જન્મકુંડળી નો છઠ્ઠો ભાવ :-

જન્મકુંડળી નો છઠ્ઠો ભાવ :-
વૈદિક જ્યોતિષ શાસ્ત્ર માં જીવનની સ્પષ્ટ રૂપરેખા પ્રમાણે જન્મ કુંડળી માં સ્પેસિફિક ભાવ નક્કી કરાયા છે. છઠો ભાવ જીવનમાં આવતી તકલીફો, અડચણો નો ભાવ કહ્યો છે. એનો અર્થ એવો નથી કે, આ ભાવ તકલીફો જ દર્શાવે છે.
જન્મ કુંડળી ના છઠા ભાવને રોગ ભાવ, શત્રુ ભાવ.
પર્યાય :-
અંગ, અરિ, વ્રણ, ષટકોણ, શસ્ત્ર, ક્ષત, ભય, રિપુ.
આપણે કર્મ ની થિયરી ને સંપૂર્ણપણે માની એ છીએ. આ ભાવ કાર્મિક લેસન નો ભાવ છે. ઈશ્વરે આપણને કંઈક શિખવા માટે મોકલ્યા છે. આ ભાવ થકી જીવનમાં ઉંચે ઉઠવા, સારા મનુષ્ય બનવા માટે પાઠ ભણવા મળે છે.
જીવન માં ત્રણ ટાઈપની તકલીફો આવે છે.
1) શત્રુ, 2) રોગ, 3) ઋણ, દેવું.
રોગ શારીરિક તથા માનસિક હોય. સાયકોસોમેટિક પણ હોય છે. આયુર્વેદ મોટાભાગના રોગો નું મૂળ પાચનતંત્ર ને જવાબદાર છે એમ કહે છે. જન્મ કુંડળી નો છઠો ભાવ પાચન ક્રિયા અને રોજબરોજ નું કાર્ય (કામ) દર્શાવે છે.
છઠો ભાવ પાંચમાં ભાવ પછી નો ભાવ છે. પાંચમો ભાવ  મનની વૃત્તિ ઓ, માનસિકતા દર્શાવે છે. બીજા માટે ની લાગણી ઓને કેવી રીતે વ્યક્ત કરીએ છીએ તે જોવાય છે.
છઠો ભાવ કાર્મિક તકલીફો નો છે. શત્રુઓ કે રોજબરોજ ના કામ કે, સેવાના કાર્યો માં આવતી અડચણો નો ભાવ છે.
પાંચમો ભાવ સંતાન નો, છઠો સંતાનને રોજીંદા કાર્યો સાથે અડચણો સાથે ઉછેરવાનો ભાવ.
પાંચમો ભાવ ક્રિએટિવીટી નો છઠો ભાવ એ નો કેવી રીતે ઉપયોગ કરવો, રોજીંદી લાઈફ માં વણી લેવાનો ભાવ. આંતરિક સ્કીલ નો ડેઈલી કાર્ય માં ઉપયોગ નો ભાવ છઠો ભાવ છે.
નવમ ભાવ સંચિત કર્મો નો. નવમાથી દસમો એટલેકે નવમ ભાવનો કર્મ ભાવ એ છઠો ભાવ.  છઠા ભાવ ને પ્રારબ્ધ ભાવ કહે છે. જે ભોગવવાનું નિશ્ચિત હોય છે.
નૈસર્ગિક કુંડળી માં છઠે ભાવે કન્યા રાશિ, સ્ત્રી રાશિ, પૃથ્વી તત્વની રાશિ, દ્વીસ્વભાવ રાશિ છે. અર્થ ત્રિકોણ નો ભાવ છે. ઉપચય ભાવ છે. કુંડળીમાં છઠા, આઠમાં તથા, બારમાં ભાવને ત્રિક ભાવ કહે છે. ત્રિક ભાવ અશુભ ભાવ ગણાય છે.
કન્યા રાશિ નો અધિપતિ બુધ છે. બુધ અહીં પોતાની રાશિ માં ઉચ્ચ નો થાય છે.

બૃહદ્ પારાશર હોરા શાસ્ત્ર મુજબ :-
માતુલાતંકશંકાનાં શત્રૂંશ્ચૈવ વ્રણાદિકાન્ |
સપત્નીમાતરં ચાપિ ષષ્ઠભાવાન્નિરીક્ષયેત્ ||
મામા, આતંક, ડર,  આશંકા, શત્રુ, વાગ્યા નો ઘા, શોક્ય, સાસુ વગેરે નો વિચાર છઠા ભાવથી કરાય છે.

ઉત્તર કાલામૃત મુજબ :-
રોગો વિઘ્નરણાપ્તિમાતુલ કફ ગ્રંથ્યુગ્રકર્મણિ ચો –
ન્માદસ્ફોટક શત્રુ વૈર કૃપણત્વા સ્વાસ્થ્ય મેહવ્રણા :||10
અન્નાયાસરુણાપવાદ   રિપુ   સંતોષક્ષયોષ્ણક્ષતા –
શિચ્ત્ત ક્લેશ બહુ વ્યયે બહુજન દ્વેષોઽનિશં નેત્ર રુક |
ભિક્ષાદાનમ  કાલ ભોજન  કલા ભુંશા:  સંપિડારિભિ
ર્લાભાયાસ વિષાતિશૂલ  નિગલા  સ્વીયં યશોરક્ષણમ્ ||11
મૂત્ર વ્યાધિ અતિસાર ષડ્સવિનિન્દા દાસ ચોરાવિપત્
કારાગેહ સહોદરાદિકલહા: સ્યુ: ષષ્ઠભાવાદિમે|| 11-1/2
છઠા ભાવ થી નીચેની બાબતો નો વિચાર કરાય છે.
(1) રોગ, વ્યાધિ (2)  વિઘ્ન, અડચણ, તકલીફ (3)  સંઘર્ષ, સ્પર્ધા, યુદ્ધ, લડાઈ, ઝઘડા (4)  મામા (5) કફ, ગળફો (6) શરીર પર નાં સોજા (7) ક્રુર કર્મ (8) પાગલપન ઉન્માદ (9) ગડ- ગુમડ (10) શત્રુતા, પ્રતિસ્પર્ધા (11) કંજૂસાઈ, કૃપણતા (12)  બિમારી, અસ્વસ્થતા (13) યૌન રોગ (14) ભોજન, પકવાન (15) થાક (16)  દેવુ, કર્જ, ઋણ (17)  ક્લંક, અપયશ, બદનામી (18) શત્રુ ને સંતોષ (19) ક્ષય રોગ, ટ્યુબરક્યુલોસીસ (20) ગરમી, ઉષ્ણતા (21) ઘા, વ્રણ, વાગવા કે દાઝવા થી થતો ઘા(22)  ચિંતા ક્લેશ (23) માનસિક અવસાદ, ડીપ્રેશન, સંતાપ, ઉંડું દુ:ખ (24) અનેક સાથે શત્રુતા (25)  દ્રષ્ટિ દોષ, લાંબા સમય નો આંખનો રોગ (26)ભિક્ષા લેવી, તકલીફ માં મદદ લેવી (27)  કસમય નું ભોજન, અનિયમિત ખાન-પાન (28) યોગ્યતા માં નીચે ઉતરવું, કલા થી સ્થાન ભ્રષ્ટ કે સ્થાન ભંગ થવાથી માન – પ્રતિષ્ઠા માં ઘટાડો (29)  જાતિ બંધુ કે કાકા ના પુત્ર થી ભય, (30) લાભ પ્રાપ્તિ (31)  પ્રયાસ, પ્રયત્ન, પરિશ્રમ (32)  વિષ (33)  તીવ્ર વેદના, પીડા (34)બંધન, પ્રતિબંધ (35)  પોતાના માન સન્માન ની અને યશ ની રક્ષા કરવી (36)  મૂત્ર રોગ (37) અપચો (38) ષડરસ : છ પ્રકારનાં રસ જેમકે ખાટું, મીઠું, કડવું, તિખું, ખારું, તુરું (39)  અપયશ, લોકનિંદા (40) દાસત્વ (41) ચોરી (42) વિપત્તિ (43)  જેલ, બંદીગૃહ (44) અંદરો અંદર સમજફેર ને કારણે ભાઈ ઓ સાથે અણબનાવ કે વેર-વિરોધ.

વ્યાવહારિક જ્યોતિષ માં છઠા ભાવ થી જોવાતી બાબત :-
શત્રુ, રોગ, વાગવું, વિપદા, ક્લેશ, દુર્ઘટના, વિઘ્ન, અડચણ, ષડયંત્ર, ગોટાળા, બંધન, ખરાબ કર્મ, લાભ, નોકરી, અભાવ, માનસિક સંતુલન, પત્થર, ઔજાર, હોસ્પિટલ, દંડ, જેલ, સ્પર્ધા માં વિજય, કોમ્પીટેટિવ એક્ઝામ માં સફળતા, જનવિરોધ, આતંક, સમાજ વિરોધી કામ, ષડરિપુ : આપણી અંદર રહેલા છ શત્રુ 1) કામ 2) ક્રોધ, 3) લોભ, 4) મોહ, 5) અહંકાર, 6) ઈર્ષા. પૈસા ના રોકાણમાં હાનિ, ભાગીદારી માં કરેલી ખરીદી, સુખ, હલકુ કામ કરનાર માણસ, નોકર.
મોસાળ, બેંકિંગ નો ધંધો, શેરમાં ઈન્વેસ્ટમેન્ટ, જોબ વર્ક, દૈનિક કાર્ય, ભાડુઆત,   આંતરડા, વ્યાજ ની આવક, નોકરીમાં હેરાનગતિ, શરાફી નો ધંધો, કાકી, ફુઆ.
આજકાલ ડાયટિંગ નો જમાનો છે. તો ડાયટિંગ માટે છઠો ભાવ જોવાય.
રોજબરોજ ના કામમાં સ્વીપરનું કામ આ ભાવથી જોવાય.
છઠો ભાવ અર્થ ત્રિકોણ નો ભાવ છે. બીજું, છઠુ અને દસમું સ્થાન અર્થ ત્રિકોણ માં આવે છે.
બીજો ભાવ અર્થ ત્રિકોણ નો પ્રથમ ભાવ ધન ભાવ. છઠો ભાવ દૈનિક કાર્ય નો ભાવ. જે બતાવે છે કે, કામ અને એફર્ટ માં વધારો કરીએ તો જ જોઈતી વસ્તુ મેળવી શકાય.
છઠો ભાવ બતાવે છે કે, વય વધવા સાથે જીવન માં કેટલી રિસ્પોન્સિબિલિટી આવે અને એને  ડિસિપ્લિન સાથે પરફેક્ટ રીતે મેઈનટેઈન કરવી જોઈએ.
મેડિકલ એસ્ટ્રોલોજી મુજબ નીચેના અંગો છઠા ભાવમાં આવે છે.  નાનું આંતરડું, મોટું આંતરડું, કીડની, કમર નો સ્પાઈનલ કોર્ડ વાળો ભાગ.
મંડન જ્યોતિષ મુજબ છઠા સ્થાનમાં પબ્લિક હેલ્થ, સેફ્ટી, સેનીટેશન, હાઈજીન આવે છે. ઉપરાંત  એમ્પ્લોયમેન્ટ સંબંધી જોઈએ તો, કામદાર, લેબર વર્ગ, કાયદો અને હ્યુમન રિસોર્સિસ વગેરે વિષયો ની વિચારણા કરાય.
છઠો ભાવ આપણને કેટલીક વાત શિખવે છે.
જીવનમાં સહનશિલતા અને ધૈર્ય અપનાવવા જોઈએ.
દૈનિક કાર્યો માં ડિસિપ્લિન મેઈનટેઈન કરવી જોઈએ.
એક્સાઈઝ કરવી અને ખાવામાં ધ્યાન આપવું. પેટ ને અનુકૂળ એટલું ખાવું જોઈએ. જેથી રોગ થી બચાય.
કારક :-
મંગળ અને શનિ કારક ગ્રહ છે.

કેતકી મુનશી
14/2/2020

જન્મકુંડળી નો પાંચમો ભાવ :-

જન્મકુંડળી નો પાંચમો ભાવ :-
જન્મ કુંડળી નો ચતુર્થ ભાવ મન દર્શાવે છે, તો પાંચમો ભાવ મન ની વૃત્તિ નો છે. માનસિકતા નો છે.
નૈસર્ગિક કુંડળી માં પાંચમા ભાવે સિંહ રાશિ આવે છે. જેનો અધિપતિ સૂર્ય હોય છે. અગ્નિ તત્વ ની રાશિ આવે છે.
જન્મ કુંડળી માં પ્રથમ ભાવમાં જે તત્વની રાશિ હોય તે તત્વ તેના ત્રિકોણ ભાવમાં આવે.
પંચમ ભાવ સંતાન ભાવ, વિદ્યા ભાવ કહેવાય છે.
પાંચમા ભાવ ના બીજા પર્યાયી નામ નીચે મુજબ છે.

પર્યાય :- પ્રતિભા, ત્રિકોણ, ધી, દેવ, રાજ, પિતૃ, નન્દન, પંચક.

બૃહદ્ પારાશર હોરા શાસ્ત્ર માં મહર્ષિ કહે છે કે,
યન્ત્રમન્ત્રૌ  તથા વિદ્યાં  બુદ્ ધેશ્ચૈવ પ્રબન્ધકમ્ |
પુત્રરાજ્યાપભ્રંશાદીન્  પશ્યેત્યુત્રાયલાદ્  બુધ: ||
અર્થાત્
યન્ત્ર, મંત્ર, વિદ્યા, બુદ્ધિ, પ્રબન્ધ  શક્તિ, પુત્ર, રાજ્ય ની હાનિ, પદ પરથી નીચે ઉતરવું વગેરે નો વિચાર પંચમ ભાવ થી કરાય છે.

ઉત્તર કાલામૃત માં પંચમ ભાવ ના કારકત્વ નીચે મુજબ છે:-
સંતાનં  પિતૃપુણ્યરાજસચિવા સૌશીલ્ય શિલ્પે  મનો
વિદ્યા ગર્ભ  વિવેક   છત્ર  સુકથા  માંગલ્ય  પત્રાંબરે
નાનાકામ્ય  મહાપ્રયોગ  પિતૃ વિત્તે  દૂર  ચિંતા  ક્રમાત્
કાન્તામૂલક લબ્ધ ભાગ્ય વિમવો વારાંગના આલિંગનમ્ || 8
ગામ્ભીર્યં  ઘનતા  રહસ્ય  વિનયા  વૃતાન્ત  સંલેખનમ્
ક્ષેમ   સ્નેહ  પ્રબન્ધ – કાવ્ય – રચના  કાર્ય પ્રવેશોદરા: |
મંત્રોપાસના સુપ્રસન્ન   વિભાવશચાન્ન  પ્રદાનં  ચ  તત્
પુણ્ય  સત્પ્રવિચાર  મંત્ર. જપકા: પ્રજ્ઞા  સમાલોચને ||9
વિત્તોપાય  મૃદંગ  વાદ્ય  સુમહત્સંતોષ  પાંડિત્યયકા:
પારંપર્ય  સમાગતં  તુ  સચિવસ્થાનં  ભવેત્પંચમાત્ ||9 1/2

1) સંતાન સુખ (2) પિતા નું પુણ્ય કે પિતા નું સત્કર્મ (3) રાજા કે સર્વોચ્ચ અધિકારી, અધ્યક્ષ (4) મંત્રી (5) સુશીલતા, પવિત્ર આચરણ (6) શિલ્પ કાર્ય, યાંત્રિક કળા (7) મન, બુદ્ધિ, વિચાર (8) વિદ્યા (9) ગર્ભ સ્થિતિ (10) વિવેક, કે નિશ્ચિયાત્મક બુદ્ધિ (11) છત્ર, છત્રિ (12) ધર્મ તથા નીતિ કથાઓ (13) માંગલિક પ્રસંગ માટે નો સુચના પત્ર (14) વસ્ત્ર (15) કોઈ મોટું ઈષ્ટ કાર્ય, લાભ, યશ કે માન વધારે તેવો ઉત્કૃષ્ટ પ્રયોગ (16) પિતાની ધન સંપત્તિ (17) દુરંદેશી (18) પત્ની ના ભાગ્યથી મળેલ ધન વૈભવ ( સાતમાં ભાવથી આગિયારમો, પત્ની થી લાભ)

(19) રાજનર્તકી કે મહેલની દાસી ઓ સાથે સંબંધ (20)ગંભીરતા,  બુદ્ધિ પ્રતિભાવાન ( 21) દ્રઢતા (22) રહસ્ય (23) વિનમ્રતા (24) કોઈ ઘટના કે સમાચાર નું વિસ્તૃત વર્ણન (25) કુશળતા, સારી રીતે સંભાળવું, સંરક્ષણ આપવું (26) મૈત્રી, સ્નેહ પૂર્વક નો વ્યવહાર  (27) નાટક  ઉપન્યાસ, કે કાવ્ય ગ્રંથ ની રચના, સાહિત્ય સૃજન (28) કાર્યનો આરંભ કરવો, નવા કાર્યક્ષેત્ર માં પ્રવેશ કરવો (29) પેટ, ઉદર, પાચનતંત્ર (30) મંત્રો દ્વારા દેવતાઓ ની પૂજા અર્ચના (31) વિપુલ ધન સંપદા, સુખ વૈભવ (32)  અન્નદાન, ભંડારો (33) પાપ પુણ્ય માં ભેદ કરી શકવાની ક્ષમતા (34) વેદ મંત્રો નો પાઠ કે ઈષ્ટ મંત્ર નો જાપ નું પુનશ્ચરણ કરવું (35) વિવેક બુદ્ધિ, વિદ્વતા (36) સમાલોચના કરવાની યોગ્યતા (37) ધન કમાવાનાં ઉપાય કે જીવન નિર્વાહ નું સાધન (38) માંગલિક પ્રસંગો જેમાં વાદ્યોં નો અવાજ ગુંજે (39) પરમ સંતોષ (40) ગહન અભ્યાસ કે શોધખોળ કરવા ચિંતન મનન (41) વંશ
પરંપરાગત થી પ્રાપ્ત મંત્રી, સચિવ કે મુનીમ નું પદ.
પાંચમા ભાવ માં વિદ્યા, બુદ્ધિ, વિચાર શક્તિ, મંત્ર, મંત્રી, મંત્રણા, સાથે સાથે ધન, સંપદા વૈભવ ની વાત પણ કરી છે.
એટલું તો સ્પષ્ટ છે કે, પંચમ ભાવ બુદ્ધિબળ નો ભાવ હોવાથી વિદ્વાન વ્યક્તિ, સાતમે અગિયાર મો ભાવ હોવાથી ધન, માન, યશ પામે છે.

