વૃશ્ચિક લગ્ન :

શ્રી ગણેશાય નમ :
શ્રી સરસ્વતેય નમ:
વૃશ્ચિક લગ્ન :
આજે વાત કરીશું વૃશ્ચિક લગ્નની :
કુંડળીના પહેલાં ખાનામાં જો ૮ અંક લખાયેલો હોય તો, જન્મ સમયે રાશિમંડળની ૮મી રાશિ જેને વૃશ્ચિક રાશિ થી જાણીએ છીએ એ વૃશ્ચિક રાશિ પૂર્વ દિશામાં ઉદિત હતી એમ કહેવાય છે.
વૃશ્ચિક લગ્ન માં જન્મેલા જાતકોનો દેખાવ, સ્વભાવ અને ગુણ-લક્ષણો :
વૃશ્ચિક રાશિ એટલે રાશિમંડળની ૮ મી રાશિ. નૈસર્ગિક કુંડળી કે કાળપુરુષની કુંડળીમાં તેનું સ્થાન ૮ માં ભાવ પર આવે.
જન્મ કુંડળી મા અષ્ઠમ ભાવ થી કેટલીક ખાસ બાબતો નો વિચાર કરાય છે. જેવી કે,
1) આયુષ્ય, (2) આકસ્મિકતા, (3) સંઘર્ષ, (4) ઓકલ્ટ નોલેજ જેવા કે તંત્ર મંત્ર, જ્યોતિષ, (5) ભૂતકાળના, ગતજન્મના નેગેટીવ કર્મનો હિસાબ, (6) ગુપ્તતા, રહસ્યો, (7) અંધકાર (8) રિસર્ચ.
(આ ઉપરાંત ઘણી બાબતો આઠમાં ભાવ સાથે સંકળાયેલ છે પણ અહીં તે અસ્થાને છે)
વૃશ્ચિક રાશિ સ્થિર રાશિ છે. જળતત્વની સ્થિર રાશિ. અહીં જળ સ્થિરત્વ પામેલું છે. અંધકારમય જગ્યા એ છે, એટલે કે કૂવા ના નીર સાથે સંકળાવી શકાય. જ્ઞાન ને એકત્ર કરવાનો સ્વભાવ. જ્ઞાન નો ભંડાર છે. વસ્તુ – પરિસ્થિતિ ના ઊંડાણ સુધી જઈને રહસ્ય પામવાની વૃત્તિના હોય છે. રિસર્ચ વૃત્તિ ધરાવે છે. સારા ડિટેક્ટિવ, વૈજ્ઞાાનિક ના લક્ષણો ધરાવે છે.
સ્થિર જળ – કૂવો = ગુપ્તતા = આંતરિક સીક્રેટસ
અંધકાર, પૂર્વગ્રહો યુક્ત, કપટી અને ડીટરમીનેશનવાળા હોય છે.

વિપ્ર વર્ણ ની રાશિ હોવાથી બ્રાહ્મણ જેવા કાર્યો કરે છે. પૂજા-પાઠ, વેદો, જ્યોતિષ નો અભ્યાસ અને સંશોધન ક્ષેત્રે પણ આગળ જવામાં રસ ધરાવતા હોય છે. આ લગ્ન માં જન્મેલા ભાગ્યે જ નાસ્તિક જોવા મળે છે.
વૃશ્ચિક રાશિ સમ રાશિ છે. બેકી રાશિ માટે સ્ત્રી સ્વભાવ ની રાશિ છે.
વૃશ્ચિક રાશિ નો અધિપતિ મંગળ છે.
મંગળ પુરુષ ગ્રહ છે. સ્વભાવે ક્રુર ગ્રહ, તામસી ગ્રહ છે.
મંગળ લડાયકવૃત્તિનો, સાહસ, હિંમત નો કારક, યુધ્ધ માટે શસ્ત્રો થી યુક્ત, સંઘર્ષરત રહેનાર ગ્રહ છે. જ્યારે વૃશ્ચિક રાશિ સ્ત્રી રાશિ હોઈ અહીં મંગળ નો એક્ટિવ એગ્રેસીવ સ્વભાવ પેસિવ બની જાય છે. જેને કારણે યુધ્ધખોરી, સામે વાર કરવો લડાઈમાં ઉતરી પડવું જેવા મેષ રાશિ ના ગુણધર્મો પર બ્રેક વાગે છે. જે કટુ આલોચના, નિંદા કરવી, કે પરદોષ જોવામાં પરિવર્તિત થયેલું જોવા મળે છે.
