી કર્ક રાશિમાં રહેલાં મંગળ ની આઠમી દ્રષ્ટિ છે.
શનિ ચલિતમાં છઠા ભાવે રહેલો છે.  આ વક્રી શનિની  દ્રષ્ટિ છે. આમ લગ્નેશ બે અશુભ ગ્રહોથી દ્રષ્ટિથી ગ્રસ્ત છે.
૨) રોગનો વિચાર છઠે ભાવથી કરીએ તો ષષ્ઠેશ સૂર્ય લગ્ન ભાવમાં છે. જેથી જાતકનું શરીર નબળું હોય છે.
સર્વાષ્ટક વર્ગનાં શુભ બિંદુ લગ્નમાં ૨૪ છે જે પણ સામાન્યથી ઓછાં છે. આઠમાં ભાવમાં ૨૫ છે જે લગ્નથી સ્હેજ જ વધુ છે. માટે શારીરિક સ્થિતિ નબળી જરૂર કહી શકાય.
૩) આઠમાં ભાવનો અધિપતિ શુક્ર બીજા ભાવે મેષ રાશિમાં શત્રુ રાશિમાં છે. મારક ભાવમાં છે.
શુક્ર બુધ સાથે છે. બુધ સપ્તમેશ મારકનો અધિપતિ છે.
૪) લોહીનો કારક મંગળ પોતાની નીચ રાશિમાં રહેલો છે.
૫) લોહીમાં પ્રવાહી ભાગનો કારક ચંદ્ર છે. જે ધન રાશિમાં રાહુ સાથે રહેલો છે. ચંદ્ર તથા ધન રાશિ રાહુને કારણે નબળી બની છે.
૫) પાંચમા ભાવે રાહુની દ્રષ્ટિ છે. જે ચલિતમાં છઠે આવતાં શનિને પણ અસર કર્તા થાય છે.
નવમાંશ:
નવમાંશમાં મંગળ રાહુ સાથે રહી એફ્લીક્ટ થયો છે.
નિધનાંશામાં છે.
કેતકી મુનશી

Author: daveketaki

Always passionate to learn about new aspects of Astrology.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s