ફળદીપિકા બતાવે છે કે,
અનુમતિ કે સ્વીકૃતિ દર્શાવતી સરકારી મ્હોર, કર, આત્મા, બુદ્ધિ, ભવિષ્ય જ્ઞાન, શ્રુતિ, સ્મૃતિ, જ્ઞાન, ચિંતન, મનન વગેરે નો પાંચમાં ભાવની વિચારણીય બાબતો માં સમાવેશ કરાય.
વ્યવહારિક વૈદિક જ્યોતિષ મુજબ નીચેની બાબતો નો પાંચમા ભાવથી વિચાર કરવો જોઈએ. :-

સંતાન, બુદ્ધિ, વિદ્વતા, જુગાર, સટ્ટો, લોટરી, યશ, જીવનસ્તર,  મનોભાવ,  વિચાર,  પ્રથમ ગર્ભ,  અચાનક ધન પ્રાપ્તિ, નૈતિક આચરણ,  દુરંદેશી, પિતામહ, સ્મરણ શક્તિ,  મનોરંજન, પ્રેમ સંબંધ, ક્રીડા,  અનૈતિક યૌન સંબંધ,  દેવ અર્ચના,  ભક્તિ, ભવિષ્ય નું જ્ઞાન, ગૌરવ,  સરકારી અનુદાન,  પુસ્તક પ્રકાશન,  પત્ની થી લાભ, મંગલ ઉત્સવ,  નાટક, ખેલકૂદ, નૃત્ય, શરત મારવી, રેસ, શેર બજાર,  પત્તા રમવા, ક્રોસવર્ડ જેવી રમત, ભ્રષ્ટાચાર, બળાત્કાર, અપહરણ, ધાર્મિક બુદ્ધિ,  આધ્યાત્મિક ક્રિયાઓ, મંત્ર સિદ્ધિ.
પાંચમો ભાવ  સ્થુળ રૂપે સંતાન, સૂક્ષ્મ રૂપે બુદ્ધિ બળ દર્શાવે છે.
આ ઉપરાંત શિષ્ય નો વિચાર કરાય છે. રાજ્ય કે અધિકારો ની હાનિ નો વિચાર કરાય છે. પૂર્વ પુણ્ય કે પૂર્વ જન્મ ના પૂણ્ય કે પિતા ના પુણ્ય નો વિચાર કરાય છે.
મેડિકલ એસ્ટ્રોલોજી મુજબ પંચમ ભાવ થી
હાર્ટ, પેટ , બરોળ, સ્ટમક, ડાયાફાર્મ, લીવર, સ્પ્લીન, સ્પાઇનલ કોર્ડ, માનસિક શક્તિ નો વિચાર કરાય છે.
સાત ચક્ર માં મણિપુર ચક્ર જે નાભી ની નજીક છે તે દર્શાવે છે. અગ્નિ તત્વ ની, સ્થિર રાશિ નૈસર્ગિક કુંડળી માં રહેલી છે. પાચનતંત્ર પર સંપૂર્ણ પ્રભાવ ધરાવતું સ્થાન છે.
જીવન શક્તિ, ઉર્જા નું સ્થાન છે.

લગ્ન સ્થાન ભૌતિક તત્વ છે. પંચમ આત્મ તત્વ અને નવમ ભાવ પરમાત્મા તત્વ છે. નૈસર્ગિક કુંડળી માં ત્રણે ભાવ અગ્નિ તત્વ ના છે. વૈદિક સંસ્કૃતિ માં અગ્નિ ને દેવ ગણ્યા છે. પરમ શુધ્ધ નો દરજ્જો આપ્યો છે.
કેતકી મુનશી
13/2/2020

જન્મકુંડળી નો ચતુર્થ ભાવ :-

જન્મકુંડળી નો ચતુર્થ ભાવ :-
તૃતિય ભાવ પરાક્રમ ભાવ છે. પરાક્રમ કરીએ તો સુખ ની ઉપલબ્ધી થાય. ચતુર્થ ભાવને સુખ સ્થાન, માતૃ ભાવ કહે છે.
પ્રથમ ભાવ, લગ્ન ભાવ – ધર્મ, દ્વિતીય ભાવ- અર્થ, તૃતિય ભાવ – કામ અને ચતુર્થ ભાવ – મોક્ષ ત્રિકોણ નો પ્રથમ ભાવ કહે છે.
બાળકનો જન્મ થાય ત્યારે માતા ના સ્તનપાન માં સૌથી વધુ સુખની અનુભૂતિ થાય. માટે આ માતૃ સ્થાન, સુખ સ્થાન ગણી શકાય. મન અને હ્રદય નું સ્થાન,
જ્યાં સાચાં સુખની ઈચ્છા તથા પ્રાપ્તિ નો અનુભવ કરાય.
ચોથો ભાવ માતા નો ભાવ, જે જન્મ આપે, પોષણ કરે, અને અહીં થી જ સીક્યુરીટી ફીલ થાય. અહીં ભાવાત્મક સલામતી આપણને ઊંડાણ તરફ લઈ જાય છે. માટે મોક્ષ સ્થાન છે. આ ભાવ મુક્તિ તરફ આગળ વધવાનું દ્વારા છે.

ચોથો ભાવ હ્રદય સ્થાન છે. સાત ચક્ર મા નું અનાહતચક્ર ચોથો ભાવ છે. આંતરિક શાંતિ અને સુખનું વિશ્લેષણ આ ભાવથી કરાય છે. આ ભાવ થી ક્યાં થી સુખ મેળવવાની જાતક ઈચ્છા રાખે છે અને મળી શકે તેનું વિશ્લેષણ કરી શકાય છે.  ઈમોશનલ સ્ટ્રેન્થ જોઈ શકાય છે.

નૈસર્ગિક કુંડળી નો ચતુર્થ ભાવ, જ્યાં કર્ક રાશિ સ્થિત છે. કર્ક રાશિ નો અધિપતિ ગ્રહ ચંદ્ર છે. જળતત્વની રાશિ તથા ગ્રહ છે. નિર્મળ પ્રેમ દર્શાવે છે.
ચતુર્થ ભાવ ના બીજા પર્યાય નામ પણ છે.
પર્યાય :-
બાન્ધવ, ગૃહ, ચતુરસ્ત્ર, સુખ, જલ, પાતાલ, બન્ધુ, હિબુક, વૃધ્ધિ, ચિતિ, વિદ્યા, યાન, ગેહ, ચતુષ્ટય, અંબુ, અક્ષ.
બૃહદ્ પારાશર હોરા શાસ્ત્ર માં મહર્ષિ પારાશર કહે છે કે,
વાહનાન્યથ બન્ધૂંશ્ચ માતૃસૌખ્યાદિકાન્યપિ |
નિધિ ક્ષેત્ર ગૃહં ચાપિ ચતુર્થાત્ પરિચિન્તયેત્ ||
અર્થાત્
વાહન બંધુ, માતા, સુખ, દટાયેલું ધન, ખેતર, અચળ સંપત્તિ વગેરે બાબતો નો વિચાર ચોથા ભાવથી કરાય છે.

કવિ શ્રી કાલિદાસ લિખિત ઉત્તર કાલામૃત માં
નીચેની વિગતો ચતુર્થ ભાવથી જોવા જણાવે છે.

વિદ્યા રાજ્ય ગૃહ પ્રયાણ નરસનૌકાદિસ્ વાહના
ન્યભ્યંગો જનની ચ બંધુ સહ્રદૌ જાત્યંબરે વાપિકા || 5
પાનીયં ચ પય: સુગંધ સુખવાન્ સન્નામ દિવ્યૌષધં
વિશ્વાસોઽનૃતવાદ મંડપજય: સ્વેદોદ્ ભવાયા કૃષિ |
ક્ષેત્રારામ    તટાક    કૂપખનનં   તત્તત્પ્રતિષ્ઠાદયો
માતુર્વર્ગ નિદાન બુદ્ધિજનકો દારાસ્વનિક્ષેપણમ્ || 6
સૌધ: શિલ્પ ગૃહ પ્રવેશ પરિણામ: શીલ ધામચ્યુતી
પિત્ર્યં સ્વં સુરભોજનં ચ મનસો મોષ: પ્રદેશ ક્રિયા |
વલ્મીક શ્રુતિ શાસ્ત્રવૃદ્ધિ મહિષા ગોવાજિમત્તદ્વિપા
ર્દ્રક્ષેત્રોત્થ સુસ્ય  સંપદ  ઈમે વાચ્યાશ્ચતુર્થાલયાત્ || 7

લગ્ન પહેલું કેન્દ્ર સ્થાન છે. ચતુર્થ સ્થાન બીજું કેન્દ્ર સ્થાન છે. લગ્ન દેહ નો પરિચય કરાવે છે તો ચતુર્થ ભાવ મન ની પવિત્રતા અને નિષ્કપટતા દર્શાવે છે.
ચતુર્થ ભાવ થી નીચની બાબતો નો વિચાર કરાય છે.
(1) શિક્ષણ (2) રાજ્ય (3) ઘર (4) ઘરથી નિકળવું કે ઘર છોડવું (5) યાત્રા, ભ્રમણ (6) મનુષ્ય થી ચાલે તેવાં વાહન જેમકે સાયકલ રિક્ષા, નાવડી (7)વૈભવશાળી વાહન (કાર)
(8) અભ્યંગ, તેલ- માલિશ, મસાજ (9 ) માતા (10) બંધુ – બાંધવ, સંબંધી (11) મિત્ર તથા પ્રિયજન (12) જાતી (13) વસ્ત્ર, પોશાક (14) પાણી ની ટાંકી, નાનો કુવો, ટાંકો (15) જળ ( નદી, નહેર, ઝરણું) (16) દૂધ, દૂધ ઉત્પાદન (17) સુગંધ, ધૂપ, ધૂપસળી, અત્તર (18) સુખ સંતોષ, મનની પ્રસન્નતા, ખુશી (19) યશ, કીર્તિ, પ્રશંસા (20) દિવ્ય ઔષધો, બળવર્ધક અને જીવન રક્ષક રસાયણો (21) ક્લંક, જૂઠો આરોપ, (22) મંડપ, તંબુ કે પોર્ટેબલ રહેવાનું સાધન (23) વિજય, સફળતા (24) થકવી દે તેવુ કાર્ય, કઠિન કાર્ય (25) ભૂમિ, ખેતર, બગિચો (26) કૂવા કે તળાવ માટે ખોદાણ (27) પરબ ની વ્યવસ્થા (28) મોસાળ નું બળ (29) વિવેક, શુધ્ધ બુધ્ધિ, નિષ્કપટ (30) પિતાની આવક, વ્યાપાર, પોષક તત્વો (31) પત્ની ના સત્કાર્ય (32) પોતે કરેલી બચત તથા દાટેલું ધન (33) પ્રતિષ્ઠિત ભવ્ય મહેલ (34) શિલ્પ કાર્ય (35) ગૃહ પ્રવેશ (36) પરિણામ ( 37) ચરિત્ર, શીલ (38) ભૂ સંપદા કે કૃષિ માં નુકસાન (39) પૈતૃક સંપદા (40) દેવ પ્રસાદ કે દેવોનું ભોજન (41) ચોરી નો પ્રશ્ન હોય તો ચોરાયેલી વસ્તુ ની સ્થિતિ (42) કીડી નો રાફડો (43) વેદના જ્ઞાનનો પ્રચાર પ્રસાર (44) પશુધન (45) સવારી કરાય તેવાં દરેક પ્રકારનાં વાહનો (46) ભીની તથા પાણી વાળી જમીન પર ઊગતું અનાજ જેમકે ચોખા, શિંગોડા (47) ધન-ધાન્ય, સંપત્તિ.
આ ઉપરાંત પાણી, નદી, પુલ કે બંધ બનાવવા નો વિચાર પણ ચતુર્થ ભાવથી કરાય છે.
ચોથા ભાવને પરદેશગમન સાથે પણ જોડવામાં આવે છે. આડકતરી રીતે પાપ ગ્રહનું ચોથા ભાવ પરથી ગોચર ભ્રમણ ઘર છોડવા કારણભૂત બને છે.
ચોથા ભાવ થી લોભ – લાલસા, તૃષ્ણા, મહત્વકાંક્ષા, ગાઢ પ્રેમ, ગાઢ મિત્રો વગેરે નો વિચાર કરાય છે. ચોથ ભાવનું એક નામ પાતાલ છે. જે ઉંડાણનું સૂચક છે. મન હ્રદય ના ઉંડાણ નો પણ વિચાર કરાય. માટે ગાઢ પ્રેમ અહીં થી જોવાય છે.
મેડિકલ એસ્ટ્રોલોજી મુજબ ચોથા ભાવ સાથે જોડાયેલા અંગોમાં, ફેફસાં, સ્તન, ફેફસાં નું પિંજરું, ઈસોફેગસ  હોજરી, લીવર, પીઠ નાં દર્દ વગેરે.
ચોથો ભાવ રાત્રી સમય છે. 10મો ભાવ બપોરનો સમય દર્શાવે છે. રાત્રે ઉંઘવા જઈએ ત્યારે અનકોન્સ્યસલી આખા દિવસની ઘટના યાદ આવે છે, તે રીતે 4થા ભાવમાં રહેલા ગ્રહ પરથી ગોચરમા એ ગ્રહ પસાર થાય ત્યારે ફેમિલી ની જુની ઘટનાઓ યાદ આવે છે.
માતૃભૂમિ માટે ચોથા ભાવથી વિચારણા કરાય.
ચતુર્થ ભાવ ઉત્તર દિશા.
ફોર્મલ એજ્યુકેશન ચોથા ભાવથી જોવાય.
હેપીનેસ ચોથા ભાવ થી જોવાય.
વૃધ્ધાવસ્થા, જીંદગી ની પાછલી અવસ્થા નો વિચાર ચતુર્થ ભાવ થી કરાય છે.
દસમ ભાવ રાજા, સત્તાધીશ માટે ચતુર્થ સ્થાન પ્રજા નું મનાય છે.
કારક ગ્રહ :-
માતાનો કારક :  ચંદ્ર.
જમીન જાયદાદ નો કારક : મંગળ.
કારક ગ્રહો : ચંદ્ર અને બુધ.
વાહનનો કારક : શુક્ર.
(હેપીનેસ નો કારક ગુરુ અને ભૌતિક હેપીનેસ શુક્ર થી જોવાય.)
ચોથા ભાવનો ઉંડાણ થી અભ્યાસ જરૂરી છે. એ માટે D2, D4, D12, D10,D16, D24, D40 વર્ગ ચાર્ટ નો અભ્યાસ કરવો જરૂરી બની જાય છે.
કેતકી મુનશી
11/2/2020

જન્મકુંડળી નો તૃતિય ભાવ :-

જન્મકુંડળી નો તૃતિય ભાવ –

જન્મ કુંડળી ના પ્રથમ ભાવ ને આપણી જગતમાં એન્ટ્રી ગણીએ છીએ. બીજો ભાવ ધન, કુટુંબ ભાવ. તૃતિય ભાવને પરાક્રમભાવ, ભાતૃભાવ, સહજભાવ થી ઓળખવામાં આવે છે.
દુનિયામાં એન્ટ્રી લઈએ પછી નાની નાની વસ્તુઓ શીખીએ. શીખવા એફર્ટ કરીએ. તમે જોયું હશે નાનું બાળક પોતાની જાતે પડખું ફેરવતાં શીખે પછી ઉભું થતાં શીખે છે. આમ આગળ વધવા થતો એફર્ટ એ પરાક્રમભાવ દર્શાવે. કામ ત્રિકોણનો પ્રથમ ભાવ. કામ એટલે કામના, ઈચ્છા. કશું મેળવવાની ઈચ્છા, પરાક્રમ કરાવે.
આ ભાવને ભાતૃભાવ કે સહોદર ભાવ પણ ગણાય છે. કુટુંબમાં તમારા પછી બીજી વ્યક્તિનું આગમન જેમકે  નાના ભાઈ બ્હેન. માટે આ  તૃતિય ભાવ ને ભાતૃભાવ કહે છે. જેના થકી નાના ભાઈ બ્હેન નો વિચાર કરાય છે.
આ ભાવ સહજભાવ થી પણ ઓળખવામાં આવે છે. ‘સહજ’ એટલે પોતાની સાથે ઉત્પન્ન થયેલું. કેટલીક વૃત્તિ ઓ જેમકે પરાક્રમ કરવાની વૃત્તિ ઈનબિલ્ટ હોય છે. કોઈમાં વધુ કોઈમાં ઓછી. આથી આ ભાવને સહજ ભાવ કહે છે.
આ ઉપરાંત તૃતિય ભાવ માટે કેટલાંક પર્યાય નામ પણ છે.
પર્યાય – પૌરુષ, વિક્રમ, દુશ્ચિક્ય, સહોદર, વિર્ય ધૈર્ય, કર્ણ.
નૈસર્ગિક કુંડળી નો ત્રીજો ભાવ છે. જ્યાં બુધની મિથુન રાશિ સ્થિત હોય છે.