આ જાતકો સામે લડાઈ કરવાને બદલે બદલો લેવાની ભાવનાવાળા હોય છે. સીસ્ટમેટિક પ્લાન ઘડી ને દુશ્મન ને હરાવે છે. છુપી રીતે બદલો લે છે.
જો મંગળ સારી સ્થિતિ માં ના હોય તો, જાતક જાતને નુકસાન પહોંચે તેવા કાર્યો કરે છે. કેટલીક વાર પ્રયોગાત્મક રીતે પણ નશા તરફ પ્રેરાય છે. ( કોઈ પણ જાતનાં નશિલા પદાર્થો નું સેવન કરવું વગેરે.)
વૃશ્ચિક રાશિ નું ચિન્હ વીંછી છે. વીંછી અંધકાર માં, સિક્રેટ દરમાં રહે. આઈસોલેટેડ જીવે છે. વીંછી ને છંછેડો તો જ એટેક કરે , ડંખ મારે. એકંદરે વૃશ્ચિક લગ્ન ના જાતક શાંતિ અને એકલતા ના ચાહક હોય છે.
વૃશ્ચિક રાશિ નો અધિપતિ મંગળ ગ્રહ છે. મંગળના નૈસર્ગિક મિત્રો માં સૂર્ય, ચંદ્ર એને ગુરુ આવે છે.
વૃશ્ચિક લગ્નની કુંડળી મા સૂર્ય ની રાશિ ‘સિંહ’ દસમ ભાવમાં સ્થિત હોય છે.
સૂર્ય :
સૂર્ય ઓથોરિટી, ગવર્નમેન્ટ, પાવર અને રાજકારણ નો દ્યોતક છે. સૂર્ય મેષ રાશિ માં ઉચ્ચત્વ તથા તુલા રાશિમાં નીચત્વ પામે છે.
વૃશ્ચિક લગ્ન માં મેષ રાશિ છઠ્ઠે ભાવે છે, જેથી આ લગ્ન માં સૂર્ય છઠ્ઠા ભાવે ઉચ્ચનો થાય છે. આ જાતકો ગવર્નમેન્ટ માં સેવા આપી શકે છે. સૂર્ય જીવનતત્વનો કારક હોઈ છઠ્ઠે ઉચ્ચ નો બનીને બેઠેલો સૂર્ય જાતકને સર્જન કે વકીલ બનાવે છે. અથવા મેડીકલ ક્ષેત્રે પણ લઈ જવા કારણભૂત બને છે.
આ જાતકોમાં રહેલી ફાઈટીંગ સ્પિરિટ આદરને પાત્ર હોય છે. સતત સંઘર્ષ અને લડત ને અંતે વિજયી જરૂર બને છે.
જીવનમાં આવતી દરેક ચેલેન્જ ને સ્વીકારી ને તેમાં વિજયી થવા માટે સંઘર્ષ કરવામા આનંદ અનુભવે છે. તુલા રાશિ બારમાં ભાવે રહેલી છે. બારમો ભાવ પરદેશનો ભાવ છે. સૂર્ય તુલા રાશિમાં નીચનો થતો હોવાને કારણે પરદેશ માં શોષણનો ભોગ બને છે.
ગુરુ :
વૃશ્ચિક લગ્ન માં બીજા ભાવે ધન રાશિ આવે છે. બીજો ભાવ કુટુંબ ભાવ, ધન ભાવ ગણાય છે.
બીજા ભાવમાં આવતી ધન રાશિ નો અધિપતિ ગુરુ છે. માટે વૃશ્ચિક લગ્ન ના જાતકો ના કુટુંબીજનો (માતા-પિતા) ઉચ્ચ અભ્યાસ કરેલા હોઈ શકે છે. ગુરુની બીજી રાશિ પાંચમા ભાવમાં હોય છે.
ગુરુ કર્ક રાશિમાં ઉચ્ચત્વ મેળવે છે, કર્ક રાશિ નવમા ભાવમાં રહેલી છે. જ્યારે ગુરુ મકર રાશિમાં નીચત્વ પામે છે, વૃશ્ચિક લગ્ન માં મકર રાશિ ત્રીજા ભાવમાં રહેલી છે.