૧૩ થી ૧૬ વર્ષ ની આયુ નો વિચાર કરાય છે.

બૃહદ્ પારાશર હોરા શાસ્ત્ર માં મહર્ષિ પારાશર કહે છે કે,
વિક્રમ ભૃત્યભ્રાત્રાદિ ચોપદેશ પ્રયાણકમ્।
પિત્રોવૈંમરણં વિજ્ઞો દુશ્ચિક્યાચ્ચ નિરિક્ષતે ||
ત્રીજા ભાવથી પરાક્રમ, નોકર, ભાઈ, ઉપદેશ, વિદેશ, યાત્રા, માતા – પિતાનું મૃત્યુ નો વિચાર કરાય છે.

ઉત્તરકાલામૃત પ્રમાણે ત્રીજા ભાવથી નીચે મુજબની
બાબતોની વિચારણા કરાય :-

ધૈર્ય સોદર યુધ્ધ કર્ણ ચરણાધ્વક્ષેત્ર ચિત્તભ્રમા:
સામર્થ્ય સુરસદ્ માતાપકરણં સ્વપ્નં ભટો વિક્રમ:
સ્વીયો બંધુજન: સુહચ્ચલન કંઠાદુષ્ટ ભોજ્યાદિકં
શક્તિદાર્ય વિભાવ ભૂષણ ગુણા વિદ્યાવિનોદૌ બલમ્||
લાભો દેહ સમૃદ્ધિ સત્કુલભવા ભૃત્યશ્ચ પિત્ર્યસ્થલં
દાસી સ્વલ્પ સુદાન યાત્રા ઉરુકાર્ય સ્વીયધર્મ સ્ત્રીભાત્ ||

અર્થાત્

1) ધૈર્ય, સાહસ, ઉત્સાહ (2) નાના ભાઈ બહેન, (3)યુદ્ધ, સંઘર્ષ, કઠણ પરિશ્રમ (4)કાન (5) પગ (6) રસ્તે આવતા સ્થળો, વિશ્રામ ગૃહ (7) સ્વર્ગ (8) બીજાને દુ:ખ આપવું
(9)ચિત્ત ભ્રમ, મનનો ભ્રમ, ગલતફેહમી (10)સામર્થ્ય, ક્ષમતા (11) સ્વપ્ન (12)શૌર્ય, વિરતા, પરાક્રમ (13) સૈનિક, યોધ્ધા (14) નજીકનાં સંબંધી કે ભાઈ- બંધુ (15) મિત્ર, સહયોગી(16) યાત્રા, ભ્રમણ (17) કંઠ, ગળાની મિઠાશ (18)શુધ્ધ પવિત્ર સાત્વિક ભોજન (19) સંપત્તિ નું વિભાજન (20)આભૂષણ (21) સદ્ ગુણ (22)આરંભિક વિદ્યા (23) મનોરંજીત કે રુચિગત કાર્યો, શોખ, હોબી (24) શારીરિક શક્તિ (25) લાભ પ્રાપ્તિ (26)શારીરિક વિકાસ (27) સારા કુળમાં જન્મ (28)દાસ, નોકર (29)તર્જની અને અંગુઠાની વચ્ચેની જગ્યા (30)દાસી, સેવીકા, સહાયિકા (31) શ્રેષ્ઠ વાહનમાં નાની યાત્રા (32) મહત્વ પૂર્ણ કાર્ય (33) ધાર્મિક કર્તવ્ય નું પાલન.

આ ઉપરાંત વ્યાવહારિક જ્યોતિષશાસ્ત્ર મુજબ ના કાર્યો નીચે મુજબ છે. :-

સાહસ, શક્તિ, ધૈર્ય, નાના ભાઈ બ્હેન, પડોશી, મતિભ્રમ, સેવક, નોકર, સહાયક, સ્મરણ શક્તિ, બુધ્ધિ, શોખ( હોબી), કેળવણી થી પ્રાપ્ત થતી બુધ્ધિ.
નાની યાત્રા, પરિવહન સેવા, રેલ્વે, બસ, ટ્રક, સાઈકલ, ટ્રાન્સપોર્ટ, ટુરિઝમ, ગાઈડ, દુભાષિયો.
, લેખન, મુદ્રણ, પ્રકાશન, વ્યાપાર, ગણિત, અક્ષર (સારા, ખરાબ, મરોડદાર), દસ્તાવેજ, કરાર, વીઝા (પ્રશ્ન કુંડળી માં વિઝા માટે આ ભાવ નો વિચાર કરી શકાય).
આંગડિયા દલાલી. જાસુસી સેવા. સલાહ આપવી.
કોમ્યુનિકેશન, મોબાઈલ, ટેલિફોન, ઈન્ટરનેટ સેવા, તાર ટપાલ, સંવાદદાતા, ઉદ્ઘોષક, દૂરદર્શન, ફેક્સ.
ખભો, જમણો હાથ, જમણો કાન, ઈશાન ખૂણો, સંગીત.
ગુપ્ત શત્રુ, મહત્વ ના ફેરફાર, નવમું સ્થાન પિતાનું ગણીએ તો તૃતિય સ્થાન સસરા નું ગણી શકાય.
તૃતિય ભાવ કામ ત્રિકોણનો પ્રથમ ભાવ છે. સાતમો તથા અગિયારમો ભાવ કામ ત્રિકોણનાં અન્ય ભાવો ગણાય છે.
ત્રીજો ભાવ ઉપચય ભાવ છે. આઠમાં ભાવથી આઠમો હોઈ આયુષ્ય નો વિચાર પણ કરાય છે. ચોથા સ્થાનથી બારમો હોઈ માતાના આયુષ્ય નો વિચાર પણ કરાય છે.
નવમો ભાવ ગુરુ નો હોઈ, નવમાથી સાતમો ગુરુઉપદેશ નો ભાવ પણ ગણાય છે.

તૃતિય ભાવથી શરીરનાં નીચેના અંગોનો વિચાર કરાય છે.
ગળાની નીચેનો ભાગ, થાયરોઈડ, શ્વાસ નળી, ખભો, ખભાનાં હાડકા, કોલર બોન, હાથ, કાન.
તૃતિય ભાવ માં નૈસર્ગિક કુંડળી માં વાયુ તત્વની રાશિ આવે છે. જે એર સાથે સંકળાયેલી છે. માટે શ્વસન તંત્ર નો વિચાર પણ આ ભાવથી કરાય.

કારક – તૃતિય ભાવનો કારક મંગળ છે.  નૈસર્ગિક કુંડળી માં મિથુન રાશિ જે બુધની રાશિ છે. મંગળની મિત્ર રાશિ ના હોવા છતાં મંગળ શક્તિ, એનર્જી નો કારક હોવાથી આ ભાવનું કારકત્વ સંભાળે છે.

કેતકી મુનશી 10/2/2020

મેડિકલ એસ્ટ્રોલોજી – સર્જરી સમય

Astrological aspects when to avoid surgery :-

સામાન્ય રીતે જ્યારે શરીરના કોઈ અંગ પર સર્જરી કરાવવાની વાત આવે ત્યારે ઈમોશનલી આપણે ડાઉન થઈ જઈએ. એક જ્યોતિષ તરીકે આપણું કે નજીકના સંબંધી કે પછી ક્લાયન્ટ ની ઓપરેશન નો પ્રશ્ન સામે આવે ત્યારે, ઓપરેશન માટે યોગ્ય સમય કયો એવો પ્રશ્ન મનમાં ઉપસ્થિત થાય. આ માટે જ્યોતિષ શાસ્ત્ર ગ્રહોની કેટલીક સ્થિતિને ઓપરેશન માટે અયોગ્ય કે, એવોઈડ કરવા જેવી છે તે જણાવે છે એ આપણે જોઈશું.
વેદિક ચિકિત્સા જ્યોતિષ માં સૂર્ય ને આત્મા, જીવન શક્તિ હ્રદય, આંખ નો કારક ગ્રહ મનાયો છે.
ચંદ્ર મન, શરીરમાં રહેલાં પ્રવાહી નો કારક છે.
મંગળ – એનર્જી, જીવન શક્તિ, મસલ્સ, લોહીમાં રહેલાં લાલ કણ નો અને ખાસ કરીને સર્જીકલ ગ્રહ આંતરિક તથા બાહ્ય સર્જરી નો ગ્રહ. સર્જન જે નાઈફ થી કટ મુકે તેનો કારક ચિકિત્સા જ્યોતિષ માં ગણાય છે.
બુધ – ઈન્ટલિજન્સી નો ગ્રહ છે. માટે સર્જરી અને સર્જન બંને માટે એને ધ્યાનમાં લેવો જરૂરી છે.
શુક્ર – કોસ્મેટિક સર્જરી માટે શુક્ર પર પણ ધ્યાન આપવું જરૂરી હોય છે.
દરેક ઓપરેશન પ્લાનીંગ કર્યા પછી થાય એમ નથી હોતું. આપણે જેને સર્જન તરીકે ઈચ્છીએ એ સર્જન પણ આપણી ઈચ્છા પ્રમાણે ટાઈમ ફાળવે એવું પણ શક્ય નથી બનતું. પણ તેમ છતાં લગ્નેશ કે ચંદ્ર તથા સૂર્ય વધુ અશુભ ગ્રહો ની અસર હેઠળ ના આવતા હોય તેવા સમય ને પસંદ કરી શકાય.
પેટનું ઓપરેશન કરાવતાં હોઈએ ત્યારે, ચંદ્ર અશુભ થતો હોય તેવા સમય ને ટાળી શકાય તો સારું રહે.
તેમ છતાં પણ એક જ્યોતિષ હોવાના નાતે એટલું જ્ઞાન જરૂરી છે કે, ગ્રહો ના કેવા કોમ્બિનેશન કે સ્થિત માં ઓપરેશન ટાળવું જોઈએ.
ઓપરેશન નો સમય નક્કી કરતાં પહેલાં સૂર્ય, ચંદ્ર, મંગળ, બુધ ને ધ્યાનમાં લેવા જોઈએ.
સૂર્ય : સૂર્ય આત્મા, જીવન શક્તિ નો કારક ગ્રહ છે.
કાળ પુરૂષ ની કુંડળી નો દરેક ભાવ શરીરનો ચોક્કસ અંગ નું આધિપત્ય ધરાવે છે. એજ પ્રમાણે રાશિ ના કારકત્વ માં પણ ચોક્કસ અંગ આવે છે. કાળ પુરૂષ ની કુંડળી માં
શરીરનાં જે અંગનું ઓપરેશન કરવાનું હોય, એ અંગ જે ભાવ તથા રાશિના કારકત્વ ને સંબંધિત થતો હોય, એ ભાવ કે રાશિ પરથી સૂર્ય નું ગોચર હોવું જોઈએ નહીં.

ચંદ્ર – ઓપરેશન સમય નક્કી કરતી સમયે ચંદ્ર ની સ્થિતિ મહત્વની ગણાય છે.
ચંદ્ર – મન, શરીરમાં રહેલા પ્રવાહી / પાણી પર પ્રભૂત્વ ધરાવે છે. લોહી માં રહેલો પ્રવાહી ભાગ ( સિરમ) ચંદ્ર ના પ્રભૂત્વ માં આવે.
1) કાળ પુરૂષ ની કુંડળી માં જે ભાવ તથા રાશિના કારકત્વ માં આવતા અંગ ની સર્જરી કરવાની હોય તેમાંથી ચંદ્ર નું ગોચર થતું હોવું જોઈએ નહીં.
ઉદાહરણ તરીકે ગોલબ્લેડર નું ઓપરેશન કરવાનું હોય તો, કાળ પુરૂષ ની કુંડળી ના ચોથા ભાવ માં આવતી કર્ક રાશિમાં ચંદ્ર નું ગોચર ટાળવું જરૂરી છે. આ ઉપરાંત કર્ક થી સાતમે રહેલી મકર રાશિ માં ચંદ્ર હોય ત્યારે પણ ઓપરેશન ટાળવું જરૂરી છે. મકર માં રહેલો ચંદ્ર કર્ક રાશિને રિફ્લેક્ટ કરતો હોવાથી ઓપરેશન ટાળવું જોઈએ.
2) પૂનમનો ચંદ્ર દરિયામાં ભરતી માટે જવાબદાર છે, એ આપણે જાણીએ છીએ.
ચંદ્ર આપણાં શરીરમાં રહેલા પ્રવાહી / પાણી પર પ્રભૂત્વ ધરાવે છે. માટે પૂનમની દરિયાની ભરતી ની જેમ શરીરમાં રહેલાં પાણી પર પણ પૂનમની અસર થાય છે.
આથી પૂનમ ના દિવસે, તથા પૂનમથી આગલાં તથા પાંચ દિવસ પાછલાં ઓપરેશન કરાવવું જોઈએ નહીં.
આ સમયે શરીરમાં રહેલા પાણી પર ભરતી જેવી પરિસ્થિતિ હોય છે. હાડકા નો મેરો ( બોર્નમેરો) પણ પૂર્ણ ભરાયેલો હોય છે.
જેથી લોહી વધુ વહી જવા જેવા કોમ્પ્લિકેશન થવાનાં ચાન્સ વધુ હોય છે. ઇન્ફેક્શન ના, સેપ્ટિકના ચાન્સ પણ રહે છે. ઓપરેશન પછી જે તે અંગ પર સોજો રહે છે.
માટે સર્જરી શુક્લ પક્ષ માં કરાવવી જોઈએ. જેમાં પણ આર્દ્દા, જ્યેષ્ઠા, મૂળ તથા આશ્લેષા નક્ષત્ર ને જે અનુક્રમે 4,9,14 મું નક્ષત્ર શ્રેષ્ઠ છે.
3) જ્યારે ચંદ્ર રાશિ બદલતો હોય ત્યારે પણ સર્જરી ટાળવી જોઈએ. આવી સર્જરી માં ભાગ્યે જ સફળતા મળે છે.
4) જે અંગની સર્જરી થવાની હોય તે અંગના કારકત્વ ધરાવતી રાશિ માં ચંદ્ર નો પ્રવેશ થતો હોય તે દિવસ પણ ટાળવો જોઇએ.
5) ચંદ્ર સ્થિર રાશિમાં જેવી કે, વૃષભ, સિંહ, વૃશ્ચિક, કુંભ રાશિ માં હોય ત્યારે ઓપરેશન પ્લાન કરવું હિતાવહ છે.
સ્થિર રાશિમાં પ્લાન કરેલું ઓપરેશન પ્લાન મુજબ થાય છે. આ ઉપરાંત સ્થિર રાશિના ચંદ્ર ને કારણે બીજા અકારણ ઉપસ્થિત થતાં કોમ્પ્લિકેશન થતાં નથી.
6) દ્વિસ્વભાવ રાશિમાં જેવી કે, મિથુન, કન્યા, ધન, મીન રાશિ માં ચંદ્ર હોય તે સમયે લીધેલું ઓપરેશન બીજા અણધાર્યા કોમ્પ્લિકેશન ઉભા થવાની સંભાવના હોય છે.
7) ચંદ્ર જ્યારે સૂર્ય સાથે રહી અસ્ત નો થતો હોય તે સમયે પણ સર્જરી કરાવવી જોઈએ નહીં.
8) ચંદ્ર નું ગોચર મંગળ, શનિ કે સૂર્ય થી સાતમે, ચોથે થતું હોય તેવા સમય ને ઓપરેશન માટે યોગ્ય ગણાતો નથી.

મંગળ – મંગળ સર્જરી તથા સર્જન જોડે જોડાયેલો ગ્રહ છે. આંતરિક તથા બાહ્ય સર્જરી નો મંગળ એ બેટલફિલ્ડ નો સેનાપતિ છે.
સર્જરી દરમિયાન ગોચર તથા કુંડળી ના મંગળ ને ધ્યાનમાં લેવો જોઈએ.
મંગળ દર બીજા વર્ષે વક્રી થતો હોય છે. મંગળ એક રાશિમાં 8 મહિના રહે છે. (સ્તંભિ મંગળ ધ્યાનમાં લઈને).
મંગળ લોહીમાં રહેલાં રક્તકણ, મસલ્સ, એનર્જી લેવલ, જીવન શક્તિ પર પ્રભુત્વ ધરાવે છે.

જ્યારે મંગળ વક્રી હોય ત્યારે સર્જરી કરાવવી જોઈએ નહીં. મંગળ વક્રી થતા પહેલા ના તથા પછી ના સાત દિવસ સર્જરી કરાવવી જોઈએ નહીં.
એ સમયે થતી સર્જરી પછી રીકવરી થતાં નોર્મલ કરતા વધુ સમય લાગે છે. આ સમયે જીવન શક્તિ તથા ફિજીકલ સ્ટ્રેન્થ નબળી થતી જોવા મળે છે.
કુંડળી ના મંગળ પરથી ચંદ્ર નું ગોચર થતુ હોય, ચંદ્ર સ્ક્વેર માં થતું હોય કે, સાતમે સ્થાનથી થતુ હોય ત્યારે ઓપરેશન ટાળવું હિતાવહ છે.
આવા સમયે થતી સર્જરી વધુ લોહી વહી જવાની કે ઓપરેશન સમયે કે પછી જે તે અંગ પર સોજો આવવાની કે પાણી ભરાવવાની સમસ્યા ઉભી થવાની સંભાવના ધરાવે છે.
પરંતુ મંગળ થી છઠે કે ત્રિકોણ માંથી પસાર થતો ચંદ્ર ઓપરેશન માં સફળતા આપે છે. સર્જરી માં સર્જનના હાથે કટ સરસ મુકાય છે, સર્જરી જલદી પતે છે. કામ ચોખ્ખું થાય છે.
બુધ – બુધ ઈટલીજન્સી નો ગ્રહ છે. ઓપરેશન ના દિવસે બુધ વક્રી હોવો જોઈએ નહીં. વક્રી બુધ સર્જનને કંન્ફ્યુઝ કરી શકે છે.
આ ઉપરાંત શરીરના જે અંગનું ઓપરેશન કરવાનું હોય તે શુભ ગ્રહની અસર હેઠળ હોવું જોઈએ.
ઓપરેશનના દિવસે કોઈ પણ ગ્રહ વક્રી કે માર્ગી થતો હોવો જોઈએ નહીં
કેતકી મુનશી
11/11/2019

મેડિકલ એસ્ટ્રોલોજી-થાઈરોઈડ નો રોગ –

થાઈરોઈડ ના રોગ – મેડિકલ એસ્ટ્રોલોજી :-
થાયરોઈડ ગ્લેન્ડ એ એક એન્ડોક્રાઈન સિસ્ટમ માં આવતી ગ્લેન્ડ છે. એન્ડોક્રાઈન સિસ્ટમ રાસાયણિક મેસેન્જર કહેવાય છે. એન્ડોક્રાઈન સિસ્ટમ, ગ્લેન્ડ માં થી સ્ત્રાવ થતાં હોર્મોન ને રૂધિરાભિષણ તંત્ર દ્વારા જરૂરિયાત મુજબ ના અંગે હોર્મોન પહોંચે એનું નિયમન કરે છે.
એન્ડોક્રાઈન સિસ્ટમ માં આવતી દરેક ગ્લેન્ડ એક બીજા સાથે સંકળાયેલી હોય છે.
સામાન્ય ભાષામાં સમજીએ તો, એક ની કાર્યક્ષમતા વધે કે ઘટે તેની અસર બીજી ગ્લેન્ડ પર પણ થતી હોય છે.
થાયરોઈડ ગ્લેન્ડ એમાંની એક છે. થાઈરોઈડ ગ્લેન્ડ પતંગિયા આકારની ગળામાં રહેલી છે. બેભાગ માં વહેચાએલી છે. થાઈરોઈડ ગ્લેન્ડ માંથી મુખ્યત્વે ત્રણ હોર્મોન રીલીઝ થાય છે.
T3 ટ્રાઈઆયોડોથાયોનીન
T4 થાઈરોક્સીન
કેલ્સિટોનીન.
થાયરોઈડ ગ્લેન્ડ માંથી આ જે હોર્મોન રીલીઝ થાય છે એને રેગ્યુલરાઈઝ જે હોર્મોન કરે છે તેને, થાઈરોઈડ સ્ટિમ્યુલેટિંગ હોર્મોન જેને TSH થી ઓળખવામાં આવે છે. આ હોર્મોન પિચ્યુટરી ગ્લેન્ડ માંથી રીલીઝ થાય છે, પરંતુ તેનું નિયમન હાઈપોથેલેમસ ગ્લેન્ડ કરે છે. આમ તેઓ ઈન્ટર કનેક્ટેડ છે.
T3 ટ્રાઈઆયોડોથાયોનીન : આ હોર્મોન શરીરની દરેક પ્રક્રિયા માટે જરૂરી છે. જેમકે ચયાપચય, શરીરના વિકાસ અને ડેવલપમેન્ટ, શરીરનું તાપમાન જાળવવા તથા હ્રદય ના ધબકારા ને રેગ્યુલર રાખવા માટે ઉપયોગી છે.
T3, T4 બંને હોર્મોન આયોડિન માં થી બનેલા હોય છે. જો આયોડીન ની ખામી સર્જાય તો, આ બંને હોર્મોન ની ખામી સર્જાય. થાઈરોઈડ હોર્મોન T4 બલ્ડમાં વધારે પ્રમાણમાં હોય છે.
આ બંને હોર્મોન ચયાપચય ની ક્રિયા માં (જે દરેક કોષ માં થતી હોય છે), પ્રોટિન બનાવટ માં, હાડકા ના ગ્રોથમાં, મજ્જાતંતુ ના મેચ્યોરેશન માં ઉપયોગી છે. ચરબી (ફેટ) પ્રોટીન, કાર્બોહાઈડ્રેટ અને વિટામીનસ્ ના મેટાબોલીઝમ માટે જવાબદાર છે.
આમ આપણે આ હોર્મોન કેટલાં જરૂરી છે તે જાણ્યું.
બ્રેઇન માં રહેલ હાઈપોથેલેમસ ગ્લેન્ડ TRH થાઈરોટ્રોપિન રીલીઝીંગ હોર્મોન ઉત્પન્ન કરે. જે પિચ્યુટરી ગ્લેન્ડ ને સ્ટિમ્યુલેટ કરે અને TSH થાઈરોઈડ સ્ટિમ્યુલેટિંગ હોર્મોન રીલીઝ થાય. TSH હોર્મોન ને કારણે T3, T4, રીલિઝ થાય. અને બલ્ડ માં રહેલ T3, T4 ઘટે તો TSH વધે.
જો હાઈપોથેલેમસ માં કોઈ કારણસર પ્રોબ્લેમ સર્જાય તો પણ થાઈરોઈડ થાય.
થાઈરોઈડ થવાના કારણો ક્યા :-
1) થાઈરોઈડ હોર્મોન ની હાઈપર એક્ટિવિટી T3, T4 હોર્મોન માં વધારો.
2) થાઈરોઈડ હોર્મોન ની હાઈપો એક્ટિવિટી હોર્મોન રિલીઝ માં ઘટાડો.( TSH માં વધારો).
3) થાઈરોઈડ ગ્લેન્ડ મોટી થવી – ગોઈટર.
4) થાઈરોઈડ કેન્સર
5) થાયરોઈડ ગ્લેન્ડ પર ઝીણી ગાંઠો થવી.
હોર્મોન T3 અને / અથવા T4નો સ્ત્રાવ વધે તો હાયપર થાઈરોડિઝમ કહેવાય. કેટલીક વાર થાઈરોઈડ ગ્લેન્ડ પર સોજો આવવા થી પણ હાઈપર થાઈરોડિઝમ ના સિમ્ટમ્સ જોવા મળે છે. પરંતુ આવી કંડિશનમાં હોર્મોન વધુ ઉત્પન્ન થતો હોતો નથી.
હાયપર થાઈરોડિઝમ ના સિમ્ટમ્સ :
થાઈરોઈડ હોર્મોન સ્ત્રાવ માં વધારા ને કારણે, શરીરનાં બધા જ કાર્યો માં ઝડપ વધે છે. પલ્સ રેટ વધે છે. હ્રદય જલ્દી ધબકવા લાગે છે. જેથી પેશન્ટ ઉંઘી નથી શકતો, હાથમાં ધ્રુજારી રહેવી. પરસેવા થવા, એન્ઝાઈટી રહેવી. સ્કીન પાતળી થવી, વાળ પાતળા થઈ તૂટવા, હાથ અને સાથળ ના મસલ માં વિકનેસ લાગવી, ખોરાક વધવો અને વજન ઘટી જવું વગેરે જણાય. આંતરડા ની મુવમેન્ટ વધી જાય છે. સ્ત્રી ઓ માં માસિક સાયકલમાં પ્રોબ્લેમ થઈ જાય છે. બ્લડ ફ્લો ઓછો થવો જેવી તકલીફો દેખાય છે.
થાયરોઈડ સ્ત્રાવ વધવા ને કારણે, ચયાપચય ની ક્રિયા પર અસર થાય જેને કારણે સિમ્પથેટિક નર્વસ સિસ્ટમ પર અસર થતી હોય છે. શરીર ની બધી ક્રિયા ફાસ્ટ થતી હોવાથી એડ્રીનાલ ગ્લેન્ડ પર અસર થાય છે. જેની અસરથી હાર્ટ બીટ, પલ્સ રેટ વધે છે, પાચન તંત્ર પર અસર પડે છે. વજન ઘટે. તથા બલ્ડ માં કોલેસ્ટ્રોલ નુ પ્રમાણ પણ ઘણી વખત ઓછું જોવા મળે છે.
2) હાઈપોથાઈરોડિઝમ ના લક્ષણો :-
થાયરોઈડ ગ્લેન્ડ ની એક્ટિવિટી ઓછી થાય તો T3, T4 હોર્મોન નું ઉત્પાદન ઘટે તેની સાથે TSH વધે.
આ રોગ લાંબાગાળા સુધી ડિટેક્ટ ના થાય તો લાઈફ માં ઘણાં પ્રોબ્લેમ ઉભા થાય.
આવા કેસમાં મોટેભાગે આયોડિન ની ઊણપ જોવા મળે છે. આ રોગ લાંબાગાળા નો રોગ છે. મહિનાઓ તથા વર્ષો સુધી ધીમે ધીમે ડેવલપ થતો રહે છે. ક્લીનિકલી જલદી પકડી શકાતો નથી. હાઈપોથાઈરોડિઝમ થવાનું એક કારણ સ્ટ્રેસ પણ ગણાય છે.
રોગનાં શરૂઆત ના લક્ષણો :-
સ્કીન ડ્રાય થવી, સ્કીન પર ખણ આવવી, વજન વધવું, સોજા આવવા ( વોટર રિટેન્શન), મસક્યુલર પેઈન, જોઈન્ટ પેઈન, ઉંધ ના આવવી, મુડ ઈનસ્ટેબિલીટી, ચિડિયો સ્વભાવ થવો, કબજિયાત, પરસેવા થવા, હાર્ટ ની રિધમ ધીમી પડવી અને સ્ત્રીઓ માં ઈનફર્ટિલીટી ડેવલપ થવી.
લાંબાગાળે દેખાતાં લક્ષણો :-
આઈબ્રોના વાળ ઓછા થવા, મોઢા પરની સ્કીન સુકી અને ફૂલેલી દેખાવી, વિચારો ધીમા થવા અને બોલવાનું ધીમું થવું. અવાજ જાડો થવો. કાર્પલ ટનલ સીન્ડ્રોમ, જે હાથનાં કાંડા નો રોગ છે, તે દેખાવો. શરીરનું તાપમાન ઓછું રહેવું, હાઈપોટેન્શન રહેવું. ગોઈટર થવુ, પુરુષો માં સેક્સ ની ઈચ્છા ઘટવી.
3) ગોઈટર (ગ્રેવ’સ ડિસિસ) :- આ ઓટો ઈમ્યુન ડિસિસ છે. જેમાં થાઈરોઈડ ગ્લેન્ડ બે ગણી મોટી થાય છે. અને બધા જ હાઈપર થાઈરોઈડિઝમ ના લક્ષણો જણાય છે. સાથે આંખના ડોળા મોટા થઈ બહાર તરફ આવતા જણાય છે.
કેટલીક વખત પ્રસુતિ પછી માતા માં આવા લક્ષણો જોવા મળે છે.
4),5) બંને માં ગાંઠ થતી હોવાથી કેન્સર ગણાય છે.
એસ્ટ્રોલોજીકલી ફેક્ટર -:-
* થાયરોઈડ ગળામાં રહેલી હોય – માટે બીજો અને ત્રીજો ભાવ, તથા વૃષભ રાશિ અને મિથુન રાશિ નું ડિટેલ માં એનાલિસીસ કરવું જોઈએ.
* થાઈરોઈડ નો કારક ગ્રહ બુધ છે માટે બુધ નો અશુભ ગ્રહ સાથે સંબંધ હોય તો થાઈરોઈડ ની સંભાવના વિચારાય.
* જે કુંડળી માં બુધ નો મંગળ કે ગુરુ સાથે સંબંધ બને ત્યાં થાયરોઈડ હાયપર એક્ટિવીટી જોવા મળે. મંગળ એનર્જી નો કારક, ત્રીજા ભાવનો કારક માટે હાયપર એક્ટિવીટી ની સંભાવના થાય.
* કુંડળી માં બુધ નો શનિ સાથે નો સંબંધ થાઈરોઈડ એક્ટિવીટી ઓછી થાય છે.( શનિ એક્ટિવીટી રિડ્યુસ કરે).
* બુધ નો રાહુ સાથે સંબંધ પણ થાઈરોઈડ આપવા કારણભૂત થાય છે.
* બુધ – શનિ કે રાહુ સાથે રહેલા હોય, આ ઉપરાંત જો સૂર્ય પણ હોય તો પેરાથાયરોઈડ સંબધિત પ્રોબ્લેમ થઈ શકે.
* પિચ્યુટરી ગ્લેન્ડ પર ગુરુ નુ પ્રભુત્વ છે. પિચ્યુટરી ગ્લેન્ડ બે ભાગમાં રહેલી છે. જેમાં પોસ્ટેરીયર પાર્ટ પર કર્ક રાશિ નું પ્રભૂત્વ છે. ચંદ્ર ડાયરેકટ એન્ડોક્રાઈન પર પ્રભુત્વ ધરાવે છે. ચંદ્ર નબળો હોય તો, હાઈપોથેલેમસ ગ્લેન્ડ પર અસર થાય છે.
આમ ગુરુ એફ્લેક્ટેડ થાય તો પણ થાઈરોઈડ થાય.
ગુરુ + રાહુ હોય સાથે શનિ કે શુક્ર સંબંધ બનાવે ત્યારે એક્સ્ટ્રા કેર લેવી જોઈએ.
પિચ્યુટરી નો આગળ એટલે કે પ્રથમ ભાગ પર મકર રાશિ નું પ્રભુત્વ છે. મકર માં રહેલા ગુરુ + મંગળ કે ગુરુ +ચંદ્ર પણ લાંબા ગાળે ખાનપાન ની ખોટી રીત ને કારણે આવા રોગો માં સપડાય છે.
* એન્ડોક્રાઈન ગ્લેન્ડ મોટેભાગે મેષ અને તુલા રાશિની અંડર માં આવતા અંગો માં વધુ જોવા મળે છે. આપણી બંને કિડની તુલા રાશિના પ્રભાવ માં છે. તુલા રાશિ શરીરમાં પાણી નું બેલેન્સ સાચવે છે. એનો અધિપતિ શુક્ર જનનેદ્રિય ના હોર્મોન નો કારક છે. સાથે થાયમસ ગ્લેન્ડ પર પણ પ્રભૂત્વ ધરાવે છે. જો શુક્ર, ચંદ્ર શનિ, રાહુ અથવા મંગળ પહેલા ભાવમાં, બીજા ભાવમાં અને આઠમાં ભાવમાં હોય તો હોર્મોન સિસ્ટમ ખરાબ થવાના ચાન્સ વધે છે.
* સૂર્ય + ચંદ્ર વૃષભ રાશિમાં હોય તો હોર્મોન પ્રોબ્લેમ હોઈ શકે.
* મંગળ અને ગુરુ વૃષભ રાશિમાં સ્ત્રી જાતક ની કુંડળી માં હોય તો પણ હોર્મોન ડિસ્ટબન્સ જોવા મળે છે.
* તુલા રાશિમાં શુક્ર, ચંદ્ર, કે સૂર્ય હોય અને રાહુ કે શનિ સાથે સંબંધ બનાવતા હોય તો હોર્મોન ઈમ્બેલન્સ જોવા મળે છે.
* પશ્ચિમી એસ્ટ્રોલોજી મુજબ એકબીજા થી ટ્રાઈન કે અંશાત્મક રીતે લગભગ સરખા થઈ એગંલ માં રહેતાં ઉપરોક્ત ગ્રહો વધુ અસરકારક રીતે કાર્ય કરતા જોવા મળે છે.
કોઈ પણ રોગ કુંડળી ની દશા અંતર દશા તથા નિશ્ચિત ગોચર સમયે એક્ટિવ થતા હોય છે.
કેતકી મુનશી
1/10/2019
આપના સૂચનો સ્વીકાર્ય છે.