બીજા તથા પાંચમા સ્થાનના અધિપતિ ગુરુ આ લગ્ન મા વેલ્થનો કારક બને છે. આ લગ્ન ના જાતકો સમૃધ્ધ હોય છે.
બીજા કુટુંબ ભાવનો અધિપતિ નવમા ભાવે ઉચ્ચ નો થતો હોવાથી જાતકનું કુટુંબ ધર્મ માં માનનારું, તથા ગુરુ, બ્રાહ્મણ ની સેવા કરનારું હોય છે. સોશ્યલ વર્ક કે ધાર્મિક કાર્યો કરનારું હોય છે.
વૃશ્ચિક લગ્ન માં પાંચમા ભાવમાં મીન રાશિ રહેલી હોય છે. પાંચમો ભાવ સંતાન ભાવ, ક્રીએટીવીટી નો ભાવ તથા શેર બજાર નો ભાવ ગણાય છે.
વૃશ્ચિક લગ્ન ના જાતકો ચેરીટી મા માને છે. કારણકે પાંચમા ભાવમાં મીન રાશિ છે. જેનો અધિપતિ ગુરુ નવમા ધર્મ ભાવમાં કર્ક રાશિમાં ઉચ્ચ નો થાય છે.
પાંચમો ભાવ સંતાન ભાવ તથા ક્રીએટીવીટી નો છે. જાતક પોતાના બાળકને કોઈપણ પ્રકારની ક્રીએટીવીટી માટે પુરતો અવકાશ આપે છે. આ જાતકો ઓપન માઈન્ડના હોય છે.
જાતક પોતે સ્પિરીચ્યુઅલી ક્રીએટીવીટી બતાવી શકે છે.
પાંચમો ભાવ શેર બજાર નો, બીજો ભાવ ધન, કુટુંબ નો. બંને નો અધિપતિ ગુરુ છે. આ જાતકો શેર બજાર માં રોકાણ કરતાં હોય છે. પોતાની કૌટુંબિક સંપત્તિ ને શેર માર્કેટ માં રોકતા હોય છે.
ચંદ્ર :
વૃશ્ચિક લગ્ન માં ચંદ્ર ની રાશિ કર્ક નવમા ભાવે રહેલી છે. ચંદ્ર, માતાનો કારક ગણાય છે. મનનો કારક ગણાય છે.
ચંદ્ર ઉચ્ચ નો વૃષભ રાશિમાં થાય, જ્યારે નીચનો વૃશ્ચિક રાશિમાં એટલેકે લગ્નની રાશિ માં થતો હોય છે.
આ લગ્ન માં વૃષભ રાશિ સાતમા સ્થાને રહેલી છે. સાતમું સ્થાન મેરેજ, પાર્ટ્નરશીપ, વ્યાપાર નુ છે.
વૃશ્ચિક લગ્ન ના જાતકો નો ભાગ્યોદય લગ્ન થકી થતો હોય છે.
નવમાંશ સ્થાન નો અધિપતિ ચંદ્ર વૃશ્ચિક રાશિમાં નીચનો થતો હોય છે, ચંદ્ર માતૃકારક છે તથા લગ્નેશ મંગળ નવમા ભાવની કર્ક રાશિમાં નીચનો થતો હોવાથી, આ જાતકો માતૃસુખથી વંચિત રહેતા હોય છે. આ જાતકને માતા તરફથી ઉમળકાભેર સ્નેહ ના મળવાને કારણે હંમેશા માતૃસ્નેહથી વંચિત રહેવાનું દુ:ખ અનુભવાતું હોય છે. આ જાતકો માતૃ ભક્ત હોય છે પરંતુ એમના નસીબ માં માતાનો પ્રેમ હોતો નથી. કારણકે નવમો ભાવ ભાગ્ય ભાવ ગણાય છે.
વૃશ્ચિક રાશિમાં ચંદ્ર નીચનો થતો હોવાથી આ જાતકો સતત ચિંતિત તથા વ્યગ્ર રહે છે. તેઓને પોતાના વ્યક્તિત્વમાં કંઈક ખૂટતું હોય તેમ લાગે છે.
વૃશ્ચિક લગ્ન ની કુંડળી માં શનિ, શુક્ર અને બુધ અશુભ ગણાય છે. ( લઘુપારાશરી મુજબ).