મેડિકલ એસ્ટ્રોલોજી સૂર્ય (ભાગ – 2)

મેડિકલ એસ્ટ્રોલોજી – સૂર્ય :-
અગાઉ ના ભાગમાં સૂર્ય ના પ્રભૂત્વ માં આવતા અંગો જેવા કે બ્રેઇન, હ્રદય, પાચનતંત્ર અને કેટલાંક સેન્સીસરી ઓર્ગન ને જોયાં. આ ઉપરાંત વિટામીન A, D તથા આયોડીન મેગ્નેશ્યમ પર પણ સૂર્ય નું પ્રભૂત્વ જોયું. તથા એને કારણે થતા રોગો ને પણ વાંચ્યા.
મેડિકલ એસ્ટ્રોલોજી માં વિવિધ ગ્રહો ને કારણે થતાં રોગો ની ચર્ચા કરી છે, પરંતુ એનો અર્થ એવો નથી કે, કુંડળી માં વીક થયેલો ગ્રહ લખેલા બધા રોગ આપશે જ. પરંતુ એમાનો કોઈ એક તો જરૂર આપે. આ જાણવા માટે કુંડળીમાં કેટલાક સ્થાનો સમજવા પડે, જેની ચર્ચા થતી હોય તે ગ્રહ સાથે ચતુર્વિદ સંબંધ ને ધ્યાનમાં રાખીને સંપૂર્ણ કુંડળી ને જોવી જરૂરી છે. દશા, અંતર દશા અને ગોચર તથા અષ્ટકવર્ગ પણ જોવા જરૂરી છે.
સૂર્ય ની સ્વરાશિ સિંહ છે, મેષ રાશિમાં સૂર્ય ઉચ્ચત્વ મેળવે છે તથા તુલામાં નીચનો થાય છે. આ ત્રણ રાશિ ઓ સૂર્ય ના રોગો ના વિચાર સમયે જોવી જરૂરી છે. કુંડળી ના 6,8,12 માં ભાવ સાથે ના સંબંધ ને જોવા જોઈએ તથા સૂર્ય જે સ્થાન નો કારક છે એ સ્થાન તથા કાળ પુરૂષ ની કુંડળી ની એ રાશિ ઓ ને ધ્યાનમાં લેવી જરૂરી છે. આ ઉપરાંત સૂર્ય ના નક્ષત્ર ને પણ ધ્યાનમાં લેવા જોઈએ.
કુંડળી માં જુદી જુદી રાશિમાં અશુભ સૂર્ય થી થતા રોગો-
સૂર્ય મેષ રાશિ માં :- સૂર્ય મેષ રાશિ માં ઉચ્ચ નો થાય છે. આ સૂર્ય અશુભ ગ્રહો થી સંબંધમાં હોય, અશુભ ભાવ માં હોય તો જાતકને માથા નો દુખાવો, હાઈ ગ્રેડ ફીવર, સેલીબ્રલ મેનીનજાઈટીસ, મગજનો તાવ, સન સ્ટ્રોક, અથવા આ જાતકો પોતાની જાતને વાતચીત દ્વારા બીજા સામે રજુ કરી શકતા નથી. બોલવા માં તકલીફ પડવી.
લોહી માં રહેલ સોડીયમ પોટેશિયમ જેવા આયનો નું ઈમ્બેલન્સ થવું. આ જાતકો માં એસિડોસીસ થવાની સંભાવના વધુ હોય છે. (કારણ કે આ જાતકો ખોરાક માં મીટ નો ઉપયોગ વધુ કરતા જોવા મળે છે). શરીર માં આલ્કલાઈન તથા એસિડ ઈમ્બેલન્સ સર્જાવાની શક્યતા ઓ ઘણી હોય છે. આવા સંજોગો માં તુલા રાશિ પણ અશુભ થયેલી જોવા મળે છે જેથી પિત્ત ને કારણે માથા નો દુખાવો તથા ટેન્શન રહે છે. હાઈપર ટેન્શન, હાઈ બ્લડ પ્રેશર જોવા મળે છે. બ્લડ માં જામી જવા માટે નું દ્રવ્ય વધુ હોવાથી સ્ટ્રોક ના ચાન્સ વધુ જોવા મળે છે.
સૂર્ય વૃષભ રાશિમાં :- એફ્લિક્ટેડ સૂર્ય વૃષભ રાશિમાં ગળા ના રોગો આપે છે. સોર થ્રોટ, ગળા માં મસા થવા તથા ડિપ્થેરિયા જેવા રોગ આપ છે.
મિથુન રાશિ માં સૂર્ય – એફ્લિક્ટેડ સૂર્ય મિથુન રાશિ માં હોય તો બ્રોકાઈટીસ, પ્લુરસી, શ્વાસ ઝડપથી લેવાવો અથવા ટુકા ટુકા શ્વાસ લેવાવા, હાથ કે આંગળીઓ માં વાગવું. ફ્રોઝન સોલ્ડર, કાંડાના હાડકા મા ક્રેક, કારપલ ટનલ જે કાડાં ના જોઈન્ટ માં થાય છે. વધુ કોમ્પ્યુટર વાપરવાથી પણ થાય છે. એ સિવાય રીઝન ઘણાં છે.
યુરેથ્રા, ફેલોપિયન ટ્યુબ જે શરીરમાં બે હોય છે. આ ટ્યુબ પર મિથુન રાશિ પ્રભૂત્વ ધરાવે છે. અશુભ સૂર્ય મિથુન રાશિ માં આ ટ્યુબ ના પ્રોબ્લેમ આપે છે.
કર્ક રાશિ માં સૂર્ય – કર્ક માં સૂર્ય હોય તેવા જાતક ને ખોરાક નું પાચન પુરતા પ્રમાણમાં થતું નથી. અપચિત ખોરાક સ્ટમક માં પડી રહે છે. બ્રેસ્ટ ના પ્રોબ્લેમ, પીચ્યુટરી ગ્લેન્ડ ની કાર્યક્ષમતા ઓછી હોય છે. તેથી સોજા રહે છે. પોટેશિયમ ની માત્રા બ્લડ માં વધવાથી પોટેશિયમ અને સોડિયમ ઇમ્બેલ્નસ રહે છે.
સિંહ રાશિ માં સૂર્ય – સિંહ રાશિ હ્રદય અને પીઠ (કરોડ) જમણી તરફનું શરીર સાથે સંકળાયેલી છે. એફ્લીક્ટેડ સૂર્ય કે સિંહ રાશિ હોય ત્યારે હ્દય, સ્પાઇનલ કોર્ડ માં ઈજા, સ્ટ્રોક આવવો, ગર્ભાવસ્થા દરમિયાન તકલીફ થઈ શકે છે.
સિંહ રાશિ સરક્યલરી સિસ્ટમ તથા હ્રદય પર પ્રભૂત્વ ધરાવે છે. આથી આ રાશિ કે સૂર્ય અશુભ ગ્રહો ના સંબંધ માં હોય તો હ્રદય રોગ થવાની શક્યતા રહે છે. ઈન્ટરનલ વેઈન માં સોજો આવવા ની શક્યતા ઓ હોય છે.
કન્યા રાશિ માં સૂર્ય – કન્યા રાશિ એબ્ડોમનના મોટા ભાગનાં અંગો પર પ્રભુત્વ ધરાવે છે. જેમાં પેન્ક્રીઆસ, ડિયોડેનમ તથા સ્પ્લિન છે. અશુભ ગ્રહ થી સંબધિત સૂર્ય કે કન્યા રાશિ ના જાતકો માં પેન્ક્રીઆસ પર અસર થવાથી બ્લડ માં (શર્કરા) સુગર લેવલ વધી જવું કે ઘટી જવાનો પ્રોબ્લેમ થતો જોવા મળે છે. ડિયોડેનમ અલ્સર જોવા મળે છે. આ જાતકો ખુબ જ ચિંતિત રહેતા હોવાથી એમને ડાયજેશન પ્રોબ્લેમ હોય છે. જો ચિંતા મુકી દે તો તકલીફ જતી પણ રહે છે.
કન્યા રાશિ એબ્ડોમન પર પ્રભુત્વ ધરાવે છે જેમાં ખોરાક કણકણ માં ફેરવાઈ તેના પર એન્ઝાઈમ વડે પ્રોસેસ થાય અને અંતિમ શરીરને ઉપયોગી પદાર્થ માં ફેરવાય છે. આ ક્રિયા અશુભ ગ્રહ ની અસર ને કારણે ખોરવાય અને અંતે રોગ ઉદ્ ભવે છે.
સૂર્ય આ રાશિમાં જાતક વધુ સોલ્ટ નો ઉપયોગ કરવા ટેવાયેલા હોઇ ડિયોડેનમ માં રહેલાં બેક્ટેરિયા નો ગ્રોથ વધે છે અંતે અલ્સર માં પરિણમે છે.
સ્પ્લિન પર પણ પ્રભૂત્વ ધરાવે છે. સ્પ્લિન ઈમ્મ્યુનીટી પ્રદાન કરે છે. (ડીટેલ અભ્યાસ અનિવાર્ય છે). સૂર્ય જો અશુભ થઈ ને કન્યા રાશિ માં હોય તો, ઈમ્મ્યુનીટી ઓછી હોવાથી
ઇન્ફેક્શન ને કારણે ટાઈફોઈડ જેવા રોગો થઈ શકે છે.
કોલાઈટીસ ફિક્વન્ટ ડાયેરીયા કોમન રોગો છે.
તુલા રાશિમાં સૂર્ય – તુલા રાશિ શરીરની વચ્ચે ના ભાગ પર પ્રભુત્વ ધરાવે છે. બે કીડની પર તુલા રાશિ નુ પ્રભૂત્વ છે. માટે એફ્લિક્ટેડ તુલા રાશિ કે તુલામાં રહેલ સૂર્ય કીડની ના રોગો જેવા કે નેફ્રાઈટીસ, બ્રાઇટ ડીસીસ આપે છે.
કીડની બ્લડ માં રહેલી અશુધ્ધિ ઓ ને ફિલ્ટર કરે છે. આમ તુલા રાશિ શરીર ને બેલેન્સ માં રાખવાનું કામ કરે છે.
સૂર્ય તુલા રાશિમાં હોય તો સ્કીન ના પ્રોબ્લેમ જેવા કે ડ્રાય સ્કીન, પેચ હોવા વગેરે. સ્ત્રી ઓ માં ઈમ્યુનીટી લો કરે છે.
વૃશ્ચિક રાશિ માં સૂર્ય – એફ્લેક્ટેડ સૂર્ય વૃશ્ચિક રાશિ માં કોન્સ્ટિપેશન જેવી પરિસ્થિતિ ઉભી કરે છે. કોન્સ્ટીપેશન એ સામાન્ય ગણાતો પરંતુ આઈસબર્ગ જેવો પ્રોબ્લેમ છે.
વૃશ્ચિક રાશિ આંતરડા નો કોલોન નો પાર્ટ છે. મસ્ક્યુલર પાર્ટ છે જેમાં મસા જોવા મળે છે જે 20-25 વર્ષ પછી કેન્સર માં પણ પરિણમી શકે છે. આ ઉપરાંત ગુદા ના ભાગ માં પાઈલ્સ જેવા રોગો હોય છે.
બ્લેડર, પ્રોસ્ટેટ ગ્લેન્ડ (પુરુષ જાતક માં) માં સોજો આવવો, એનલાર્જ થવા જેવા રોગો આપે છે. ટેસ્ટીક્યુલર કેન્સર પણ આપી શકે છે. આ બંને રોગો સામાન્ય રીતે પુરુષ જાતક માં 50 વર્ષ ની ઉંમર પછી થતા હોય છે.
સેક્સ્યુઅલી ટ્રાન્સલેટેડ ડિસીસ ની શક્યતા હોય છે. યુરીન ઇન્ફેક્શન જેવા રોગો થઈ શકે છે.
એડ્રીનલ ગ્લેન્ડ પર વૃશ્ચિક રાશિ નું પ્રભુત્વ છે. જે ઈમોશનસ પર કાબુ રાખવાનું, બ્લડપ્રેશર વધ- ઘટ પર કાબૂ યુરીન આઉટપુટ પર કાબુ રાખવાનું કાર્ય કરે છે. એફ્લીક્ટેડ સૂર્ય કે વૃશ્ચિક રાશિ એડ્રીનલ ગ્લેન્ડ સંબંધી પ્રોબ્લેમ પણ આપી શકે છે.
ધન રાશિ માં સૂર્ય – ધનુ રાશિ સાથળ, થાપા ના હાડકા બટ્કસ તથા સાએટિકા વેઈન પર પ્રભુત્વ ધરાવે છે. એફ્લિક્ટેડ સૂર્ય સાથળ ના ફ્રેક્ચર ડિસલોકેશન કે હીપ બોન માં ઘસારો, સાએટિકા વેઈનનો દુખાવો વગેરે રોગ થઈ શકે છે.
ધન રાશિ આર્ટરીસ પર પ્રભૂત્વ ધરાવે છે. એફ્લીક્ટેડ સૂર્ય કોરોનરી આર્ટરી, આર્ટરી માં ફેટ જમા થવું, હાઈ બ્લડ પ્રેશર જેવા રોગ થાય છે.
મકર રાશિમાં સૂર્ય – મકર રાશિ પોતાની ફિલિંગ એક્સપ્રેસ નથી કરી શકતી. આથી એ રિલેટેડ તકલીફ થાય છે. હાર્ટ બર્ન, ગોલ બ્લેડર સ્ટોન, ગોલબ્લેડર ઈન્ફ્લીમેશન વગેરે. મકર રાશિ ઘુંટણ , હાડકા, દાંત પર પ્રભુત્વ ધરાવે છે. ઘુંટણ ના પ્રોબ્લેમ, હાડકા ના રોગો, દાંતના રોગો ની સંભાવના હોય છે. આર્થરાઈટીસ જેવા પ્રોબ્લેમ પણ જોવા મળે છે.
કુંભ રાશિમાં સૂર્ય – ઘુંટણ થી નીચેનો એંકલ જોઈન્ટ સુધી નો શરીરનો ભાગ કુંભ રાશિ ના પ્રભૂત્વ માં આવે છે. અશુભ ગ્રહની અસર હેઠળ રહેલો સૂર્ય પગની પિંડી ના દુખાવો, નળા ના હાડકા માં ફ્રેક્ચર કે એંકલ જોઈન્ટ ના પ્રોબ્લેમ આપે છે. સ્પાઇનલ કોર્ડ નો નીચેનો ભાગ પણ કુંભ રાશિ ની અંડર માં હોઈ તેના પ્રોબ્લેમ જોવા મળે છે.
આંખ નો અંદરનાં અંગો પર કુંભ રાશિ નું પ્રભૂત્વ રહેલું છે. આંખ માં રેટિના ના રોગો, વૃધ્ધત્વ થી થતા રોગો જેવા કે મોતિયો, ગ્લુકોમા વગેરે રોગો કુંભ રાશિ કે કુંભ માં સૂર્ય અશુભ ગ્રહો ની અસર માં હોય તો જોવા મળે છે.
મીન રાશિ માં સૂર્ય – મીન રાશિ આંખ, પગના તળિયા પર પ્રભુત્વ ધરાવે છે. પરંતુ સૌથી અગત્યની વાત એ છે કે, મીન રાશિ શરીર માં આવેલી અસંખ્ય લીમ્ફ નોઈડ ગ્લેંડ પર પ્રભુત્વ ધરાવે છે. આ લીમ્ફ ગ્લેન્ડ એક બીજા સાથે જોડાએલી તથા બ્લડ ની નાની નાની કેપિલરી સાથે જોડાયેલ હોય છે. આખાય શરીરની અશુદ્ધિ ને ટ્રાન્સફર કરવાનું કાર્ય કરે છે. અશુભ ગ્રહ ની અસર માં રહેલો સૂર્ય કે રાશિ ઈમ્યુનીટી ઘટાડી વિવિધ રોગ ઉત્પન્ન કરવા કારણભૂત બને છે.
કેતકી મુનશી

.

મેડિકલ એસ્ટ્રોલોજી – સૂર્ય (ભાગ – 1)

ૐ સ: સૂર્યાય નમ:
મેડિકલ એસ્ટ્રોલોજી – સૂર્ય :-
સૂર્ય – જેને વેદે ઘણું મહત્વ આપ્યું છે. વેદોમાં સૂર્ય ને આત્મા કહ્યો છે. યજુર્વેદ માં “चक्षो सूर्यो जायत” સૂર્ય ને ભગવાનની આંખ કહ્યાં છે. સૂર્ય નું મહિમા ગાન વેદો સુધી સિમિત ન રહેતા છાંદોપ્યોપનિષદ જેવા ઉપનિષદ તથા બ્રહમવૈવર્ત પુરાણ સુધી ગવાયેલું છે.
આપણી સંસ્કૃતિ માં સૂર્ય ને દેવ ગણ્યા છે. શ્રીમદ્ ભગવદ્ ગીતા માં પણ સૂર્યને પ્રકાશ અને તેજ નો દ્યોતક કહ્યું છે. સૂર્ય થી જ બધા ગ્રહો તેજમય ભાષે છે. આજે પણ આપણે સહુ સૂર્ય નો મહિમા વૈજ્ઞાનિક રીતે જાણીએ છીએ.
સૂર્ય – ગરમ, શુષ્ક અને તામસિક છે. ક્રુર ગ્રહ માં સ્થાન મેળવે છે. સૂર્ય તેજ, ગરમાવો તથા જીવન શક્તિ નું પ્રદાન કરે છે.
સૂર્ય – પાચનતંત્ર પર પ્રભુત્વ ધરાવે છે, અને તેના થકી મળેલ પોષક તત્વો થી આપણું શરીર કાર્ય કરતું હોય છે.
તામસિક, પિત્ત પ્રકૃતિ નો ગ્રહ છે.
સૂર્ય – શરીરમાં હાડકા ને મજબૂતાઈ પ્રદાન કરે છે. શરીરનું માળખું શેઈપમાં સૂર્ય ને કારણે જ છે. આપણે સહુ જાણીએ છીએ કે, વીટામીન ડી સૂર્ય ના કૂમળા તડકામાં થી પ્રાપ્ત થાય છે.
હાડકાંનું માળખું, બંધારણ, લોહી, હોજરી, પાચન ક્રિયા માટે જરૂરી ગરમી તથા પિત્ત, હ્રદય, ગોલ બ્લેડર એટલે કે પિત્તાશય, કીડની, કરોડરજ્જુ અને કમર પર પ્રભુત્વ ધરાવે છે.
સિમ્પથેટીક નર્વસ સિસ્ટમ પર પ્રભુત્વ ધરાવે છે. જમણી આંખ સૂર્ય છે. બ્રેઈન (મગજ), શરીરનો જમણા ભાગ પર સૂર્ય નું પ્રભુત્વ છે.
સૂર્ય – આત્મા, પિતા, આનંદ, સ્વ ની ઓળખ, હીરો, છે.
સૂર્ય એટલે અંતર આત્માની ઝળહળતી જ્યોત છે. આંતરીક શક્તિ છે. હ્રદય માં રહેલ ગર્વ નો ભાવ સૂર્ય થકી જ હોય છે. મનુષ્ય માત્ર માં રહેલી ઈચ્છા શક્તિ સૂર્ય ની દેન છે.
ચયાપચય ની ક્રિયા ને અંતે ઉત્પન્ન થતી ગરમી જે શરીર ના ગ્રોથ માટે જરૂરી છે એના પર સૂર્ય નું પ્રભુત્વ છે.
Vital Immunity નો કારક સૂર્ય જ છે. વાઈટલ અંગો આપણા શરીરમાં પાંચ છે. બ્રેઈન (મગજ), હ્રદય, કીડની, લીવર તથા ફેફસાં જે ને બેક્ટેરીયા તથા વાયરસ ના ચેપ સામે બચવાની શક્તિ પ્રદાન નું કારક સૂર્ય જ છે.
સૂર્ય –
કુંડળી ના પ્રથમ ભાવ નો કારક છે. માનવ શરીરમાં બેઝીક બે ટાઈપ ની એનર્જી હોય છે. કાયનેટિક એનર્જી તથા થર્મલ એનર્જી. શરીર ના મોટાભાગના બધા જ આંતરિક બાહ્ય કાર્યો આ બે એનર્જી પર આધારિત છે.
‘યથા બ્રહ્માંડે તથા પિંડે ‘ એ વાક્ય સૂર્ય માટે સાચું છે. જે સૂર્ય બાહ્ય જગતને તેજ ગરમી જીવન આપે છે તે જ સૂર્ય ગ્રહ પણ શરીર માં અગ્નિ તત્વ નો કારક રહી સઘળાં કાર્યો કરે છે.
કાયનેટિક એનર્જી શરીરની વિવિઘ મુવમેન્ટ માટે ઉપયોગી છે.
થર્મલ એનર્જી પાચનક્રિયા, ચયાપચય ની ક્રિયા અને ટ્રાન્સફરમેશન ક્રિયા માટે ઉપયોગી છે. આ થર્મલ એનર્જી નો કારક સૂર્ય છે.
સૂર્ય શરીર ને જીવન શક્તિ પ્રદાન કરતાં તરલ પદાર્થ પર પ્રભુત્વ ધરાવે છે. આપણા પેટમાં નાભી પાસે જઠરની પાછળ નર્વસ નું મોટું ગુચળું હોય છે. તેની વચ્ચે સૂર્ય ની જેમ કેન્દ્ર હોય છે. નર્વસ નું ગુંચળુ જાણે સૂર્ય માંથી નિકળતા કિરણ જેવું ભાસે છે. જેને આપણી ભારતીય સંસ્કૃતિ માં મણિપુર ચક્ર (સોલર પ્લેક્સ) તરીકે ઓળખીએ છીએ. તરલ દ્રવ્ય બરોળ માં થી નીકળી મણિપુર ચક્ર ના ગુચળા માં થી પસાર થાય છે. જે ઈલેક્ટ્રીક સીટી ના વાયરોની જેમ કાર્ય કરી શરીરના દરેક ભાગમાં આ જીવન દ્રવ્ય પહોંચાડે છે.
સૂર્ય અશુભ ગ્રહો ની અસર હેઠળ હોય કે આવે ત્યારે ઓબ્સ્ટ્રકશન આવે છે અને જે અંગ સુધી દ્રવ્ય ના પહોંચે તે અંગ ના કાર્ય માં અડચણ થાય છે. રોગ ઉત્પન્ન થાય છે.
માટે રોગ ના નાશ માટે સૂર્ય ઠીક કરવો જરૂરી છે. ખાસ કરીને પુરુષ ની કુંડળી માં ખરાબ થયેલો સૂર્ય રોગ ને માટે કારણભૂત બને છે.
સૂર્ય હ્રદય પર પ્રભુત્વ ધરાવે છે.
સૂર્ય મીડલ બ્રેઈન માં રહેલા pons પર પ્રભુત્વ ધરાવે છે. જે મેડ્યુલા ઓબ્લોંગેટા ની ઉપર અને મીડ બ્રેઈનની વચ્ચે રહેલું છે. જે નર્વસ સિસ્ટમ અને બ્રેઈન વચ્ચે બ્રીજ છે. બ્રેઈનમાં થી મેસેજીસ લઈ થેલેમસ સુધી પહોંચાડવાનું કાર્ય કરે છે. અને આ મેસેજ ટ્રાન્સફર થઈ મગજ અને સ્પાઇનલ કોર્ડ સુધી પહોંચે છે. જેને કારણે ઠંડુ – ગરમ, સ્વાદ સ્પર્શ વગેરે ની ખબર પડે છે. આ pons પર સૂર્ય નું પ્રભુત્વ છે. આમ શરીર ના મેજર અંગો પર સૂર્ય નું પ્રભુત્વ છે.
મેષ અને સિંહ રાશિ માં શુભત્વ મેળવેલ સૂર્ય જાતકને સારૂ આરોગ્ય આપે છે. જ્યારે કુંડળીમાં અશુભ થયેલો સૂર્ય વિવિધ રોગો આપે છે. કુંડળી માં અશુભ ગ્રહ થી સંબંધિત કે નબળો સૂર્ય આંખના રોગ કે નબળી આંખ, માથાનો દુખાવો, અનિયમિત લોહી નું ભ્રમણ, હ્રદય રોગ, પાચનતંત્ર ના રોગ, મગજ નો તાવ, વધુ પડતો તાવ, મેનીનજાઈટીસ, ફ્રેક્ચર, હાડકા નું કેન્સર, બ્લડ પ્રેશર, ન્યુરાલજીયા, સ્ટ્રોક, સ્ટ્રોક પછી બોલવામાં તકલીફ, માથે ટાલ પડવી, વીક ઈમ્યુનીટી જેવા રોગો આપે છે.
કેટલાક વીટામીન્સ તથા મીનરલસ્ પર સૂર્ય આધિપત્ય ધરાવે છે.
વિટામીન A. – સૂર્ય નું આધિપત્ય છે. વિટામીન A ની કમી હોવાને કારણે પેશન્ટ માં રતાંધળાપણું, આંખ નું ડ્રાય થવું સાથે સોજો રહેવો, સ્કીન ડ્રાય થવી, ચમક વિહીન થવી,
ઓછી ઉંમરે સ્કીન પર કરચલી હોવી, ગંધ – સુગંધ ની સેન્સ ઓછી થવી જેવા લક્ષણો જોવા મળે છે.
વિટામીન D. – ડી ની ડેફીસન્સી ને કારણે હાડકા પોચા પડે છે, પગના હાડકા વાંકા થાય, કરોડ રજ્જૂ નો શેઈપ બદલાઈ જાય છે. ગોઠણ તથા એંકલ જોઈન્ટ ના રોગો બહુ જોવા મળે છે.
આયોડીન. – આયોડીન પર સૂર્ય નું આધિપત્ય છે. આયોડીન ની ખામી થી જાતકને હાઈપોથાઈરોડીઝમ થાય છે. જેમાં પેશન્ટ ડલ થાય છે. ધીરે ધીરે સોજા આવે છે. થાક લાગવો, લોહી માં હિમોગ્લોબીન ઓછુ થવું, પલ્સ રેટ ઘટવા, વિચારવાનું ધીમે, બોલવાનું, ચાલવાનું ધીરૂ થઈ જાય છે. જીવન માં થી રસ ઓછો થવો જેવી તકલીફો થાય છે.
મેગ્નેશ્યમ – સૂર્ય ના આધિપત્ય હેઠળ આવે છે. મસલસ્ માં ક્રેંપ આવવા, જર્ક આવવા, ડિપ્રેશન જોવા મળે છે. હ્રદય અચાનક ફાસ્ટ ચાલે છે અને જાતે જ નોર્મલ થાય છે. ઠંડા પાણી થી અસર થાય છે. અચાનક અંગ ટ્વિસ્ટ થવુ, શરીર પર ખણજ આવવી, અંગ ધ્રુજવા લાગવું જેવા સીમ્પટન્સ જોવા મળે છે, જે જલ્દી પકડી શકાતા નથી.
ભાગ – 2 હવે પછી
કેતકી મુનશી
1/9/2019