શનિ:
શનિ મંગળનો નૈસર્ગિક શત્રુ છે. પરંતુ મંગળ, શનિ ને સમ માને છે.
શુક્ર :
શુક્ર તથા મંગળ પરસ્પર સમ સંબંધ ધરાવે છે.
બુધ:
મંગળ, બુધને સમ ગણે છે, જયારે બુધને મંગળ પ્રત્યે શત્રુતા છે.
શનિ :
વૃશ્ચિક લગ્ન ની કુંડળી માં ત્રીજા તથા ચોથા ભાવમાં શનિની રાશિ અનુક્રમે મકર તથા કુંભ રહેલી છે.
મકર રાશિમાં લગ્નેશ મંગળ ઉચ્ચનો થાય છે, જયારે કર્ક રાશિમાં નીચત્વ મેળવે છે.
ત્રીજો ભાવ સાહસ, ધૈર્ય, માનસિકવલણ દર્શાવે છે.
લગ્નેશ મંગળ ઉચ્ચનો થાય છે. મંગળ : સાહસ, હિંમત, ડીસિપ્લિન નો કારક છે. આ લગ્નના જાતકો શિષ્તબધ્ધ રહેવાની વિચારસરણી ધરાવતા હોય છે. મકર રાશિનો અધિપતિ શનિ હોવાને કારણે આ લગ્નના જાતકો ઝાઝી હિંમત કરતાં નથી, ખૂબ વિચારીને નિર્ણય લે છે . મંગળ ની સાહસવૃત્તિ પર બ્રેક વાગે છે. ડરી ડરીને ઉંડાણથી પરિસ્થિતિનો ક્યાસ કાઢીને આગળ વધવાની મનોવૃત્તિ ધરાવે છે. ચાલે છે. કોઈ પણ પગલું ભરતાં પહેલાં દરેક બાજુના પાસાનો વિચાર કરે છે.
ત્રીજો ભાવ હિંમત- સાહસનો છે, શનિ તેનું આધિપત્ય કરે છે. શનિ મેષ રાશિમાં નીચત્વ પામે છે. વૃશ્ચિક લગ્નની કુંડળીમાં મેષ રાશિ છઠ્ઠા સ્થાનમાં રહેલી છે. અહીં ત્રીજા પરાક્રમ સ્થાન ના અધિપતિ તરીકે શનિ નીચનો થતો હોવાથી જાતક સામી છાતીએ યુધ્ધ કે શત્રુતા કરવાને બદલે અનધિકૃત રીતો અપનાવીને યુધ્ધમાં વિજય મેળવે છે. Below the belt વાર કરે છે તેમ કહેવાય.

ત્રીજું સ્થાન ભાઈ-ભાંડુ નું છે. ભાઈ-બ્હેન સાથેનાં સંબંધો એક નિશ્ચિત સ્ટ્રક્ચરમાં ગોઠવાયેલાં હોય છે. પોતાની જરૂર જેટલાં સંબંધો રાખતાં હોય છે. વાતચીત પણ સિમિત દાયરામાં રહીને કરતાં હોય છે.
વૃશ્ચિક લગ્ન ની કુંડળી માં ચોથા ભાવમાં કુંભ રાશિ હોય છે. જેનો અધિપતિ ગ્રહ શનિ છે. શનિ મેષ રાશિમાં નીચત્વ પામે છે. આ લગ્ન ના જાતકો પ્રોપર્ટી, જમીન કે ઘર બાબતમાં કોર્ટ કેસ કરે તો હારવાની શક્યતા રહે છે.
ચતુર્થેશ શનિ બારમા ભાવે રહેલી તુલા રાશિમાં ઉચ્ચનો થતો હોવાથી આ જાતકો વતન છોડી પરદેશમાં જવાનું ઈચ્છતા હોય છે.
શુક્ર :
વૃશ્ચિક લગ્નમાં સાતમે વૃષભ રાશિ રહેલી છે. જેનો અધિપતિ ગ્રહ શુક્ર છે. શુક્ર ની બીજી રાશિ તુલા વૃશ્ચિક લગ્નમાં બારમાં ભાવમાં રહેલી છે.
સાતમાં ભાવથી મેરેજ, પતિ/પત્ની, પાર્ટ્નરશીપ, વ્યાપાર ની વિચારણા થતી હોય છે.
શુક્ર મીન રાશિમાં ઉચ્ચ નો એટલે કે, આ લગ્નમાં પાંચમાં ભાવે ઉચ્ચનો થાય છે.
વૃશ્ચિક લગ્ન ના જાતક નું લાઈફ પાર્ટનર દેખાવમાં સુંદર હોય છે, કારણકે સાતમે શુક્ર ની રાશિ વૃષભ રહેલી હોય છે. લગ્ન રાશિ તથા સપ્તમમાં રહેલી બંને રાશિ સ્થિર રાશિ છે. જેથી એકબીજા ના સ્વભાવ માં સામ્યતા હોય છે. લગ્નેશ મંગળ હોઈ જાતક પોતાના લાઈફ પાર્ટનર ને પ્રોટેકશન આપે છે. ઈમોશનલી સપોર્ટ કરે છે.
શુક્ર ની બીજી તુલા રાશિ બારમા ભાવે છે.
બારમા ભાવથી ચેરીટી, હોસ્પિટલ, પરદેશ ની વિચારણા કરાય છે.
પાંચમા ભાવે શુક્ર ઉચ્ચ નો થતો હોવાથી જાતક નુ માનસિક વલણ ચેરીટી કરવા તરફનું હોય છે. જાતક ત્યાગની ભાવનાવાળા હોય છે. ફીલોસોફર જેવી વિચારસરણી હોય છે. જીવન અંગે મોટા મોટા સપના જોતાં હોય છે.
શુક્ર 11માં ભાવે કન્યા રાશિમાં નીચત્વ પામે છે. આ કારણે વ્યાપાર કરે તો, આવક જોઈએ તેટલી મળતી નથી. વ્યાપારમાં નુકશાન થાય છે, ખાસ કરીને વાહન, સ્ત્રીઓને લગતી વસ્તુઓ કે શુક્ર ના કારકત્વને લગતી વસ્તુઓ ના વ્યાપારમાં નુકશાન થાય અથવા આવક ઓછી મળે છે.
શુક્ર 12 માં ભાવનો અધિપતિ થઈ 11મેં નીચનો થતો હોવાથી ઈન્ટરનેશનલ વ્યાપાર માં પણ નુકશાન થાય છે.
બુધ :
વૃશ્ચિક લગ્નમાં બુધની રાશિ મિથુન ૮ માં સ્થાન પર છે, જ્યારે બીજી રાશિ કન્યા 11માં સ્થાને છે.
બુધ 11મેં કન્યા રાશિમાં ઉચ્ચ નો જ્યારે પાંચમેં મીન રાશિમાં નીચનો થાય છે.
૮ મો ભાવથી આયુષ્ય, આકસ્મિકતા, સાસરા પક્ષનો વિચાર કરાય છે.
આ જાતકો સાસરા પક્ષ સાથે મીનીમમ કોમ્યુનિકેશન રાખે છે. વૃશ્ચિક લગ્નનાં જાતકો ઉતાવળીયા હોય છે, વળી બુધની રાશિ ૮ માં સ્થાને હોતા ત્વરિત નિર્ણય લઈ ને અમલમાં મુકનારા હોય છે, આથી આ જાતકો ઈમરજન્સી સેવાઓ સારી બજાવી શકે છે.
બુધ પાંચમા ભાવે નીચત્વ મેળવતો હોવાથી, આંતરિક રીતે ઉંડાણથી શોક, દુ:ખની લાગણી અનુભવતા હોય છે. ઇમોશનલી ફલ્ચ્યુએટેડ માઈન્ડ ધરાવતા હોય છે.
બુધ 11મેં ઉચ્ચ નો થાય છે, આથી બુધ ના કારકત્વમાં આવતી મેટરમાંથી આવક થાય છે.
11મો ભાવ રીલેટીવ્સનો, મિત્રો નો છે. બુધ કેલ્ક્યુલેટીવ ગ્રહ હોઈ મિત્રો ઓછા હોય અને પોતાને તેમની પાસેથી શું ફાયદો મળે તે જોવે છે. બુધ અષ્ઠમેશ પણ હોવાથી આવકમાં ફ્લચ્યુએશન જોવા મળે છે. બુધના કારકત્વ જેમકે અભ્યાસ, વાચાળતા, નોલેજ વગેરે બાબતો અન્વયે જાતકને પોતાના માં કંઈક ખુટતું હોય તેમ જણાય છે.