મેડિકલ એસ્ટ્રોલોજી – આંખ – ભાગ 2

(11) બીજા ભાવ નો અધિપતિ, કે ચંદ્ર, કે બંને જો છઠા ભાવ ના અધિપતિ સાથે ક્લોઝ કંજંક્શન માં હોય, કે પછી છઠા ભાવ ના અધિપતિ ની ડાયરેક્ટ દ્રષ્ટિ હેઠળ હોય તો જાતક આખી જીંદગી આંખ ના રોગો થી પિડાય છે. આવા જાતકે ડૉક્ટરી ચેકઅપ કરાવતા રહેવું પડે છે. તથા આખી જીંદગી ચશ્માં પહેરવા પડે છે.
(12) બીજા ભાવનો અધિપતિ કે, ચંદ્ર કે, બંને ; જો આઠમાં ભાવના અધિપતિ સાથે ક્લોઝ કંજંક્શન બનાવે, અથવા આઠમાં ભાવના અધિપતિ ની ડાયરેકટ દ્રષ્ટિ માં હોય, ત્યારે અનેસ્પેક્ટેડ રીતે આંખ ની હેલ્થ ખરાબ જોવા મળે છે.
(13) બીજા ભાવનો અધિપતિ કે, ચંદ્ર કે, બંને ; જો કુંડળી ના 12 માં ભાવના અધિપતિ સાથે યુતિ સંબંધ કે ડાયરેકટ દ્રષ્ટિ સંબંધ માં હોય તો, ડિજનરેશન ને કારણે આંખો ના વિઝન માં પ્રોબ્લેમ આવે. આ પ્રોસેસ ધીમી હોય પરંતુ લાંબાગાળાની હોય અને વિઝન ગુમાવે છે.
(14) બીજા ભાવમાં, બીજા ભાવના અધિપતિ ના અષ્ટકવર્ગના સારા બિંદુ ઓછા હોય, સર્વાષ્ટક બિંદુ ઓછા હોય તેવી પરિસ્થિતિ માં જાતક ને જન્મ થી જ આંખની તકલીફ હોય છે.
પરંતુ આવા સંજોગોમાં બીજા ભાવનો અધિપતિ ચંદ્ર રાશિ કે સૂર્ય રાશિ કરતાં વધુ બળવાન બનતો હોય તો, આગળ જતાં મેડિકલ ટ્રીટમેન્ટ થી કે દવા ઓ થી તકલીફ માંથી બહાર નીકળી શકાય છે.
(15) બીજા ભાવનો અધિપતિ ના અષ્ટકવર્ગ ના સારા બિંદુ વધારે હોય, તો જાતક ની આંખો જન્મ થી સારી હોય છે.
પરંતુ બીજા ભાવનો અધિપતિ ચંદ્ર રાશિ થી કે સૂર્ય રાશિ થી નબળો હોય તો, જાતકની આંખો ધીરે ધીરે વય વધવાની સાથે ખરાબ થતી હોય છે.
(16) બીજા ભાવના અધિપતિ ના અષ્ટકવર્ગ ના બિંદુ ઓછા હોય, આ ઉપરાંત ચંદ્ર રાશિ તથા સૂર્ય રાશિ થી પણ બીજા ભાવનો અધિપતિ નબળો હોય તો, જાતકને આ જીવન ઓછા વિઝન સાથે જીવવું પડે છે.
(17) બીજા ભાવનો અધિપતિ કે, ચંદ્ર કે, બંને ;જો મંગળ અને શનિ ની યુતિ માં હોય કે, ડાયરેકટલી દ્રષ્ટ હોય તો જાતક ની આંખો માં સર્જરી થાય છે અથવા ઘાવ પડે છે.
(18) બીજા ભાવનો અધિપતિ કે, ચંદ્ર કે, બંને જો સૂર્ય અને બુધ સાથે યુતિ સંબંધ માં હોય કે, ડાયરેકટ દ્રષ્ટિ સંબંધ માં હોય ત્યારે ; આંખો ના વિઝન માં નર્વસ સિસ્ટમ ને કારણે પ્રોબ્લેમ ઉભા થાય છે.
બીજા કેટલાંક આંખ ની તકલીફ માટે ના જનરલ કારણો :-
* શુક્ર 1 કે 8 માં ભાવમાં અશુભ ગ્રહથી દ્રષ્ટ હોય તો, આંખ માં થી સતત પાણી આવ્યા કરે છે.
* નિર્બળ ચંદ્ર, શનિ થી દ્રષ્ટ, અથવા અશુભ ગ્રહ થી દ્રષ્ટ.
* બે અશુભ ગ્રહો બીજા ભાવ માં હોય તો.
* મેષ લગ્ન માં ઉચ્ચ નો સૂર્ય હોય તો આંખ નો સોજો રહે
છે.
* મંગળ+ચંદ્ર જો 6/8/12 માં સ્થાન માં હોય તો, આંખ ના પ્રોબ્લેમ થાય છે. કેટલાક કેસ માં આંખ માંથી પાણી આવવાનાં પ્રોબ્લેમ પણ સામેલ હોય છે.
* બીજા ભાવનો અધિપતિ જો સૂર્ય, મંગળ સાથે એસોસીએટ થાય તો, જાતકની આંખ લાલ રહે છે.
* પાંચમે રાહુ હોય જે સૂર્ય થી દ્રષ્ટ હોય
* નીચ રાશિમાં ચંદ્ર 6/8 રહેલો હોય અને અશુભ ગ્રહથી દ્રષ્ટ હોય.
* સૂર્ય +શુક્ર +મંગળ કુંડળી ના કોઈપણ ભાવમાં.
* 4 અને 5 માં ભાવમાં અશુભ ગ્રહ, અને 6/8/12 માં ભાવમાં ચંદ્ર હોય.
* સૂર્ય થી બીજા ભાવે મંગળ હોય તો, આંખ નો પ્રોબ્લેમ.
સૂર્ય થી બીજે બુધ હોય તો આંખ પાસે કોઈ માર્ક, નિશાન હોય.
* સિંહ રાશિ માં શુક્ર અને શનિ આંખ ના પ્રોબ્લેમ આપી શકે છે.
* બીજા અને બારમાં ભાવના અધિપતિ શુક્ર થી 6/8/12 મેં હોય.
* સૂર્ય અને ચંદ્ર નવમા ભાવે હોય ત્યારે આંખ ની તકલીફ ની સંભાવના હોય.
આમ આપણે જોઈ શકીએ છીએ કે, ઘણાં કોમ્બિનેશન આંખ ની તકલીફ માટે જોવા મળે છે. દરેક કુંડળી ની પોતાની આગવી સ્ટોરી હોય તેવું હોય છે. અહીં લગભગ બધા જ કોમ્બિનેશન સમાવવા નો પ્રયત્ન કર્યો છે. તેમ છતાં આંખ ના કેટલાંક સ્પેશિયલ રોગો ના કોમ્બિનેશન આગળ જોઈશું.
કુંડળી માં આંખ ના કેટલાંક સિરિયસ અને સ્પેશિયલ રોગો માં ગ્રહો નું કોમ્બિનેશન :-
(1) ઝામર – ગ્લુકોમા :- આંખ ના રોગોમાં સિરિયસ રોગ તરીકે ગણના થાય છે. આ રોગ માં અચાનક આંખમાં બાહ્ય ભાગ માં રહેલાં ફ્લુઈડ નું દબાણ આંખ ના બીજા પાર્ટસ પર વધી જાય છે. જો આ પ્રેશર દૂર ના કરવામાં આવે તો, આઈ બોલ કઠણ થઈ જાય છે. અને રેટિના ને તથા ઓપ્ટિકલ નર્વસ ને નુકસાન થાય છે. અને ક્યારેક વિઝન ગુમાવવા નો વખત પણ આવે છે.
ચંદ્ર અને સૂર્ય થી 2/12 મેં ભાવે શનિ /રાહુ ની અશુભ અસર માં હોય ; નેપ્ચ્યુન વૃષભ રાશિમાં હોય કે, /કુંભ રાશિ અશુભ ગ્રહની અસર હેઠળ હોય. કુંભ રાશિ માં અશુભ ગ્રહ ની અસર થી આંતરડાનું હલનચલન ઓછું કરે છે. જેને કારણે ગ્લુકોમા / મોતિયા જેવા આંખના રોગ થતાં જોવા મળે છે.
(2) લઘુ દ્રષ્ટિ – દૂરનાં ચશ્માં – Myopia :- આ રોગ માં નજીક ની દ્રષ્ટિ સારી હોય છે પરંતુ દૂરની ચીજવસ્તુઓ ધૂંધળી, અસ્પષ્ટ દેખાય છે. સામાન્ય રીતે કેલ્શિયમ કે વિટામીન ડી ની ઉણપ થી થાય છે.
ચંદ્ર, સૂર્ય પર શનિ ની અશુભ અસર હોય.
(3) મોતિયા બિંદ – કેટરેક્ટ :- આ રોગ માં આંખ ના લેન્સ પર ક્રીસ્ટલાઈઝેશન થાય છે જેને કારણે લેન્સ ઓપેક થાય છે, ટ્રાન્સ્પરન્સી ઓછી થાય છે. જેને કારણે ચીજવસ્તુ કે સામેની વ્યક્તિ સ્પષ્ટ દેખાતી નથી.
સામાન્ય રીતે જનમાનસ માં મોતિયો મોટી ઉંમરે આવે તેમ નોંધાયેલું છે. પરંતુ
કુંડળી નો પ્રથમ તથા બીજા ભાવ નું કોમ્બિનેશન નાની ઉંમર માં મોતિયો લાવવા માટે જવાબદાર છે. જો આ બંને ભાવ ના અધિપતિ 6/8/12 સ્થાને કોઈ પણ શુભ ગ્રહની દ્રષ્ટિ વગર ના હોય, તથા પોતાની ઉચ્ચ રાશિમાં ના હોય તો, નાની ઉંમરે મોતિયો આવવાની સંભાવના રહે છે. આ સંજોગોમાં કુંભ રાશિ પણ અશુભ ગ્રહ યુક્ત કે દ્રષ્ટ હોય એવી સંભાવના વધુ હોય છે.
– શુક્ર /ગુરુ, 6/8/12 માં ભાવમાં લગ્નેશ સાથે હોય અને સૂર્ય અને ચંદ્ર થી 2/12 અશુભ ગ્રહો હોય.
– કુંભ રાશિ અશુભ ગ્રહ યુક્ત કે દ્રષ્ટ હોય.
– કર્ક લગ્ન માં સૂર્ય હોય.
– અશુભ થયેલો બુધ 2/12 માં ભાવમાં હોય તો એ પણ મોતિયો થવાની સંભાવના આપે છે.
– સૂર્ય સાથે રહેલો કેતુ 2/12 માં ભાવમાં હોય ત્યારે મોતિયા ની સર્જરી આપે છે.
– વૃષભ રાશિમાં નેપ્ચ્યુન મોતિયા માટે કારણભૂત બની શકે છે.
(4) ત્રાંસી આંખ :-
– ચંદ્ર + મંગળ 8 માં ભાવે ; સવારે જન્મ હોય.
– ચંદ્ર / મંગળ, લગ્ન માં હોય, ગુરૂ / શુક્ર થી દ્રષ્ટ હોય ત્યારે ત્રાંસી આંખ હોઈ શકે.
– મંગળ સાતમાં સ્થાને રહી ને સિંહ રાશિ માં રહેલા ચંદ્ર પર દ્રષ્ટિ હોય તથા નવમેશ, મેષ, સિંહ, વૃશ્ચિક કે મકર રાશિમાં હોય તો ત્રાંસી આંખ હોય છે.
– સૂર્ય અને ચંદ્ર 2/12 ભાવે હોય તો ત્રાંસી આંખ જોવા મળે.
– સૂર્ય અને ચંદ્ર જો વક્રી ગ્રહ સાથે જોડાયેલા હોય અને 6/12 માં ભાવે હોય ત્યારે..
(5) અંધાપો :- કોઈ ઇન્ફેક્શન ને કારણે, વૃધ્ધત્વ ને કારણે, કે એક્સિડન્ટ ને કારણે ટેમ્પરરી કે કાયમી દ્રષ્ટિ જતી રહે તેને કહે છે.
* ચંદ્ર જો સૂર્ય થી બીજે હોય અને અશુભ થયેલો હોય, જેમકે નીચત્વ પામેલો હોય તથા અશુભ ગ્રહ સાથે કે અશુભ ગ્રહ થી દ્રષ્ટ હોય.
* તુલા લગ્નની કુંડળી માં લગ્નમાં સૂર્ય હોય.
* સૂર્ય અને ચંદ્ર થી 2/12 મેં શનિ હોય, અને વૃષભ અને મીન રાશિ અશુભ બનેલી હોય ત્યારે અંધાપો હોવાની સંભાવના હોય છે.
* સૂર્ય અને શનિ, 2/12 મો ભાવ શનિ +મંગળ ની અશુભ અસર હેઠળ હોય તો જાતક દ્રષ્ટિ ગુમાવી શકે છે.
* બીજા ભાવમાં મંગળ, છઠા ભાવમાં ચંદ્ર, આઠમાં ભાવમાં સૂર્ય અને બારમાં ભાવમાં શનિ હોય તો અંધાપો હોય. અથવા સૂર્ય, ચંદ્ર, મંગળ, શનિ અનુક્રમે 2/6/8/12 માં હોય અથવા કોઈ રીતે હોય તો પણ અંધાપો આવી શકે છે. ( મોટા ભાગનાં દરેક કોમ્બિનેશન માં દશા, અંતર, પ્રત્યંતર, ગોચર નો વિચાર કરવો જોઈએ.)
* સિંહ લગ્ન ની કુંડળી માં સૂર્ય અને ચંદ્ર લગ્ન માં હોય, અને શનિ અને મંગળ થી દ્રષ્ટ હોય તો અંધાપો હોય.
પરંતુ જો શનિ અથવા મંગળ વડે દ્રષ્ટ હોય તો જન્મ પછી અંધાપો આવે.
* લગ્નમાં મંગળ અસ્ત નો હોય એટલે કે, સૂર્ય + મંગળ ની અંશાત્મક યુતિ હોય.
* શનિ, મંગળ, ચંદ્ર 6/8/12 મેં હોય.
* સૂર્ય, ચંદ્ર ; 6/8 ભાવે.
શનિ, મંગળ 6/8 ભાવે.
* ચંદ્ર 6/8 /12 મેં ભાવે હોય તથા શનિ +મંગળ કુંડળી ના કોઈ પણ ભાવમાં હોય.
* સૂર્ય અને ચંદ્ર બારમાં ભાવમાં અશુભ ગ્રહ સાથે કે, દ્રષ્ટ હોય.
* ચંદ્ર અને શુક્ર બીજા ભાવ માં અશુભ ગ્રહ સાથે કે દ્રષ્ટ હોય.
* લગ્નેશ, બીજા ભાવનો અધિપતિ અને સૂર્ય ની યુતિ – જાતક ને અંધાપો હોવાની સંભાવના હોય. (બીજા ભાવમાં હોય તો જાતક ને જન્મ થી જ અંધાપો હોઈ શકે.)
બીજા ભાવનો અધિપતિ, સૂર્ય અને ચોથા ભાવનો અધિપતિ – માતા ની આંખે અંધાપો.
એ પ્રમાણે વિચારી શકાય.
* લગ્નમાં સૂર્ય, રાહુ / કેતુ સાથે હોય અને ત્રિકોણમાં અશુભ ગ્રહ હોય.
* ચંદ્ર થી છઠે મંગળ હોય.
(6) ફ્ક્ત એક આંખ માં તકલીફ હોવી :-
* કુંડળી માં છઠા ભાવે અશુભ ગ્રહ હોય તો જમણી આંખમાં તકલીફ હોય.
આઠમાં ભાવમાં હોય તો ડાબી આંખમાં તકલીફ હોય.
* ચંદ્ર અથવા મંગળ પ્રથમ ભાવ માં હોય અને શુક્ર કે ગુરુ થી દ્રષ્ટ હોય.
* 2/6/10 મો ભાવ નો અધિપતિ નો શુક્ર સાથે સંબંધ થયો હોય,( યુતિ કે દ્રષ્ટિ કે પરિવર્તન વગેરે રીતે થયો હોય) અને એ શુક્ર લગ્ન માં હોય ત્યારે એક આંખ ની તકલીફ હોય છે.
* મકર લગ્નની કુંડળી માં ચંદ્ર સાતમે કર્ક રાશિમાં હોય,
કુંભ લગ્ન ની કુંડળી માં ચંદ્ર સાતમે સિંહ રાશિ માં હોય, અને મંગળ થી દ્રષ્ટ હોય ( મંગળ 1,4,12).
* સૂર્ય, લગ્ન માં કે 7 માં ભાવે હોય શનિ થી દ્રષ્ટ હોય તો જાતક ધીમે ધીમે જમણી આંખ નુ વિઝન ગુમાવે છે.
* સૂર્ય + રાહુ કે સૂર્ય + મંગળ જો લગ્નમાં કે, 7 માં સ્થાન માં હોય અને શનિ થી દ્રષ્ટ હોય તો ડાબી આંખ નો રોગ દર્શાવે છે.
* સૂર્ય, ચંદ્ર 6/12 માં હોય ત્યારે. પત્ની ને પણ એક આંખ હોઈ શકે છે.
* સૂર્ય /ચંદ્ર 2/8 માં હોય તો જમણી આંખ ત્રાંસી હોય.
* સૂર્ય + શનિ નવમે હોય કોઈ પણ શુભ ગ્રહ ની અસર ના હોય તો ડાબી આંખ ત્રાંસી હોય.
સિંહ લગ્ન માં સૂર્ય હોય અને શનિ + મંગળ થી દ્રષ્ટ હોય તો જમણી આંખ ત્રાંસી હોય.
* બારમાં ભાવે મંગળ ડાબી આંખે, શનિ બીજે જમણી આંખે તકલીફ.
(7) જન્મથી અંધાપો :-
* લગ્નેશ, બીજા ભાવનો અધિપતિ અને સૂર્ય બીજા ભાવે હોય.
* લગ્નેશ, શુક્ર અને સૂર્ય ની યુતિ ; 6/8/12 મેં ભાવે હોય.
* લગ્નેશ, ધનેશ, દ્વાદશેશ અને શુક્ર ને યુતિ 6/8/12 મેં હોય.
* ગ્રહણ નો જન્મ હોય, શનિ નીચનો તથા અસ્તનો હોય.
રતાંધળાપણું – નાઈટ બ્લાઈન્ડનેસ :-
* સૂર્ય અને ચંદ્ર બીજા ભાવમાં.
* શુક્ર અને મંગળ સાતમે હોય અને એના પર અશુભ ગ્રહની દ્રષ્ટિ હોય ત્યારે.
* સિંહ લગ્નમાં સૂર્ય લગ્નમાં.
* બીજા ભાવનો અધિપતિ, શુક્ર અને ચંદ્ર સાથે લગ્નમાં.
(8) કલર બ્લાઈન્ડનેસ – રંગંધત્વ :-
કેટલીક વ્યક્તિઓ બે અલગ અલગ રંગને જુદા કરવા અસમર્થ હોય છે. જેને રંગંધત્વ કહે છે.
* જ્યારે શુક્ર અને વૃષભ રાશિ બહુ અશુભ ગ્રહોની અસર હેઠળ હોય ખાસ કરી ને શનિ જેવા ગ્રહ ની ત્યારે આવો રોગ જોવા મળે છે.
આમ ખાસ કરીને બીજો, બારમો અને વૃષભ રાશિ અશુભ ગ્રહોની અસર હેઠળ હોય ત્યારે કોઈ ને કોઈ આંખ સંબંધી પ્રોબ્લેમ આવવાની શક્યતા રહે છે.
કેતકી મુનશી

મેડિકલ એસ્ટ્રોલોજી – આંખ -ભાગ – 2

(11) બીજા ભાવ નો અધિપતિ, કે ચંદ્ર, કે બંને જો છઠા ભાવ ના અધિપતિ સાથે ક્લોઝ કંજંક્શન માં હોય, કે પછી છઠા ભાવ ના અધિપતિ ની ડાયરેક્ટ દ્રષ્ટિ હેઠળ હોય તો જાતક આખી જીંદગી આંખ ના રોગો થી પિડાય છે. આવા જાતકે ડૉક્ટરી ચેકઅપ કરાવતા રહેવું પડે છે. તથા આખી જીંદગી ચશ્માં પહેરવા પડે છે.
(12) બીજા ભાવનો અધિપતિ કે, ચંદ્ર કે, બંને ; જો આઠમાં ભાવના અધિપતિ સાથે ક્લોઝ કંજંક્શન બનાવે, અથવા આઠમાં ભાવના અધિપતિ ની ડાયરેકટ દ્રષ્ટિ માં હોય, ત્યારે અનેસ્પેક્ટેડ રીતે આંખ ની હેલ્થ ખરાબ જોવા મળે છે.
(13) બીજા ભાવનો અધિપતિ કે, ચંદ્ર કે, બંને ; જો કુંડળી ના 12 માં ભાવના અધિપતિ સાથે યુતિ સંબંધ કે ડાયરેકટ દ્રષ્ટિ સંબંધ માં હોય તો, ડિજનરેશન ને કારણે આંખો ના વિઝન માં પ્રોબ્લેમ આવે. આ પ્રોસેસ ધીમી હોય પરંતુ લાંબાગાળાની હોય અને વિઝન ગુમાવે છે.
(14) બીજા ભાવમાં, બીજા ભાવના અધિપતિ ના અષ્ટકવર્ગના સારા બિંદુ ઓછા હોય, સર્વાષ્ટક બિંદુ ઓછા હોય તેવી પરિસ્થિતિ માં જાતક ને જન્મ થી જ આંખની તકલીફ હોય છે.
પરંતુ આવા સંજોગોમાં બીજા ભાવનો અધિપતિ ચંદ્ર રાશિ કે સૂર્ય રાશિ કરતાં વધુ બળવાન બનતો હોય તો, આગળ જતાં મેડિકલ ટ્રીટમેન્ટ થી કે દવા ઓ થી તકલીફ માંથી બહાર નીકળી શકાય છે.
(15) બીજા ભાવનો અધિપતિ ના અષ્ટકવર્ગ ના સારા બિંદુ વધારે હોય, તો જાતક ની આંખો જન્મ થી સારી હોય છે.
પરંતુ બીજા ભાવનો અધિપતિ ચંદ્ર રાશિ થી કે સૂર્ય રાશિ થી નબળો હોય તો, જાતકની આંખો ધીરે ધીરે વય વધવાની સાથે ખરાબ થતી હોય છે.
(16) બીજા ભાવના અધિપતિ ના અષ્ટકવર્ગ ના બિંદુ ઓછા હોય, આ ઉપરાંત ચંદ્ર રાશિ તથા સૂર્ય રાશિ થી પણ બીજા ભાવનો અધિપતિ નબળો હોય તો, જાતકને આ જીવન ઓછા વિઝન સાથે જીવવું પડે છે.
(17) બીજા ભાવનો અધિપતિ કે, ચંદ્ર કે, બંને ;જો મંગળ અને શનિ ની યુતિ માં હોય કે, ડાયરેકટલી દ્રષ્ટ હોય તો જાતક ની આંખો માં સર્જરી થાય છે અથવા ઘાવ પડે છે.
(18) બીજા ભાવનો અધિપતિ કે, ચંદ્ર કે, બંને જો સૂર્ય અને બુધ સાથે યુતિ સંબંધ માં હોય કે, ડાયરેકટ દ્રષ્ટિ સંબંધ માં હોય ત્યારે ; આંખો ના વિઝન માં નર્વસ સિસ્ટમ ને કારણે પ્રોબ્લેમ ઉભા થાય છે.
બીજા કેટલાંક આંખ ની તકલીફ માટે ના જનરલ કારણો :-
* શુક્ર 1 કે 8 માં ભાવમાં અશુભ ગ્રહથી દ્રષ્ટ હોય તો, આંખ માં થી સતત પાણી આવ્યા કરે છે.
* નિર્બળ ચંદ્ર, શનિ થી દ્રષ્ટ, અથવા અશુભ ગ્રહ થી દ્રષ્ટ.
* બે અશુભ ગ્રહો બીજા ભાવ માં હોય તો.
* મેષ લગ્ન માં ઉચ્ચ નો સૂર્ય હોય તો આંખ નો સોજો રહે
છે.
* મંગળ+ચંદ્ર જો 6/8/12 માં સ્થાન માં હોય તો, આંખ ના પ્રોબ્લેમ થાય છે. કેટલાક કેસ માં આંખ માંથી પાણી આવવાનાં પ્રોબ્લેમ પણ સામેલ હોય છે.
* બીજા ભાવનો અધિપતિ જો સૂર્ય, મંગળ સાથે એસોસીએટ થાય તો, જાતકની આંખ લાલ રહે છે.
* પાંચમે રાહુ હોય જે સૂર્ય થી દ્રષ્ટ હોય
* નીચ રાશિમાં ચંદ્ર 6/8 રહેલો હોય અને અશુભ ગ્રહથી દ્રષ્ટ હોય.
* સૂર્ય +શુક્ર +મંગળ કુંડળી ના કોઈપણ ભાવમાં.
* 4 અને 5 માં ભાવમાં અશુભ ગ્રહ, અને 6/8/12 માં ભાવમાં ચંદ્ર હોય.
* સૂર્ય થી બીજા ભાવે મંગળ હોય તો, આંખ નો પ્રોબ્લેમ.
સૂર્ય થી બીજે બુધ હોય તો આંખ પાસે કોઈ માર્ક, નિશાન હોય.
* સિંહ રાશિ માં શુક્ર અને શનિ આંખ ના પ્રોબ્લેમ આપી શકે છે.
* બીજા અને બારમાં ભાવના અધિપતિ શુક્ર થી 6/8/12 મેં હોય.
* સૂર્ય અને ચંદ્ર નવમા ભાવે હોય ત્યારે આંખ ની તકલીફ ની સંભાવના હોય.
આમ આપણે જોઈ શકીએ છીએ કે, ઘણાં કોમ્બિનેશન આંખ ની તકલીફ માટે જોવા મળે છે. દરેક કુંડળી ની પોતાની આગવી સ્ટોરી હોય તેવું હોય છે. અહીં લગભગ બધા જ કોમ્બિનેશન સમાવવા નો પ્રયત્ન કર્યો છે. તેમ છતાં આંખ ના કેટલાંક સ્પેશિયલ રોગો ના કોમ્બિનેશન આગળ જોઈશું.
કુંડળી માં આંખ ના કેટલાંક સિરિયસ અને સ્પેશિયલ રોગો માં ગ્રહો નું કોમ્બિનેશન :-
(1) ઝામર – ગ્લુકોમા :- આંખ ના રોગોમાં સિરિયસ રોગ તરીકે ગણના થાય છે. આ રોગ માં અચાનક આંખમાં બાહ્ય ભાગ માં રહેલાં ફ્લુઈડ નું દબાણ આંખ ના બીજા પાર્ટસ પર વધી જાય છે. જો આ પ્રેશર દૂર ના કરવામાં આવે તો, આઈ બોલ કઠણ થઈ જાય છે. અને રેટિના ને તથા ઓપ્ટિકલ નર્વસ ને નુકસાન થાય છે. અને ક્યારેક વિઝન ગુમાવવા નો વખત પણ આવે છે.
ચંદ્ર અને સૂર્ય થી 2/12 મેં ભાવે શનિ /રાહુ ની અશુભ અસર માં હોય ; નેપ્ચ્યુન વૃષભ રાશિમાં હોય કે, /કુંભ રાશિ અશુભ ગ્રહની અસર હેઠળ હોય. કુંભ રાશિ માં અશુભ ગ્રહ ની અસર થી આંતરડાનું હલનચલન ઓછું કરે છે. જેને કારણે ગ્લુકોમા / મોતિયા જેવા આંખના રોગ થતાં જોવા મળે છે.
(2) લઘુ દ્રષ્ટિ – દૂરનાં ચશ્માં – Myopia :- આ રોગ માં નજીક ની દ્રષ્ટિ સારી હોય છે પરંતુ દૂરની ચીજવસ્તુઓ ધૂંધળી, અસ્પષ્ટ દેખાય છે. સામાન્ય રીતે કેલ્શિયમ કે વિટામીન ડી ની ઉણપ થી થાય છે.
ચંદ્ર, સૂર્ય પર શનિ ની અશુભ અસર હોય.
(3) મોતિયા બિંદ – કેટરેક્ટ :- આ રોગ માં આંખ ના લેન્સ પર ક્રીસ્ટલાઈઝેશન થાય છે જેને કારણે લેન્સ ઓપેક થાય છે, ટ્રાન્સ્પરન્સી ઓછી થાય છે. જેને કારણે ચીજવસ્તુ કે સામેની વ્યક્તિ સ્પષ્ટ દેખાતી નથી.
સામાન્ય રીતે જનમાનસ માં મોતિયો મોટી ઉંમરે આવે તેમ નોંધાયેલું છે. પરંતુ
કુંડળી નો પ્રથમ તથા બીજા ભાવ નું કોમ્બિનેશન નાની ઉંમર માં મોતિયો લાવવા માટે જવાબદાર છે. જો આ બંને ભાવ ના અધિપતિ 6/8/12 સ્થાને કોઈ પણ શુભ ગ્રહની દ્રષ્ટિ વગર ના હોય, તથા પોતાની ઉચ્ચ રાશિમાં ના હોય તો, નાની ઉંમરે મોતિયો આવવાની સંભાવના રહે છે. આ સંજોગોમાં કુંભ રાશિ પણ અશુભ ગ્રહ યુક્ત કે દ્રષ્ટ હોય એવી સંભાવના વધુ હોય છે.
– શુક્ર /ગુરુ, 6/8/12 માં ભાવમાં લગ્નેશ સાથે હોય અને સૂર્ય અને ચંદ્ર થી 2/12 અશુભ ગ્રહો હોય.
– કુંભ રાશિ અશુભ ગ્રહ યુક્ત કે દ્રષ્ટ હોય.
– કર્ક લગ્ન માં સૂર્ય હોય.
– અશુભ થયેલો બુધ 2/12 માં ભાવમાં હોય તો એ પણ મોતિયો થવાની સંભાવના આપે છે.
– સૂર્ય સાથે રહેલો કેતુ 2/12 માં ભાવમાં હોય ત્યારે મોતિયા ની સર્જરી આપે છે.
– વૃષભ રાશિમાં નેપ્ચ્યુન મોતિયા માટે કારણભૂત બની શકે છે.
(4) ત્રાંસી આંખ :-
– ચંદ્ર + મંગળ 8 માં ભાવે ; સવારે જન્મ હોય.
– ચંદ્ર / મંગળ, લગ્ન માં હોય, ગુરૂ / શુક્ર થી દ્રષ્ટ હોય ત્યારે ત્રાંસી આંખ હોઈ શકે.
– મંગળ સાતમાં સ્થાને રહી ને સિંહ રાશિ માં રહેલા ચંદ્ર પર દ્રષ્ટિ હોય તથા નવમેશ, મેષ, સિંહ, વૃશ્ચિક કે મકર રાશિમાં હોય તો ત્રાંસી આંખ હોય છે.
– સૂર્ય અને ચંદ્ર 2/12 ભાવે હોય તો ત્રાંસી આંખ જોવા મળે.
– સૂર્ય અને ચંદ્ર જો વક્રી ગ્રહ સાથે જોડાયેલા હોય અને 6/12 માં ભાવે હોય ત્યારે..
(5) અંધાપો :- કોઈ ઇન્ફેક્શન ને કારણે, વૃધ્ધત્વ ને કારણે, કે એક્સિડન્ટ ને કારણે ટેમ્પરરી કે કાયમી દ્રષ્ટિ જતી રહે તેને કહે છે.
* ચંદ્ર જો સૂર્ય થી બીજે હોય અને અશુભ થયેલો હોય, જેમકે નીચત્વ પામેલો હોય તથા અશુભ ગ્રહ સાથે કે અશુભ ગ્રહ થી દ્રષ્ટ હોય.
* તુલા લગ્નની કુંડળી માં લગ્નમાં સૂર્ય હોય.
* સૂર્ય અને ચંદ્ર થી 2/12 મેં શનિ હોય, અને વૃષભ અને મીન રાશિ અશુભ બનેલી હોય ત્યારે અંધાપો હોવાની સંભાવના હોય છે.
* સૂર્ય અને શનિ, 2/12 મો ભાવ શનિ +મંગળ ની અશુભ અસર હેઠળ હોય તો જાતક દ્રષ્ટિ ગુમાવી શકે છે.
* બીજા ભાવમાં મંગળ, છઠા ભાવમાં ચંદ્ર, આઠમાં ભાવમાં સૂર્ય અને બારમાં ભાવમાં શનિ હોય તો અંધાપો હોય. અથવા સૂર્ય, ચંદ્ર, મંગળ, શનિ અનુક્રમે 2/6/8/12 માં હોય અથવા કોઈ રીતે હોય તો પણ અંધાપો આવી શકે છે. ( મોટા ભાગનાં દરેક કોમ્બિનેશન માં દશા, અંતર, પ્રત્યંતર, ગોચર નો વિચાર કરવો જોઈએ.)
* સિંહ લગ્ન ની કુંડળી માં સૂર્ય અને ચંદ્ર લગ્ન માં હોય, અને શનિ અને મંગળ થી દ્રષ્ટ હોય તો અંધાપો હોય.
પરંતુ જો શનિ અથવા મંગળ વડે દ્રષ્ટ હોય તો જન્મ પછી અંધાપો આવે.
* લગ્નમાં મંગળ અસ્ત નો હોય એટલે કે, સૂર્ય + મંગળ ની અંશાત્મક યુતિ હોય.
* શનિ, મંગળ, ચંદ્ર 6/8/12 મેં હોય.
* સૂર્ય, ચંદ્ર ; 6/8 ભાવે.
શનિ, મંગળ 6/8 ભાવે.
* ચંદ્ર 6/8 /12 મેં ભાવે હોય તથા શનિ +મંગળ કુંડળી ના કોઈ પણ ભાવમાં હોય.
* સૂર્ય અને ચંદ્ર બારમાં ભાવમાં અશુભ ગ્રહ સાથે કે, દ્રષ્ટ હોય.
* ચંદ્ર અને શુક્ર બીજા ભાવ માં અશુભ ગ્રહ સાથે કે દ્રષ્ટ હોય.
* લગ્નેશ, બીજા ભાવનો અધિપતિ અને સૂર્ય ની યુતિ – જાતક ને અંધાપો હોવાની સંભાવના હોય. (બીજા ભાવમાં હોય તો જાતક ને જન્મ થી જ અંધાપો હોઈ શકે.)
બીજા ભાવનો અધિપતિ, સૂર્ય અને ચોથા ભાવનો અધિપતિ – માતા ની આંખે અંધાપો.
એ પ્રમાણે વિચારી શકાય.
* લગ્નમાં સૂર્ય, રાહુ / કેતુ સાથે હોય અને ત્રિકોણમાં અશુભ ગ્રહ હોય.
* ચંદ્ર થી છઠે મંગળ હોય.
(6) ફ્ક્ત એક આંખ માં તકલીફ હોવી :-
* કુંડળી માં છઠા ભાવે અશુભ ગ્રહ હોય તો જમણી આંખમાં તકલીફ હોય.
આઠમાં ભાવમાં હોય તો ડાબી આંખમાં તકલીફ હોય.
* ચંદ્ર અથવા મંગળ પ્રથમ ભાવ માં હોય અને શુક્ર કે ગુરુ થી દ્રષ્ટ હોય.
* 2/6/10 મો ભાવ નો અધિપતિ નો શુક્ર સાથે સંબંધ થયો હોય,( યુતિ કે દ્રષ્ટિ કે પરિવર્તન વગેરે રીતે થયો હોય) અને એ શુક્ર લગ્ન માં હોય ત્યારે એક આંખ ની તકલીફ હોય છે.
* મકર લગ્નની કુંડળી માં ચંદ્ર સાતમે કર્ક રાશિમાં હોય,
કુંભ લગ્ન ની કુંડળી માં ચંદ્ર સાતમે સિંહ રાશિ માં હોય, અને મંગળ થી દ્રષ્ટ હોય ( મંગળ 1,4,12).
* સૂર્ય, લગ્ન માં કે 7 માં ભાવે હોય શનિ થી દ્રષ્ટ હોય તો જાતક ધીમે ધીમે જમણી આંખ નુ વિઝન ગુમાવે છે.
* સૂર્ય + રાહુ કે સૂર્ય + મંગળ જો લગ્નમાં કે, 7 માં સ્થાન માં હોય અને શનિ થી દ્રષ્ટ હોય તો ડાબી આંખ નો રોગ દર્શાવે છે.
* સૂર્ય, ચંદ્ર 6/12 માં હોય ત્યારે. પત્ની ને પણ એક આંખ હોઈ શકે છે.
* સૂર્ય /ચંદ્ર 2/8 માં હોય તો જમણી આંખ ત્રાંસી હોય.
* સૂર્ય + શનિ નવમે હોય કોઈ પણ શુભ ગ્રહ ની અસર ના હોય તો ડાબી આંખ ત્રાંસી હોય.
સિંહ લગ્ન માં સૂર્ય હોય અને શનિ + મંગળ થી દ્રષ્ટ હોય તો જમણી આંખ ત્રાંસી હોય.
* બારમાં ભાવે મંગળ ડાબી આંખે, શનિ બીજે જમણી આંખે તકલીફ.
(7) જન્મથી અંધાપો :-
* લગ્નેશ, બીજા ભાવનો અધિપતિ અને સૂર્ય બીજા ભાવે હોય.
* લગ્નેશ, શુક્ર અને સૂર્ય ની યુતિ ; 6/8/12 મેં ભાવે હોય.
* લગ્નેશ, ધનેશ, દ્વાદશેશ અને શુક્ર ને યુતિ 6/8/12 મેં હોય.
* ગ્રહણ નો જન્મ હોય, શનિ નીચનો તથા અસ્તનો હોય.
રતાંધળાપણું – નાઈટ બ્લાઈન્ડનેસ :-
* સૂર્ય અને ચંદ્ર બીજા ભાવમાં.
* શુક્ર અને મંગળ સાતમે હોય અને એના પર અશુભ ગ્રહની દ્રષ્ટિ હોય ત્યારે.
* સિંહ લગ્નમાં સૂર્ય લગ્નમાં.
* બીજા ભાવનો અધિપતિ, શુક્ર અને ચંદ્ર સાથે લગ્નમાં.
(8) કલર બ્લાઈન્ડનેસ – રંગંધત્વ :-
કેટલીક વ્યક્તિઓ બે અલગ અલગ રંગને જુદા કરવા અસમર્થ હોય છે. જેને રંગંધત્વ કહે છે.
* જ્યારે શુક્ર અને વૃષભ રાશિ બહુ અશુભ ગ્રહોની અસર હેઠળ હોય ખાસ કરી ને શનિ જેવા ગ્રહ ની ત્યારે આવો રોગ જોવા મળે છે.
આમ ખાસ કરીને બીજો, બારમો અને વૃષભ રાશિ અશુભ ગ્રહોની અસર હેઠળ હોય ત્યારે કોઈ ને કોઈ આંખ સંબંધી પ્રોબ્લેમ આવવાની શક્યતા રહે છે.
કેતકી મુનશી